Þú getur sótt um lán hér á netinu með einföldum hætti. Fyrst þarftu að fara í gegnum greiðslumat sem tekur örfáar mínútur.

Ef þú vilt átta þig betur á greiðslugetu þinni án þess að fara í gegnum greiðslumat þá getur þú áætlað hana með þar til gerðri reiknivél.

• Nánar um greiðslumat
• Fara í greiðslumat og sækja um lán
• Panta tíma í ráðgjöf

Við kaup á fasteign getur lánshlutfall verið allt að 85% af kaupverði eignar, 70% grunnlán til allt að 40 ára og 15% viðbótarlán til allt að 15 ára.

Við endurfjármögnun getur hámarks veðsetning verið 70% af fasteignamati eignar.

Þegar þú tekur lán greiðir þú alltaf vexti af eftirstöðvum skuldanna. Ef þú dreifir skuldunum yfir langt tímabil verður greiðslubyrðin lægri, en þú greiðir vexti allan þann tíma.

Eftir því sem lánstíminn er styttri, greiðir þú lánið hraðar niður og greiðir vexti í styttri tíma. Styttri lán eru því ódýrari þótt greiðslubyrðin sé hærri.

Við kaup á fasteign getur lánshlutfall verið allt að 80% af kaupverði eignar, 70% grunnlán og 10% viðbótarlán. Við lánum allt að 85% fyrir fyrstu kaupendur, 70% grunnlán og 15% viðbótarlán..

Við endurfjármögnun getur hámarks veðsetning verið 70% af fasteignamati eignar.

Verðtryggð lán geta að hámarki verið 30 ár.

Lánsfjárhæðin fer eftir niðurstöðum úr greiðslumatinu þínu en hámarks lánshlutfall getur þó ekki orðið hærra en samanlagt brunabótamat og lóðamat íbúðarhúsnæðisins.

Pantaðu tíma í ráðgjöf ef þú þarft hærra lán en 50 milljónir.

Þegar um jafnar afborganir af höfuðstól er að ræða er alltaf greitt jafn mikið af höfuðstól lánsins og leggjast uppsafnaðir vextir við afborgun höfuðstóls. Eignamyndun verður því jöfn yfir lánstímann. Greiðslubyrðin er hærri í byrjun lánstímans en lækkar með tímanum og verður á endanum lægri en ef jafngreiðslulánið hefði verið valið. 

Jafnar greiðslur (annuitet) þýða að þú jafnar út það sem þú borgar í hverjum mánuði. Þú borgar lítið inn á höfuðstólinn í fyrstu á meðan vextirnir eru háir, en eftir því sem vextirnir lækka borgar þú meira á höfuðstólinn og lækkar þannig lánið. Jafnar greiðslur fela í sér að hver gjalddagi er jafn hár þeim næsta, fyrir utan verðbætur. Afborgun af höfuðstól er mjög lág til að byrja með og eignamyndun hraðari síðari hluta lánstímans heldur en fyrri hluta hans.

Hægt er að taka fasta vexti í 36 eða 60 mánuði í senn eða breytilega vexti sem taka mið af vaxtatöflu hverju sinni. Ákveða þarf hvort festa eigi vexti aftur eða láta þá færast sjálfkrafa yfir á breytilega vexti  að fastvaxtatímabili loknu. 

Lántökugjald er 52.500 kr. og er það sama gjald hvort sem verið er að endurfjármagna eða kaupa.

Einnig þarf að hafa í huga kostnað við greiðslumat og svo þinglýsingu sem er gjald innheimt af Sýslumanni.

Við fellum niður lántökugjald við fyrstu kaup. Ef tveir aðilar eru að kaupa fasteign saman og annar þeirra er að kaupa sína fyrstu eign, þá er lántökugjaldið jafnframt fellt niður.

Á lánum með föstum vöxtum er yfirleitt uppgreiðslugjald á meðan að vextir eru fastir en vextir eru ýmist fastir til  36 eða 60 mánaða í senn.

Lán með breytilegum vöxtum bera almennt ekki uppgreiðslugjald.

• Uppgreiðslugjald getur að hámarki numið 0,2% fyrir hvert heilt ár sem eftir stendur af fastvaxtatímabili og aldrei hærra en 1% af fjárhæð endurgreiðslu.
• Heimilt að greiða inn á íbúðalán með föstum vöxtum 1.000.000 kr. á almanaksári án þess að greiða uppgreiðsluþóknun.

Uppgreiðslugjöld lána eru einnig mismunandi milli lánastofnanna.

Ráðgjafar okkar geta aðstoðað þig við að reikna út hvaða áhrif uppgreiðslugjaldið hefur á lánið þitt.

Það geta allir sótt um íbúðalán en skilyrði fyrir lántöku er að vera lánshæfur (skilvís) og standast greiðslumat Landsbankans, óháð því hvar önnur bankaviðskipti eru.

Fyrsta skrefið áður en sótt er um íbúðalán er að fara í gegnum greiðslumat til að átta sig á stöðunni og lánamöguleikum.

Til að vera lánshæfur mega ekki vera til staðar  vanskil eða vanskilamerkingar,  skuldsetning hófleg og næg greiðslugeta þarf að vera til staðar.

Hófleg skuldsetning og sparnaður hafa almennt jákvæð áhrif á lánshæfismatið en vanskil neikvæð. Til að viðhalda góðu lánshæfi er því nauðsynlegt að haga skuldsetningu í samræmi við greiðslugetu og greiða afborganir af lánum á tilskildum tíma.

Íbúðalán eru einungis veitt á eina eign þar sem lántaki er með búsetu. Fasteignalán eru í boði fyrir þá sem eru að kaupa aðra fasteign hvort sem er um íbúðarhúsnæði eða aðrar tegundir fasteigna. Önnur kjör og viðmið gilda um veðhlutfall en um lánshæfi- og greiðslumat gilda sömu viðmið og um íbúðalán. Sjá nánar

Ef þú ert með grunnlán á breytilegum vöxtum þá getur þú alltaf óskað eftir breytingu yfir í fasta vexti. Vextirnir miðast þá við þá vexti sem eru í boði hverju sinni. Útbúin er skilmálabreyting við lánið sem síðan þarf að þinglýsa.

Pantaðu tíma í ráðgjöf til að fá fasta vexti á lánið þitt.

Vextir íbúðalána miðast við vaxtatöflu hverju sinni. Ef óskað er eftir að festa vexti á íbúðaláni þá miðast kjörin við þá vaxtatöflu sem er í gildi þegar sótt er um skilmálabreytinguna. Hægt er að sækja um fasta vexti fyrir öll grunnlán.

Endurfjármögnun