Með því að nýta sér rafræn skilríki geta viðskiptavinir bankans sparað sér sporin og sótt um vörur og þjónustu á vefnum. Þau spara tíma og eru umhverfisvæn, með tilliti til minni pappírsnotkunar og færri ferðum í fyrirtæki og stofnanir.

Það er hægt að virkja rafræn skilríki á farsíma í næsta útibúi Landsbankans. Ávallt þarf að hafa meðferðis gild persónuskilríki: ökuskírteini (ekki stafræn), vegabréf eða íslensk nafnskírteini. Skilríkin eru skráð á SIM-kort farsímans en þau þurfa að vera skráð hjá símafyrirtækjunum. Á vef Auðkennis er hægt að slá inn símanúmerið og sjá hvort SIM-kortið þitt uppfylli tæknilegar kröfur um rafræn skilríki.

Rafræn skilríki á farsíma

• Skilríkin fá 5 ára gildistíma og eru sett á SIM-kort farsímans. SIM-kortið þarf að uppfylla tæknilegar kröfur rafrænna skilríkja. Hér er hægt að slá inn símanúmerið og sjá hvort SIM-kortið þitt uppfylli tæknilegar kröfur.

Rafræn skilríki á sérstökum kortum

• Oftast eru það einstaklingar sem búa erlendis eða eru oft utan þjónustusvæðis símafyrirtækjanna sem kjósa þessa tegund rafrænna skilríkja, svokölluð einkaskilríki. Sótt er um á umsóknarvef Auðkennis, þau kosta 1500 krónur og fá 1 árs gildistíma. Athugið að það þarf sérstakan kortalesara og uppsetningu hugbúnaðar til þess að nota þau.

Þau eru gjaldfrjáls og eru virkjuð endurgjaldslaust hjá Landsbankanum fyrir alla. 

1. Inni á vef þjónustuaðila þarf að velja innskráningarleiðina "Rafræn skilríki á síma"
2. Slá inn farsímanúmer og velja "Innskrá" (passa að farsíminn sé ólæstur) eða "Undirritun" þegar við á
3. Á farsímanum þarf að slá inn PIN-númerið og senda af stað
4. Þá ætti vefurinn að opnast

Athugið að til að geta notað rafræn skilríki á farsíma þá þarf að vera samband við símkerfi, WiFi tenging nægir ekki.

Rafræn skilríki fækka frekar notendanöfnum og lykilorðum sem notendur þurfa að muna. Flestar opinberar stofnanir, sveitarfélög og fjölmargir þjónustuaðilar bjóða upp á innskráningu með rafrænum skilríkjum. Þá þarf bara að muna símanúmerið og PIN-númerið sem valið var við virkjun skilríkjanna.

Í þeim tilvikum þarf að koma í næsta útibú Landsbankans með persónuskilríki og þar er farið í gegnum nýtt virkjunarferli.

Já, með samþykki forráðamanns. Forráðamaður getur annað hvort veitt samþykki með því að skrifa rafrænt undir samþykki á vef Auðkennis og sá sem sækir um getur þá komið í útibú innan 30 daga þar sem hann framvísar löggildum persónuskilríkjum eða með því að forráðamaður kemur með í útibú þar sem báðir aðilar þurfa að framvísa persónuskilríkjum.

Því miður er það ekki hægt, en það er líka hægt að virkja rafræn skilríki á frelsisnúmer.

Ekki er hægt að veita öðrum aðila umboð til að virkja rafræn skilríki.

Þó að símanúmerið sé óbreytt þá þarf að virkja ný skilríki við þessar aðstæður. Líka ef skipt er aftur til baka í gamla símafélagið og þá þarf viðkomandi að fá nýtt SIM-kort.

Hægt er að setja rafræn skilríki í nær allar tegundir farsíma en því miður eru nokkrar tegundir síma sem styðja ekki rafræn skilríki.

1. Fyrst þarf að setja upp hugbúnaðinn Nexus Personal og kortalesari þarf að vera tengdur tölvunni
2. Skilríkjunum er stungið í samband við tölvu með kortalesara
3. Inni á vef þjónustuaðila þarf að velja innskráningarleiðina "Rafræn skilríki á korti"
4. Upp kemur auðkenningargluggi merktur Nexus Personal og þar er slegið inn 4 stafa PIN-númer til auðkenningar (við undirritun þarf 6 stafa PIN-númer)

Athugið að við virkjun skilríkjanna er valið 6 stafa PIN-númer, fyrstu 4 eru til auðkenningar, en allir 6 til undirritunar.

Á notendavef Auðkennis, https://mitt.audkenni.is/, er hægt að skoða notkun skilríkjanna.

Já, með því að auðkenna þig með rafrænum skilríkjum hjá Landsbankanum jafngildir því að framvísa persónuskilríkjum.  Hægt er að skrá rafræn skilríki hér á vefnum.

Á notendavef Auðkennis, https://mitt.audkenni.is/, er hægt að virkja rafræn skilríki á fleiri símanúmer. Þá þarf sá sem á rafræn skilríki á farsíma að nota þau sem til eru fyrir til að virkja nýju, og notar til þess rafræna undirritun.

Hefur samband við þitt símafélag og ef þeir loka SIM-korti þá afturkallast skilríkin sjálfkrafa og verða ónothæf.

Hefur samband við Auðkenni ehf. og þau loka skilríkjunum fyrir þig.

Hefur samband við Landsbankann og við lokum skilríkjunum fyrir þig.

Ef þú átt önnur rafræn skilríki getur þú farið á https://mitt.audkenni.is/, skráð þig inn með þeim og afturkallað skilríkin sjálf/-ur.