Ponownie przypominamy o naszym ostrzeżeniu przed fałszywymi wiadomościami SMS wysyłanymi w imieniu Landsbankinn przez oszustów.  

Við vekjum athygli á að RSA SecurID Software Token appið sem notað er fyrir öruggar innskráningar í netbanka fyrirtækja var nýlega uppfært.

Bankaráð Landsbankans hefur ákveðið að nýta heimild til kaupa á eigin hlutum í bankanum sem veitt var á aðalfundi bankans 24. mars 2021. Samkvæmt endurkaupaáætluninni munu kaupin nema að hámarki 57 milljónum hluta eða sem nemur 0,24% af útgefnu hlutafé. Landsbankinn hefur áður gefið hluthöfum kost á að selja hluti sína í bankanum, síðast í desember 2018.

Við ítrekum viðvörun okkar við fölskum SMS-skilaboðum sem svikarar senda í nafni Landsbankans. 

Afkoma Landsbankans var jákvæð um 14,1 milljarð króna á fyrri helmingi ársins 2021 samanborið við 3,3 milljarða króna tap á sama tímabili árið 2020. Arðsemi eigin fjár á tímabilinu var 10,8% á ársgrundvelli, samanborið við -2,7% á sama tímabili 2020.

Tólf félög og atriði hlutu styrk úr Gleðigöngupotti Hinsegin daga og Landsbankans í þetta sinn. Gleðigangan, sem gengin verður laugardaginn 7. ágúst nk., er hápunktur Hinsegin daga og verður hún nú gengin í 20. skipti.

Landsbankinn úthlutaði í gær, 15. júlí 2021, námsstyrkjum úr Samfélagssjóði bankans til fimmtán framúrskarandi námsmanna. Heildarupphæð styrkjanna nemur sex milljónum króna. Alls bárust rúmlega 600 umsóknir í ár en Landsbankinn er eini íslenski bankinn sem veitir námsstyrki.

Alþjóðlega fjármálatímaritið Euromoney hefur valið Landsbankann besta bankann á Íslandi þriðja árið í röð. Tímaritið bendir m.a. á hagkvæman rekstur bankans og góða arðsemi auk þess sem bankinn sé leiðandi á íbúðalánamarkaði.  

Alls fengu 21 spennandi verkefni styrki úr Menningarnæturpotti Landsbankans í ár. Veittir voru styrkir á bilinu 100 - 300 þúsund krónur til einstaklinga og hópa, samtals fjórar milljónir króna. Starfshópur á vegum Reykjavíkurborgar valdi styrkþegana úr hópi 95 umsókna.

Fastir vextir á nýjum óverðtryggðum íbúðalánum hækka um 0,10 - 0,15 prósentustig frá og með fimmtudeginum 8. júlí.

Útgerðarfélag Reykjavíkur hf. er fyrsta fyrirtækið til að hljóta sjálfbærnimerki Landsbankans. Félagið fær sjálfbærnimerkið vegna MSC vottaðra fiskveiða.

Zwykle latem nasilają się próby oszustw internetowych. Oszuści liczą na to, że osoby będące na wakacjach częściej bezmyślnie klikną w przesłane im linki, nie przeczytają dokładnie wiadomości SMS lub e-mail ale udzielą na nie odpowiedzi.

Sveitarfélagið Árborg gaf í júní út fyrsta íslenska sjálfbærniskuldabréfið til fjármögnunar á verkefnum sem hafa umhverfis- og/eða félagslegan ávinning í för með sér.

Við ítrekum viðvörun okkar við fölskum SMS-skilaboðum sem send hafa verið í nafni Landsbankans.

Landsbankinn á Ísafirði mun opna í nýju húsnæði í Hafnarstræti 19 föstudaginn 18. júní nk. Þar er betri aðstaða og aðgengi fyrir viðskiptavini og starfsfólk auk þess sem húsið hentar starfseminni betur.

 Við vörum við fölskum SMS-skilaboðum sem send hafa verið í nafni Landsbankans.

Landsbankinn hefur fyrstur íslenskra fjármálafyrirtækja mælt kolefnislosun frá lánasafni sínu. Þetta markar tímamót þar sem ein helsta áskorun banka í loftslagsmálum hefur verið að mæla umhverfisáhrif frá verkefnum sem þeir lána til eða fjárfesta í.

Fjögur verkefni fengu lán frá Svanna - lánatryggingasjóði kvenna í vorúthlutun sjóðsins; Fæðingarheimili Reykjavíkur, Justikal, Eylíf og FÓLK. Forsvarskonur þessara ólíku og áhugaverðu fyrirtækja eru á einu máli um það að liðsinni Svanna sé þeim afar mikilvægt og gerir fyrirtækjunum kleift að vaxa og dafna.

 Við vörum við fölskum SMS-skilaboðum sem send hafa verið í nafni Landsbankans.

Eignadreifing sjálfbær er nýr fjárfestingarsjóður Landsbréfa, dótturfélags Landsbankans. Markmið sjóðsins er að ná fram ávöxtun og dreifingu áhættu með sjálfbærni að leiðarljósi.

Heiðarskóli í Reykjanesbæ er sigurvegari Skólahreysti 2021. Úrslitakeppnin fór fram í Mýrinni í Garðabæ laugardaginn 29. maí og var æsispennandi allt til enda. Aðeins hálft stig skildi á milli efstu tveggja skólanna.

Perla Ösp Ásgeirsdóttir, framkvæmdastjóri Áhættustýringar Landsbankans, hefur sagt starfi sínu hjá bankanum lausu og hefur látið af störfum.  

Breytilegir vextir á óverðtryggðum íbúðalánum hækka um 0,15 prósentustig. Fastir vextir á óverðtryggðum íbúðalánum breytast ekki. Vextir á verðtryggðum íbúðalánum, bæði breytilegir og fastir, verða einnig óbreyttir. 

Nú getur þú skoðað hvað þú getur keypt fyrir Aukakrónurnar þínar í vöruleit Já.

Eignastýring Landsbankans hefur gert samstarfssamning við bandaríska fjárfestingarbankann Goldman Sachs sem felur í sér að viðskiptavinir bankans geta nú fjárfest í fjölbreyttum sjóðum Goldman Sachs.

Vegna mistaka hjá SaltPay (áður Borgun) við innsendingu á færslum, voru færslur sumra korthafa sem keyptu eldsneyti hjá Skeljungi/Orkunni í mars eða síðar, bakfærðar ýmist eftir 6 eða 30 daga frá því að færslan var skráð.

Við vörum við falsaðri Facebook-síðu sem gefur til kynna að Landsbankinn standi fyrir leik á samfélagsmiðlum þessa dagana.

Í hagspá Hagfræðideildar Landsbankans fyrir árin 2021-2023 er gert ráð fyrir að efnahagsbatinn hefjist á öðrum ársfjórðungi 2021 og að landsframleiðslan vaxi um tæp 5% á árinu. Góður gangur í bólusetningum, bæði innanlands og í helstu viðskiptalöndum, bendir til þess að ferðaþjónustan taki fyrr við sér en reiknað var með síðastliðið haust.

Landsbankinn fær bestu einkunn sína hingað til í uppfærðu UFS-áhættumati frá Sustainalytics og er nú í 1. sæti af 423 bönkum sem fyrirtækið hefur mælt í Evrópu.

Vel heppnuðu almennu hlutafjárútboði Síldarvinnslunnar lauk klukkan 16.00 þann 12. maí 2021.