24. ágúst 2026
Vikan framundan
- Í dag birta Reitir uppgjör.
- Á morgun birtir Hagstofan veltu út frá VSK-skýrslum. Eimskip og Nova klúbburinn birta uppgjör.
- Á miðvikudag birta Iceland Seafood og Sýn uppgjör.
- Á fimmtudag birtir Hagstofan verðbólgumælingu ágústmánaðar. Við spáum því að verðbólga hækki í 5,5%. Hagstofan birtir einnig gögn um vöru- og þjónustujöfnuð og gistinætur. Brim, Hampiðjan, Heimar og Síldarvinnslan birta uppgjör.
- Á föstudag birtir Ísfélagið uppgjör.
Mynd vikunnar
Fjöldi starfandi á íslenskum vinnumarkaði breyttist lítið á milli ára í júní og dróst saman um 0,2%. Nokkuð ólík þróun er þó á milli almenna markaðarins þar sem starfandi fækkaði um 1,6% á milli ára og opinbera markaðarins þar sem þeim fjölgaði um 2,1%. Þeim sem starfa við opinbera þjónustu, svo sem við opinbera stjórnsýslu, fræðslustarfsemi, heilbrigðis- og félagsþjónustu fjölgaði á sama tíma og fækkun var á almennum vinnumarkaði. Þessi munur á þróun eftir ólíkum mörkuðum er í samræmi við reynslu síðustu ára. Störfum á almennum markaði fækkar yfirleitt þegar hægir á hagkerfinu en fjölgar hjá hinu opinbera.
Það helsta frá vikunni sem leið
- Peningastefnunefnd hækkaði meginvexti Seðlabankans um 0,25 prósentustig. Ákvörðunin kom ekki á óvart og var í samræmi við væntingar okkar. Tónninn í yfirlýsingunni var mildari en við síðustu ákvörðun og vildi einn nefndarmaður halda vöxtum óbreyttum. Samhliða ákvörðuninni birti SÍ Peningamál með uppfærðri þjóðhagsspá.
- Greiðslukortavelta íslenskra heimila jókst lítillega á milli ára í júlí.
- HMS birti vísitölu íbúðaverðs, vísitölu leiguverðs og mánaðarskýrslu. Íbúðaverð stóð nokkurn veginn í stað á milli mánaða.
- Alvotech, Eik, Kaldalón og Síminn birtu uppgjör. Arion banki tilkynnti um lok endurkaupaáætlunar. Icelandair keypti 49% hlut í Fly Play Europe.
- Hagar luku við víxlaútboð. Landsbankinn hélt útboð á sértryggðum skuldabréfum ásamt skiptiútboði. Orkuveita Reykjavíkur hélt útboð á grænum skuldabréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.
18. ágúst 2026
Kortavelta Íslendinga, að teknu tillit til verðlags og gengis, jókst lítillega í júlí. Íslendingar eyddu þó minna innanlands en í fyrra en kortavelta erlendis jókst. Aldrei hefur hærra hlutfall af kortaveltu Íslendinga farið fram erlendis.
17. ágúst 2026
Á miðvikudag tilkynnir Seðlabankinn um vaxtaákvörðun og við spáum því að stýrivextir verði hækkaðir um 0,25 prósentustig. Um 3,1% færri ferðamenn komu til landsins í júlí en í sama mánuði í fyrra. Utanlandsferðum Íslendinga fjölgaði aftur á móti á milli ára í fyrsta sinn á árinu. Skráð atvinnuleysi mældist 4,0% í júlí.
13. ágúst 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga hefur reynst þrálát og verðbólguhorfur versnað. Á sama tíma hefur hagkerfið sýnt merki um kólnun, en þau eru að okkar mati ekki nægilega skýr til að koma í veg fyrir vaxtahækkun.
13. ágúst 2026
Við spáum því að verðbólga mælist 5,5% í ágúst. Heimsmarkaðsverð á olíu hefur hækkað aftur síðastliðinn mánuð og við gerum því ekki ráð fyrir lækkun á eldsneytisverði eins og áður. Við gerum jafnframt ráð fyrir að aukin eftirspurn í tengslum við sólmyrkvan hafi áhrif á flugfargjöld til útlanda, gistiþjónustu og á bílaleiguverð. Hækkun skráningargjalda í opinbera háskóla hefur einnig áhrif til hækkunar í mánuðinum.
10. ágúst 2026
Störfum í Bandaríkjunum fækkaði á milli mánaða í júlí. Í þessari viku verða meðal annars birtar tölur um brottfarir um Keflavíkurflugvöll og skráð atvinnuleysi í júlí. Þá munu nokkur félög einnig birta uppgjör.
4. ágúst 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
4. ágúst 2026
Gistinóttum á hótelum fækkaði um 0,4% á milli ára í júní. Seðlabanki Bandaríkjanna og Englandsbanki héldu báðir vöxtum óbreyttum í síðustu viku.
27. júlí 2026
Verðbólga jókst úr 5,2% í 5,3% í júlí. Áfram sjást merki um hægagang á fasteignamarkaði en fjölda kaupsamninga um íbúðarhúsnæði hefur fækkað á milli ára á sama tíma og fjöldi íbúða til sölu hefur aukist.