Viku­byrj­un 29. ág­úst 2022

Vísbendingar eru um að einkaneysluvöxtur ársins verði m.a. drifinn af auknum bílakaupum en hrein ný bílalán til heimilanna jukust um 34% milli ára í júlí miðað við fast verðlag.
29. ágúst 2022 - Hagfræðideild

Vikan framundan

  • Á þriðjudag gefur Hagstofan út vísitölu neysluverðs. Við spáum því að vísitala neysluverðs hækki um 0,4% milli júlí og ágúst. Gangi spáin eftir verður ársverðbólgan óbreytt milli mánaða í 9,9%. Origo og Sýn birta ársfjórðungsuppgjör á þriðjudaginn.
  • Á miðvikudag gefur Hagstofan út þjóðhagsreikninga, bæði bráðabirgðatölur fyrir 2021 og fyrir annan ársfjórðung þessa árs.
  • Á föstudag gefur Seðlabankinn út tölur um greiðslujöfnuð og erlenda stöðu þjóðarbúsins á öðrum ársfjórðungi.

Mynd vikunnar

Vísbendingar eru um að einkaneysla verði áfram kröftug en þar vegur þungt mikil aukning ferðalaga til útlanda í vor og sumar en einnig áframhaldandi aukning neysluútgjalda innanlands. Aukin neysluútgjöld birtast m.a. í mikilli aukningu greiðslukortaveltu og enn frekari aukningu á nýskráningum bifreiða. Hrein ný bílalán heimila, þ.e. ný lán að frádregnum upp- og umframgreiðslum, hafa aukist verulega á síðustu mánuðum og námu samtals 2,6 mö.kr. í júlí sl. sem er 34% aukning milli ára miðað við fast verðlag.

Efnahagsmál

  • Launavísitalan lækkaði um 0,1 prósentustig milli júní og júlí, samkvæmt tölum Hagstofu Íslands.
  • Peningastefnunefnd tilkynnti á miðvikudaginn um 0,75 prósentustiga hækkun stýrivaxta. Stýrivextir eru því komnir upp í 5,5% en þeir fóru lægst í 0,75% í maí á síðasta ári. Þessi hækkun var í samræmi við væntingar okkar. Samhliða þessu gaf Seðlabankinn út ársfjórðungsrit sitt, Peningamál, með uppfærðri verðbólgu- og þjóðhagsspá. Hagfræðideild Landsbankans fjallaði um hækkun stýrivaxta og áhrif þess á hagkerfið í hlaðvarpsþætti Landsbankans, Umræðan.
  • Seðlabankinn gaf út tölur um bankakerfið en hrein ný útlán, þ.e. útlán innlánsstofnana að frádregnum upp- og umframgreiðslum, jukust um 8% á milli ára á föstu verðlagi í júlí.
  • Hagstofan birti tölur fyrir inn- og útflutning vöru og þjónustu á öðrum fjórðungi, auk atvinnuleysistalna, en samkvæmt árstíðaleiðréttum tölum var hlutfall atvinnulausra 4,1% í júlí.

Fjármálamarkaðir

Hagtölur og markaðsupplýsingar

Vikubyrjun 29. ágúst 2022 (PDF)

Þú gætir einnig haft áhuga á
Bátur
19. feb. 2024
Vikubyrjun 19. febrúar 2024
Nokkur breyting hefur orðið á samsetningu vinnumarkaðarins hér á landi frá árinu 1991. Stjórnendum, sérfræðingum, sérmenntuðu starfsfólki, þjónustu- og verslunarfólki hefur fjölgað verulega á sama tíma og skrifstofufólki, bændum og fiskveiðifólki hefur fækkað.
Peningaseðlar
15. feb. 2024
Spáum áframhaldandi hjöðnun í febrúar: Úr 6,7% í 6,1%
Við spáum því að vísitala neysluverðs hækki um 0,89% milli mánaða í febrúar og að ársverðbólga hjaðni úr 6,7% í 6,1%. Útsölulok munu hafa mest áhrif til hækkunar á milli mánaða í febrúar, samkvæmt spánni. Þá koma gjaldskrárhækkanir á sorphirðu, fráveitu og köldu vatni inn í mælingar nú í febrúar. Lægri flugfargjöld til útlanda vega þyngst á móti hækkunum, gangi spáin eftir.
Flugvél
12. feb. 2024
Ferðamenn dvelja skemur og eyða færri krónum
Um 131 þúsund erlendir ferðamenn fóru um Keflavíkurflugvöll í janúar. Þeir voru fleiri en í janúar í fyrra en færri en árin fyrir faraldur. Fjórði ársfjórðungur síðasta árs var sá fjölmennasti frá upphafi.
Smiður
12. feb. 2024
Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
Hús í Reykjavík
9. feb. 2024
Meirihluti útistandandi íbúðalána nú verðtryggður
Hátt vaxtastig hefur breytt samsetningu íbúðalána til heimila. Meirihluti útistandandi íbúðalána heimila er nú verðtryggður, en heimili hafa frá byrjun síðasta árs í auknum mæli fært sig úr óverðtryggðum lánum yfir í verðtryggð. Hrein ný íbúðalán banka og lífeyrissjóða hafa aukist frá miðju síðasta ári en drógust nú saman milli mánaða í desember.
5. feb. 2024
Mánaðaryfirlit yfir sértryggð skuldabréf - janúar 2024
Meðfylgjandi er mánaðarlegt yfirlit sértryggðra skuldabréfa.
Mynt 100 kr.
5. feb. 2024
Vikubyrjun 5. febrúar 2024
Verðbólga hefur hjaðnað síðustu mánuði, en auk þess hefur hlutfall undirliða sem hafa hækkað um meira en 10% á undanförnum 12 mánuðum fækkað.
2. feb. 2024
Fréttabréf Hagfræðideildar 2. febrúar 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
1. feb. 2024
Spáum óbreyttu vaxtastigi í næstu viku
Við spáum því að peningastefnunefnd Seðlabanka Íslands haldi meginvöxtum bankans óbreyttum í 9,25% í næstu viku. Þótt verðbólgan fari hjaðnandi og flestir hagvísar bendi í rétta átt teljum við ólíklegt að nefndin telji tímabært að lækka vexti. Við búumst frekar við að nefndin stígi varlega til jarðar og bíði eftir auknum slaka í þjóðarbúinu, ekki síst vegna óvissu í tengslum við yfirstandandi kjaraviðræður og viðbrögð stjórnvalda við hamförunum í Grindavík.
Paprika
30. jan. 2024
Verðbólgan 6,7% og hjaðnar meira en búist var við
Vísitala neysluverðs lækkaði um 0,16% milli mánaða í janúar og við það hjaðnaði ársverðbólga úr 7,7% í 6,7%. Nýir bílar hækkuðu minna í verði en við bjuggumst við og flugfargjöld lækkuðu óvænt. Aðrir liðir voru nokkurn veginn eins og við höfðum spáð. Hagstofan boðar breytta aðferðafræði við mælingu á húsnæðislið sem innleidd verður í vísitöluna á vormánuðum.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur