19. október 2026
Vikan framundan
- Á morgun birtir HMS vísitölu íbúðaverðs í september.
- Á miðvikudag birtir Seðlabankinn fundargerð peningastefnunefndar og HMS birtir vísitölu leiguverðs.
- Á fimmtudag birtir Hagstofan vísitölu launa og HMS birtir mánaðarskýrslu. Icelandair og Sjóvá birta uppgjör.
Mynd vikunnar
Í hagspá sem við birtum í morgun gerum við ráð fyrir afar hófstilltum hagvexti í ár og á næsta ári, eða 1,3% og 1,5%. Hagvöxturinn verður borinn uppi af fjölbreyttum útflutningi á borð við aukinn ál-, lyfja- og eldisafurðaútflutning, ásamt hóflegum vexti í ferðaþjónustu. Verðbólga hefur verið yfir 5% allt þetta ár, en gangi spá okkar eftir ætti hún að vera komin undir 5% á fyrsta ársfjórðungi næsta árs. Við spáum 5,5% meðalverðbólgu í ár, 4,3% á næsta ári og 3,4% árið 2028. Margt bendir til þess að undirliggjandi verðbólguþrýstingur sé smám saman að gefa eftir. Gangi spá okkar eftir fara vextir að lækka eftir áramót og meginvextir Seðlabanka Íslands verða 6,5% í lok árs 2027. Nánar er rýnt í hagspána í nýju hlaðvarpi.
Það helsta frá vikunni sem leið
- Alls var greiðslukortavelta heimilanna um 121 ma.kr. í september og jókst um 0,9% á milli ára, að teknu tilliti til verðlags og gengis. Kortavelta Íslendinga erlendis jókst um 9,2%, sem sýnir að það er áfram mikill vöxtur í erlendri neyslu Íslendinga á sama tíma og samdráttur mælist innanlands, en kortavelta Íslendinga innanlands dróst saman um 1,7% í september.
- Hafrannsóknarstofnun birti nýja loðnuráðgjöf, en ráðlagt er að veiðar á komandi loðnuvertíð verði takmarkaðar við 105.773 tonn. Þetta er talsvert minna en upphaflega ráðgjöfin gerði ráð fyrir.
- Seðlabankinn tilkynnti framlengingu á reglubundnum gjaldeyriskaupum til 30. nóvember. Kaupin voru minnkuð úr 12 milljónum evra á viku í 6 milljónir evra á viku frá og með 16. október.
- Verðbólga í Bandaríkjunum jókst úr 3,4% í 3,7% í september og var mælingin aðeins yfir væntingum markaðsaðila.
- Hagar (fjárfestakynning) birtu uppgjör.
- Lánamál ríkisins lauk sölu á ríkisvíxlum, ásamt viðbótarútgáfu. Lánasjóður sveitarfélaga og Fossar fjárfestingarbanki luku sölu á skuldabréfum. Ásar hf. lauk sölu á nýjum víxlaflokki.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.