Appið

Þú getur framkvæmt langflestar bankaaðgerðir í appinu. Hér er listi, en hann er ekki tæmandi:

• Stofna netbankaaðgang og koma í viðskipti
• Fá heildarsýn á fjármálin
• Sjá yfirlit og stöðu bankareikninga
• Sjá stöðu og færslur kreditkorta
• Greiða reikninga
• Millifæra á innlenda og erlenda reikninga
• Sækja PIN fyrir debet- og kreditkort
• Breyta kreditkortaheimild
• Frysta og opna greiðslukort
• Skrá kort í Apple Pay
• Stofna og breyta yfirdráttarheimild
• Skoða yfirlit lána
• Skoða Aukakrónuinneign og lista yfir samstarfsaðila
• Skoða upplýsingar um gengi gjaldmiðla
• Skoða verðbréfaeign
• Fylgjast með gengisþróun sjóða Landsbréfa
• Fylgjast með þróun hlutabréfaverðs
• Skoða stöðu og þróun lífeyrissparnaðar
• Sjá rafræn skjöl
• Sjá stöðu og færslur gjafakorta
• Fylla á frelsi fyrir farsíma
• Skoða breytingar á hlutabréfamarkaði
• Finna afgreiðslustaði og hraðbanka

Appið virkar í tækjum sem keyra á iOS (iPhone) og Android stýrikerfi. Fyrir síma sem ekki eru með Android eða iOS stýrikerfi er hægt að nota farsímavefinn L.is.

• Appið býður upp á fljótlegar og þægilegar innskráningarleiðir með fingrafari eða andlitsgreiningu.
• Til að leyfa innskráningu með þessum auðkenningarleiðum þarft þú fyrst að auðkenna þig annað hvort með notandanafni og lykilorði eða með rafrænum skilríkjum.
• Athugaðu að allir sem hafa aðgang að tækinu þínu með fingrafari munu hafa aðgang að appinu veljir þú að veita þennan aðgang.

Öryggiskerfi Landsbankans hámarkar öryggi þitt, eykur þægindi við notkun og dregur úr líkum á fjársvikum og annarri misnotkun. Öryggiskerfið lærir að þekkja hegðun notandans og biður um staðfestingu á auðkenni, t.d. með því að svara öryggisspurningu eða símtali úr kerfinu, ef brugðið er út af hefðbundinni notkun. Að öllu jöfnu finnur viðskiptavinurinn þó ekki fyrir kerfinu.

Viðskiptavinir 9 ára og eldri geta bæði fengið aðgang að Landsbankaappinu og netbankanum. Hægt er að sækja um aðgang í öllum útibúum Landsbankans en undirskrift foreldris eða forráðamanns þarf að fylgja umsókn.