Víða í netbankanum má finna þennan samhengisbundna aðgerðahnapp sem einkenndur er með þremur láréttum strikum. Þar undir má finna þær aðgerðir sem eiga við hverju sinni.

Já, netbankinn virkar í snjallsímum og spjaldtölvum. Landsbankaappið er hins vegar besti kosturinn fyrir fyrir snjallsíma. Hægt er að nota L.is á símum sem styðja ekki iOS (iPhone) eða Android stýrikerfi.

Viðskiptavinir 9 ára og eldri geta bæði fengið aðgang að netbankanum og Landsbankaappinu. Hægt er að sækja um aðgang að í öllum útibúum Landsbankans en undirskrift foreldris eða forráðamanns þarf að fylgja umsókn.

Öryggiskerfi Landsbankans hámarkar öryggi þitt, eykur þægindi við notkun og dregur úr líkum á fjársvikum og annarri misnotkun. Öryggiskerfið lærir að þekkja hegðun notandans og biður um staðfestingu á auðkenni, t.d. með því að svara öryggisspurningu eða símtali úr kerfinu, ef brugðið er út af hefðbundinni notkun. Að öllu jöfnu finnur viðskiptavinurinn þó ekki fyrir kerfinu.

Ef við þurfum að auðkenna þig þá getur þú fengið sjálfvirkt símtal í eitt af þeim símanúmerum sem þú ert með skráð hjá bankanum. Hafðu það símanúmer sem hægt er að ná í þig á meðan þú ert að nota netbankann. Ef þú þarft að skrá símanúmer eða hefur skipt um símanúmer þá getur þú alltaf breytt eða skráð það með því að velja Stillingar í netbankanum eða appinu. En þú getur líka haft samband við þjónustuver bankans.

Ef notandanafni þínu og aðgangsorði er stolið, verður þjófurinn að svara öryggisspurningunum þínum rétt eða svara símtali í einu af þeim símanúmerum sem þú gafst upp áður en hann fær aðgang að netbankanum þínum eða lýkur sviksamlegum viðskiptum.

Ef notandinn getur ekki veitt þær upplýsingar, eða ef ekki næst í hann í síma, verður lokað á hann.

Með þessum viðbótum hámörkum við öryggi í netbankanum þínum, um leið og þín eigin upplifun verður þægilegri.