Árs­skýrsla Lands­bank­ans 2025 er kom­in út 

Ársskýrslan kemur samtímis út á íslensku og ensku. Uppgjör bankans vegna ársins 2025 var birt 29. janúar sl.  

Meðal þess sem fjallað er um í skýrslunni: 

• Góðan rekstrarárangur og tíðindamikið ár í erlendri fjármögnun. 
• Nýjungar í Landsbankaappinu og splunkunýjan netbanka fyrirtækja.  
• Þjónustu bankans við fyrirtæki af öllum stærðum og gerðum. 
• Góðan árangur í færsluhirðingu og fyrirtækjaráðgjöf.  
• Hvernig stærsta útibúanet landsins nýtist öllum viðskiptavinum bankans, óháð búsetu.  
• Samþættingu tryggingaþjónustu við starfsemi bankans. 
• Fjármálafræðslu bankans, styrki til samfélagslegra verkefna og víðtækt samstarf af ýmsum toga. 
• Stærstu verkefnin á sviði upplýsingatækni. 
• Fræðslu og varnir gegn netsvikum. 
• Áherslur í þjónustu bankans á sviði eignastýringar og miðlunar. 
• Trausta stöðu í lífeyrissparnaði og aukinn lífeyrissparnað yngra fólks.  

Sjálfbærni hluti af kjarnastarfsemi bankans 

Frá árinu 2012 hefur markvisst verið unnið að sjálfbærni í rekstri bankans og er sjálfbærni nú orðin hluti af kjarnastarfsemi bankans. Þá hefur orðið sú breyting að ítarlegt sjálfbærniuppgjör er nú gefið út með ársreikningi bankans en það var áður hluti af sérstakri sjálfbærniskýrslu. Þess vegna hefur ársskýrsla Landsbankans, sem til skamms tíma bar heitið árs- og sjálfbærniskýrsla, fengið aftur sitt fyrra heiti. Í ársskýrslunni er engu að síður líkt og fyrr ítarleg umfjöllun um sjálfbærni í rekstri bankans.