Vildarpunktar Icelandair safnast af allri hefðbundinni verslun og viðskiptum innanlands og eða erlendis eftir tegund korta. Undanskilin er velta sem tengjast flutningi á fjármunum. Auk þess veita samstarfsaðilar Saga Club afslátt í formi punkta. Punktana er m.a. hægt að nota til að kaupa flug hjá Icelandair og fjölmargt annað.

Þú finnur alltaf PIN númer kreditkorta í appinu eða netbankanum.

Í Landsbankaappinu smellir þú á PIN hjá viðkomandi kreditkorti en í netbankanum ferð þú á Síðan mín, smellir á aðgerðarhnapp hjá viðkomandi kreditkorti og velur Sækja PIN.

PIN númer er notað til að staðfesta greiðslur með greiðslukortum bankans og því þarf að varðveita PIN á öruggan hátt. PIN númer þarf ekki að nota fyrir greiðslur undir 7500 kr.

Þú notar lykilorð, fingraskanna eða andlitsskanna til að opna síma eða úrið. Það kemur þá í staðinn fyrir PIN númerið þegar þú greiðir með símanum eða úrinu.

Ef kortinu er stolið eða það týnist er mikilvægt að frysta það strax í appinu eða hafa samband við þjónustuver okkar í síma 410 4000. Utan afgreiðslutíma bankans getur þú hringt í 525 2000 sem er neyðarnúmer vegna Visa-korta.

Til að fá nýtt kort getur þú haft samband við þjónustuver okkar í síma 410 4000 eða með tölvupósti.

Ef handhafi eða fyrirtæki tekur eftir óvenjulegri kortafærslu eða hefur nú þegar greitt með korti fyrir vöru eða þjónustu sem hefur ekki skilað sér er mikilvægt að hafa samband við söluaðila eða tilkynna það sem fyrst.

Ef söluaðili getur ekki lagfært færsluna getur handhafi gert endurkröfu með því að fara inn á endurkröfuvef, skrá sig þar inn með rafrænum skilríkjum og velja kortið sem um ræðir.

Nánar um endurkröfur

Kortatímabilið er frá 27. hvers mánaðar til og með 26. næsta mánaðar. Gjalddaginn er 2. hvers mánaðar nema ef sá dagur ber upp á helgidag, þá er gjalddaginn næsta virka dag á eftir.
Á innkaupakortum er kortatímabilið frá 1. til 31. hvers mánaðar. Gjalddaginn er 15. næsta mánaðar á eftir nema ef sá dagur ber upp á helgidegi, þá er gjalddaginn næsta virka dag á eftir.

Almennt viðskiptakort

Almennt viðskiptakort eru ekki lengur hluti af kortaframboði bankans og því er ekki hægt að endurnýja það þegar gildistími þess rennur út.

Þegar gildistími kortsins rennur út mun það sjálfkrafa uppfærast í Viðskiptakort.

Gull viðskiptakort

Gull viðskiptakort heitir nú Viðskiptakort.

Gull vildarviðskiptakort

Gull vildarviðskiptakort heitir nú Vildarviðskiptakort.

Platinum viðskiptakort

Platinum viðskiptakort eru ekki lengur hluti af kortaframboði bankans og því er ekki hægt að endurnýja það þegar gildistími þess rennur út. Kortið virkar út gildistímann og gerir þér kleift að safna 8 vildarpunktum Icelandair fyrir hverjar 1.000 kr. af innlendri veltu. Tryggingarnar haldast einnig óbreyttar sem og Priority Pass sem veitir aðgang að fjölmörgum betri stofum.

Árgjald kortanna má finna í verðskrá Landsbankans.