5. október 2026
Vikan framundan
- Á miðvikudag er vaxtaákvörðun hjá Seðlabanka Íslands. Hagstofan birtir gögn um fjölda starfandi.
- Á fimmtudag birtir Bera uppgjör.
- Á föstudag birtir Ferðamálastofa brottfarir um Keflavíkurflugvöll og Vinnumálastofnun birtir skráð atvinnuleysi.
Mynd vikunnar
Peningastefnunefnd Seðlabanka Íslands fundar í dag og á morgun og birtir vaxtaákvörðun sína á miðvikudag. Verðbólga mælist nú 5,9%, samanborið við 5,3% þegar nefndin kom síðast saman. Það væri ekki óeðlilegt að búast við vaxtahækkun þegar verðbólga hækkar svo mikið á milli funda. Aukin verðbólga milli funda skýrist af því að tímabundin lækkun virðisaukaskatts á eldsneyti féll úr gildi, hækkun á heimsmarkaðsverði á olíu og hækkun á opinberri þjónustu. Það eru því lítil merki um að undirliggjandi eftirspurnardrifin verðbólga hafi aukist á milli funda. Við teljum líklegt að nefndin meti núverandi aðhald peningastefnunnar nægilegt til að takmarka annarrar umferðar áhrif þessara hækkana. Þess vegna spáum við því að nefndin haldi vöxtum óbreyttum, þrátt fyrir aukna verðbólgu.
Það helsta frá vikunni sem leið
- Verðbólga jókst úr 5,6% í 5,9% í september og hefur nú mælst yfir 5% allt þetta ár. Eldsneytisverð hækkaði töluvert í mánuðinum auk þess sem hækkun komugjalda á heilsugæslu höfðu áhrif. Við búumst við því að verðbólga verði áfram yfir 5% út árið.
- Fjölda gistinótta á hótelum í ágúst fækkaði um 2,5% á milli ára. Gistinóttum erlendra ferðamanna fækkaði þar um 1,8% en fjölgaði aftur á móti um rúmlega 6% ef taldar eru gistinætur á öllum tegundum skráðra gististaða.
- Seðlabankinn birti Hagvísa.
- Alls var 181 starfsmanni sagt upp í sex hópuppsögnum í september.
- Verðbólga á evrusvæðinu jókst úr 3,2% í 3,8% og hefur ekki mælst hærri í þrjú ár. Aukningin var nokkuð umfram væntingar og skýrist helst af hærra orkuverði. Seðlabanki Evrópu var fyrstur af stærstu seðlabönkum heims til þess að hækka vexti í kjölfar olíuverðshækkana vegna stríðsátaka í Mið-Austurlöndum. Bankinn hækkaði vexti í júní og aftur í september. Tvær vaxtaákvarðanir eru eftir á árinu, í lok október og í desember. Flestir markaðsaðilar búast við óbreyttum vöxtum í október en hækkun í desember.
- Atvinnuleysi í Bandaríkjum hækkaði úr 4,1% í 4,2% í september. Um 29 þúsund ný störf bættust við í mánuðinum. Atvinnuleysi var meira og fjölgun starfa minni en búist var við. Líkurnar á vaxtahækkun hjá Seðlabanka Bandaríkjanna nú í lok október minnkuðu við þessar tölur.
- Reykjavíkurborg lauk sölu á skuldabréfum. Lánamál ríkisins birtu ársfjórðungsáætlun í lánamálum ríkissjóðs.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.