4. mars 2026
Aðalfundur Landsbankans hf. verður haldinn miðvikudaginn 18. mars 2026 kl. 16.00 í Reykjastræti 6, Reykjavík.
Dagskrá
- Skýrsla bankaráðs um starfsemi bankans síðastliðið starfsár.
- Skýrsla bankastjóra.
- Ársreikningur fyrir liðið starfsár ásamt skýrslu endurskoðanda lagður fram til staðfestingar.
- Ákvörðun um greiðslu arðs og meðferð hagnaðar á næstliðnu reikningsári.
- Tillaga bankaráðs um starfskjarastefnu lögð fram til samþykktar.
- Tillögur til breytinga á samþykktum. Lagt er til að samþykktum fyrir Landsbankann hf. verði breytt þannig að bankaráð skuli skipað fimm aðalmönnum í stað sjö. Nánar tiltekið er lagt til að 1. málsliður 1. mgr. 18. gr. samþykktanna orðist svo: „Bankaráð skal skipað fimm mönnum og tveimur til vara.“
- Kosning bankaráðs.
- Tilnefning utanaðkomandi nefndarmanns í endurskoðunarnefnd.
- Kosning endurskoðanda.
- Ákvörðun um þóknun til bankaráðsmanna fyrir næsta kjörtímabil.
- Heimild til kaupa á eigin hlutum.
- Önnur mál.
Þeir hluthafar sem óska eftir að fylgjast með streymi af fundinum vinsamlegast sendið beiðni um aðgang með upplýsingum um kennitölu á netfangið adalfundur@landsbankinn.is.