Ákvarðanir um fjármál eru mikilvægur þáttur í lífi fólks óháð aldri en við höfum tekið saman reglur sem gilda um meðferð fjármuni barna hér.

Foreldrar og forsjáraðilar geta stofnað bankareikninga fyrir börnin í appinu sínu og hafa svo yfirsýn yfir allar hreyfingar og viðskipti ófjárráða barna sinna þar líka.

Til þess að geta millifært af reikningi barns þíns þurfa þeir sem hafa forsjá skv. þjóðskrá að skrifa undir umboð til úttekta og upplýsinga um viðskipti ólögráða einstaklings. Ef barnið hefur náð 13 ára aldri þarf það einnig að skrifa undir umboðið.

Þið getið haft samband við okkur, t.d. á netspjallinu eða í síma 410-4000 til að skrifa undir umboðið. Við aðstoðum ykkur að klára málið.

Barnið þarf að sækja um rafræn skilríki eða Auðkennisappið til þess að fá aðgang að appinu.

Til að sækja um kort og reikning rafrænt þarf að hafa rafræn skilríki. Þú getur alltaf pantað tíma í næsta útibúi til að fá rafræn skilríki.

Það er hægt að staðfesta forsjá einstaklinga undir 18 ára á mitt.audkenni.is ef viðskiptavinur yngri en 18 ára vill mæta sjálft til að virkja rafrænu skilríkin sín án þess að forráðamaður komi með.

Sé veltureikningur til staðar getur forráðamaður eða viðskiptavinur 13 ára og eldri fengið debetkort með því að hafa samband við þjónustuver eða panta tíma. Plúskort eða fyrirframgreidd kreditkort eru líka í boði fyrir 16 ára og eldri.

Við mælum með að ná í Landsbankaappið til að fylgjast með stöðu kortsins.

Þá getur barnið sótt sjálft um reikning, kort og fengið aðgang að appinu. Foreldrar og forsjáraðilar munu áfram geta haft yfirsýn yfir fjármál barnsins í appinu sínu og fá tilkynningar í rafræn skjöl ef barnið býr til reikning eða stofnar kort.

Rafræn skilríki eru persónuskilríki sem notuð eru í rafrænum viðskiptum. Þau eru einföld og örugg leið til innskráningar í netbanka einstaklinga og eru einnig notuð til undirritunar á netinu. Rafræn undirritun hefur sama lagalegt gildi og hefðbundin undirskrift.

Rafræn skilríki eru vistuð á SIM-kortum í farsímum og eru auðveld í notkun því einungis þarf farsíma og PIN-númer sem notandinn velur sjálfur við virkjun skilríkjanna.

Já, börn geta fengið rafræn skilríki.

Þið getið komið við í næsta útibúi eða á skráningarstöð Auðkennis með persónuskilríkin ykkar meðferðis (vegabréf, nafnskírteini eða ökuskírteini). Ef foreldrar eða forsjáraðilar komast ekki með að setja upp rafrænu skilríkin geta þau undirritað umsóknina rafrænt á mínum síðum hjá Auðkenni.