Fréttir
Click to Pay: Ný og öruggari leið til að greiða á netinu
19. desember 2025
Nú geta viðskiptavinir Landsbankans tengt greiðslukortin sín við Click to Pay, nýja og öruggari greiðslulausn sem netverslanir eru óðum að taka í notkun.
Click to Pay er sameiginlegt verkefni EMVCo sem er samstarfsvettvangur nokkurra kortasamsteypa á borð við Visa, Mastercard og American Express. Markmiðið er að gera netgreiðslur öruggari, einfaldari og samræma greiðsluleiðir.
Hvernig virkar Click to Pay?
Þau sem nota Click to Pay þurfa ekki lengur að slá inn kortanúmer, öryggisnúmer (CVV) eða gildistíma korta þegar greitt er á netinu.
- Þegar þú hefur skráð kortin þín í Click to Pay getur þú valið þjónustuna sem greiðslumáta í netverslunum.
- Svo slærðu inn símanúmerið eða netfangið sem þú hefur tengt við kort.
- Þú færð síðan beiðni um auðkenningu í SMSi eða tölvupósti.
- Þá sérðu kortin sem þú hefur skráð og velur það sem þú vilt nota, staðfestir greiðsluna og klárar kaupin.
Greiðslur eru gerðar með sama hætti óháð kortategund, útgefanda eða því hvort notast er við tæki með Android, iOS (Apple) eða Windows stýrikerfi.
Ef netverslun býður upp á Click to Pay birtist merki lausnarinnar á greiðslusíðu.
Helsti ávinningur fyrir viðskiptavini
- Aukið öryggi. Kortaupplýsingum er ekki deilt með söluaðilum og þær eru varðar með svokallaðri tókatækni.
- Hraðari og einfaldari greiðslur. Þú skráir kortið einu sinni inn í lausnina og greiðir síðan með einum smelli.
- Samræmd greiðsluleið. Greiðsluferlið í gegnum Click to Pay er eins hjá öllum söluaðilum sem styðja lausnina.
- Einfaldari greiðslur. Greiðslur verða fljótlegri, fyrirhafnarminni og villuhætta minnkar.
Þú gætir einnig haft áhuga á
11. des. 2025
Samfélagsstyrkjum samtals að upphæð 20 milljónum króna var úthlutað úr Samfélagssjóði Landsbankans mánudaginn 8. desember 2025. Alls hlutu 32 verkefni styrk að þessu sinni. Verkefnin eru afar fjölbreytt og gagnast fólki á öllum aldri og víða um land.
10. des. 2025
Stórmeistarinn Jóhann Hjartarson varð hlutskarpastur á Friðriksmóti Landsbankans – Íslandsmótinu í hraðskák sem haldið var í húsakynnum Landsbankans í Reykjastræti 6 sunnudaginn 7. desember 2025. Jóhann var í banastuði og nældi sér í 11½ vinning úr 13 skákum sem er ótrúlegur árangur á jöfnu og annars spennandi móti.
10. des. 2025
Dagatal Landsbankans fyrir árið 2026 er komið úr prentun. Í ár verður dagatalið sent út til viðskiptavina okkar sem eru 67 ára og eldri og eru þau nú þegar farin að berast viðskiptavinum. Aðrir viðskiptavinir, jafnt einstaklingar og fyrirtæki, geta nálgast eintak í útibúum okkar á næstu vikum.
4. des. 2025
Í byrjun nóvember gaf Landsbankinn í fyrsta sinn út leik sem miðaði að því að efla vitund og þekkingu um netöryggi. Markmiðið með því að nota leikjaformið var að virkja fólk til varna um eigið netöryggi.
4. des. 2025
Landsbankinn tekur þátt í og er kyndilberi verkefnis Almannaróms, Þín íslenska er málið. Markmið verkefnisins er að safna heimildum um íslenskunotkun fyrirtækja úr ýmsum greinum atvinnulífsins. Oft er um sértækan orðaforða að ræða, íðorð og hugtök, sem ekki eru í víðtækri notkun en eru engu að síður mikilvægur hluti af fjölbreytilegum málheimi okkar allra.
4. des. 2025
Seðlabankinn hefur ákveðið að gamlársdagur, 31. desember, verði framvegis ekki bankadagur.
26. nóv. 2025
Ljósin verða tendruð á 60 ára afmæli Hamborgartrésins þann 29. nóvember kl. 17.00 við hátíðlega athöfn á Miðbakka við Reykjavíkurhöfn þar sem Lúðrasveit Hafnarfjarðar leikur jólalög við jólatréð.
21. nóv. 2025
Landsbankinn lækkar vexti inn- og útlána. Breytilegir vextir óverðtryggðra íbúðalána lækka um 0,25 prósentustig. Fastir vextir nýrra íbúðalána lækka um 0,10 -0,20 prósentustig.
18. nóv. 2025
Líkt og undanfarin ár veitti Landsbankinn styrk til góðs málefnis í nafni allra þeirra fyrirtækja sem hlutu viðurkenningu Creditinfo sem Framúrskarandi fyrirtæki. Að þessu sinni rann styrkurinn, fjórar milljónir króna, til Arnarsins.
14. nóv. 2025
Vegna kerfisuppfærslu verða netbankinn og appið lokuð aðfaranótt mánudagsins 17. nóvember 2025. Lokað verður frá miðnætti til um kl. 4.00 á mánudagsmorgun. Þá munu aðrar sjálfsafgreiðslulausnir ekki virka á meðan á uppfærslunni stendur.