Ertu að flytja til lands­ins og vant­ar banka­reikn­ing?

Það er ekki flókið að stofna bankareikning, jafnvel þótt þú sért nýkomin/-inn til landsins. Til þess að stofna til viðskipta við banka á Íslandi þarftu að vera með íslenska kennitölu. Ef þú ert ekki með kennitölu er fyrsta skrefið að stofna kennitölu hjá Þjóðskrá Íslands.
Mosfellsbær
28. desember 2020

Þú færð upplýsingar um hvernig hægt er að fá íslenska kennitölu á vef Þjóðskrár Íslands, skra.is. Þegar þú ert komin/-inn með kennitölu getur þú valið um tvær leiðir til að stofna reikning.

1. Með rafrænum skilríkjum
Ef þú ert með rafræn skilríki getur þú sótt Landsbankaappið og stofnað til viðskipta í appinu. Þegar þú stofnar til viðskipta getur þú um leið stofnað reikning, sótt um debetkort auk sem þú getur stofnað sparireikning eða keypt í sjóðum.
Í undantekningartilfellum dugar ekki að hafa rafræn skilríki til að stofna bankareikning. Ef þú lendir í vanda hvetjum við þig til að hafa samband, t.d. með því að senda póst í netfangið landsbankinn@landsbankinn.is.

2. Með því að panta tíma í útibúi
Ef þú ert ekki með rafræn skilríki getur þú pantað tíma í næsta útibúi og við getum aðstoðað þig við að fá rafræn skilríki í símann þinn. Ef þú vilt ekki eða getur ekki notað rafræn skilríki getur þú að sjálfsögðu komið í viðskipti engu að síður.

Rafræn skilríki einfalda aðgengi að ýmis konar þjónustu í samfélaginu og við mælum með að allir viðskiptavinir séu með rafræn skilríki. Til að geta fengið rafræn skilríki þarf að hafa íslenska kennitölu og SIM-kortið í símanum þínum þarf að styðja við rafræn skilríki.

Nánast öll bankaþjónusta í símanum

Í appinu og netbankanum sem er í boði á íslensku, ensku og pólsku er meðal annars hægt að sækja um kreditkort, fylgjast með stöðunni, frysta kort og sækja kortaupplýsingar.

Við erum alltaf til staðar

Þjónustuver bankans er opið alla virka daga milli klukkan 9.00 og 16.00. Ráðgjafar okkar í Þjónustuveri geta veitt þér allar upplýsingar um vörur og þjónustu bankans. Þar getur þú einnig sinnt flestum þínum bankaviðskiptum í gegnum síma þegar þér hentar.

Þú getur líka alltaf pantað tíma og við tökum frá tíma fyrir þig, hvort sem það er í gegnum símann eða á staðnum. Við erum til staðar þegar þú þarft ráðgjöf eða aðstoð við þína bankaþjónustu.

Hraðbankar og útibú um allt land

Landsbankinn rekur hraðbanka á rúmlega 60 stöðum um allt land. Hægt er að stilla hraðbankana á íslensku, ensku og pólsku. Þú getur séð staðsetningu hraðbanka á vefnum okkar og í appinu. Bankinn rekur einnig útibú og afgreiðslur á 36 stöðum í öllum landshlutum. Einnig getur þú sent Þjónustuverinu fyrirspurnir eða athugasemdir á netfangið landsbankinn@landsbankinn.is, haft samband í gegnum fyrirspurnarform eða spjallað við okkur í netspjallinu.

Fáðu launahækkun með viðbótarlífeyrissparnaði

Ef þú ert að hefja störf á Íslandi þá mælum við með að þú gerir samning um viðbótarlífeyrissparnað. Ef þú leggur fyrir 2-4% af launum í viðbótarlífeyrissparnað þá bætir launagreiðandi við 2% af launum til viðbótar, sem er í raun launahækkun sem þú fengir annars ekki. Viðbótarlífeyrissparnað má einnig nýta skattfrjálst til að spara fyrir kaupum á húsnæði eða til greiðslu inn á húsnæðislán að tilteknum skilyrðum uppfylltum.

Nánar um viðbótarlífeyrissparnað

Snertilausar greiðslur

Hægt er að tengja debet- og kreditkort við símann og önnur snjalltæki og nota til að greiða fyrir vörur og þjónustu. Það er einfalt að skrá kortin beint í Apple Pay í gegnum Landsbankaappið eða Apple Wallet. Fyrir Android síma þarf að sækja kortaapp Landsbankans í Google Play Store og skrá kortið þar. Þú getur líka notað Garmin Pay og Fitbit Pay ef þú kýst það frekar.

Borgaðu með símanum eða úrinu

Lán og heimildir

Lánaframboð til nýrra viðskiptavina byggir m.a. á viðskiptasögu og er almennt miðað við tveggja ára viðskiptasögu áður en þú getur fengið hærri útlán. Þú getur alltaf fengið meiri upplýsingar með því að panta tíma hjá ráðgjafa.

Aukakrónur – öflugt fríðindakerfi

Við mælum með að þú íhugir að tengja kreditkortið þitt við Aukakrónur. Í hvert skipti sem þú notar kreditkortið þitt safnarðu Aukakrónum, frá 0,2% til 0,5% af innlendri veltu auk þess sem þú færð afslátt hjá samstarfsaðilum í formi Aukakróna.

Safnaðu Aukakrónum með kreditkortinu þínu

Bankaþjónusta fyrir börn og ungmenni

Ýmis bankaþjónusta er í boði fyrir börn og ungmenni. Við hvetjum þig til að kynna þér þjónustuna sem er í boði. Sprotarnir er þjónusta sem er sérsniðin að börnum á aldrinum 0-8 ára, Klassi er fyrir börn á aldrinum 9-15 ára og Náman er fyrir ungt fólk á aldrinum 16-24 ára.

Þú gætir einnig haft áhuga á
Íbúðahús
9. nóv. 2022

Hvernig virka verðtryggð lán?

Verðtryggð lán eru bundin við vísitölu neysluverðs sem er notuð til að mæla verðbólgu. Það þýðir að höfuðstóll lánsins hækkar í takt við verðbólguna hverju sinni. Ef verðbólga er mikil getur hækkunin verið umtalsverð og haft þau áhrif að greiðslubyrði verðtryggðra lána hækkar þegar líður á lánstímann.
2. nóv. 2022

Hvernig er hægt að ávaxta sparnað í verðbólgu?

Þegar verðbólga er há getur verið snúið að ávaxta sparnað til skemmri tíma. Ef ávaxta á sparnaðinn til lengri tíma eru fleiri möguleikar í stöðunni.
20. okt. 2022

Þú getur byggt upp séreign með skyldulífeyrissparnaðinum

Í hugum margra er lítill munur á lífeyrissjóðum og þeirri þjónustu sem þeir bjóða upp á. Sú er þó ekki raunin og liggur munurinn m.a. í því að sumir lífeyrissjóðir bjóða fólki upp á þann kost að greiða hluta af skyldulífeyrissparnaði í séreign sem ella hefði runnið í samtryggingu. Séreignin erfist að fullu við fráfall sjóðsfélaga.
11. okt. 2022

Hvaða áhrif hafa vaxtahækkanir á lánin mín?

Hærri stýrivextir leiða til þess að vextir og mánaðarleg greiðslubyrði á lánum sem eru með breytilega vexti hækka. Þetta á meðal annars við um neytendalán á borð við yfirdrátt og greiðsludreifingu á kreditkortum en mestu munar þó yfirleitt um íbúðalánin.
Fasteignir
2. sept. 2022

Ætti ég að festa vextina á íbúðaláninu mínu?

Seðlabankinn hefur á árinu 2022 hækkað stýrivexti, úr 2% í 5,5% en lægstir voru stýrivextir 0,75% á árinu 2021. Þegar vextir byrjuðu að hækka varð algengara að fólk festi vextina, í 3 eða 5 ár. Í þessari grein er fjallað um muninn á föstum og breytilegum vöxtum og hvað þarf að hafa í huga þegar ákvörðun um lánsform er tekin.
26. ágúst 2022

Kaup í sjóðum getur verið einfaldasta leiðin til að dreifa áhættunni

Sjóðir eru í stuttu máli safn margra fjárfestinga og er ætlað að einfalda fólki dreifingu eigna til að draga úr áhættu og sveiflum. Margar tegundir sjóða eru í boði og fylgja þeir ólíkum markmiðum. Sumir sjóðir stefna til dæmis að því að lágmarka áhættu eða sérhæfa sig í tilteknum atvinnugreinum eða hugmyndafræði, s.s. sjálfbærni.
26. ágúst 2022

Hvernig kaupi ég hlutabréf?

Það er mjög einfalt að kaupa hlutabréf. Til dæmis er hægt að fjárfesta í hlutabréfum einstakra félaga og margskonar sjóðum í netbanka Landsbankans og í Landsbankaappinu á einfaldan hátt og fylgjast þar með þróun fjárfestingarinnar.
26. ágúst 2022

Fyrstu skrefin í verðbréfafjárfestingum

Áður en byrjað er að fjárfesta í verðbréfum er mikilvægt að hafa ákveðin lykilatriði á hreinu og vera meðvituð um áhættuna.
15. júní 2022

Hvað á að borga fyrir barnapössun?

Stundum þurfa foreldrar að skreppa eða geta ekki sótt börn á réttum tíma vegna vinnu eða náms. Sumarnámskeið eru líka yfirleitt styttri en vinnudagur. Því þarf stundum að redda pössun. En hvað á að borga á tímann fyrir barnapössun?
10. júní 2022

Hafðu bankann í vasanum í sumarfríinu

Þú getur nýtt þér nánast alla þjónustu bankans í símanum og tölvunni. Í þessari grein er fjallað um nokkrar algengustu aðgerðirnar í appinu og netbankanum sem geta komið sér vel í sumarfríinu.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur