Á grundvelli dreifingarsamnings milli Landsbankans og TM er upplýsingum um hverjir eru viðskiptavinir TM miðlað til Landsbankans. TM hefur falið Landsbankanum sölu og þjónustu vátrygginga og í þeim tilgangi að uppfylla það hlutverk fær Landsbankinn aðgang að því hvort einstaklingar séu með tryggingar hjá TM. Við miðlun upplýsinga er horft til þess að ekki sé miðlað fleiri upplýsingum en nauðsynlegt er. Þannig hefur aðeins það starfsfólk bankans sem hefur hlotið fræðslu og þjálfun sem tryggingaráðgjafar upplýsingar um tegund vátrygginga, vátryggingafjárhæð og gildistíma vátrygginga. Annað starfsfólk bankans, þ.m.t. þjónustver hefur upplýsingar um hvort einstaklingur sé með tryggingar hjá TM en hefur ekki aðgang að þeirri sundurliðun sem tryggingaráðgjafar hafa og nefnd er hér að framan.

Landsbankinn miðlar ekki upplýsingum til TM um viðskiptavini bankans nema að beiðni viðskiptavinar eða fyrir liggi samþykki viðskiptavinar á slíkri miðlun. Miðlun sem byggir á samþykki viðskiptavinar er skýrt afmarkað með nákvæmri tilgreiningu á því hvaða upplýsingum er miðlað og í hvaða tilgangi.