22. maí 2023
Vikan framundan
- Á miðvikudag er vaxtaákvörðun hjá Seðlabankanum og við spáum 1,0 prósentustiga hækkun. Samhliða ákvörðuninni birtir Seðlabankinn Peningamál með nýrri þjóðhags- og verðbólguspá. Hagstofan birtir einnig vöru- og þjónustujöfnuð fyrir 1. ársfjórðung.
- Á fimmtudag birtir Síldarvinnslan árshlutauppgjör.
- Á föstudag birtir Hagstofan verðbólgumælingu maímánaðar. Við eigum von á að verðbólgan lækki úr 9,9% í 9,6%..
Mynd vikunnar
Í upphaf árs 2015 fór um 10% af kortaveltu íslenskra heimila fram erlendis, annað hvort vegna ferðalaga erlendis eða í gegnum erlendar netverslanir. Þetta hlutfall var komið upp í kringum 15% áður en að heimsfaraldurinn skall á og fór það lægst í 7% á meðan engar utanlandsferðir voru í boði. Síðan hefur hlutfallið hækkað og er núna í kringum 20%. Þetta er merki þess að neysla íslenskra heimila fari í auknum mæli fram erlendis hvort sem er vegna aukinna ferðalaga eða aukinnar netverslunar, en aukning í kortaveltu íslenskra heimila síðan heimsfaraldrinum lauk hefur verið drifinn áfram af kaupum á vöru og þjónustu frá erlendum söluaðilum.
Helsta frá vikunni sem leið
- Heildarkortavelta íslenskra heimila dróst saman um 5% milli ára í apríl. Þetta er í fyrsta sinn í rúm tvö ár sem heildarkortaveltan dregst saman milli ára að raunvirði. Kortavelta Íslendinga innanlands var 7,2% minni en í apríl í fyrra en erlendis jókst hún um 5% miðað við fast verðlag og gengi. Samdráttur í kortaveltu kann að vera merki um að tekið sé að hægja á einkaneyslu, en þó ber að varast að lesa of mikið í einstaka mánuði.
- Vísitala íbúðaverðs á höfuðborgarsvæðinu hækkaði um 0,8% milli mánaða í apríl og er þetta þriðji mánuðurinn í röð sem vísitalan hækkar milli mánaða. Árshækkun vísitölu íbúðaverðs mælist nú 8,6% og lækkar milli mánaða þrátt fyrir þessa hækkun.
- Seðlabankinn birti niðurstöður úr könnun á væntingum markaðsaðila sem fór fram í byrjun maí. Verðbólguvæntingar versnuðu nokkuð frá síðustu könnun sem fór fram í janúar, en í stað 5,5% verðbólgu í loks árs gera markaðsaðilar nú ráð fyrir 7,5% verðbólgu (miðgildi svara varðandi meðalverðbólgu á 4. ársfjórðungs 2023). Miðað við miðgildi svara eiga markaðsaðilar almennt von á 1 prósentustigs hækkun á stýrivöxtum núna í vikunni, en 66% svarenda töldu að taumhald peningastefnu væri of laust.
- Reitir, Eimskip, Brim, Eik, Iceland Seafood og Alvotech birtu uppgjör.
- Af skuldabréfamarkaði er að frétta að OR hélt útboð á grænum skuldabréfum, Landsbankinn hélt útboð á sértryggðum bréfum, Gróska hélt útboð á grænum skuldabréfum, Arion banki gaf út skuldabréf í evrum, Íslandsbanki birti niðurstöður endurkaupatilboðs á skuldabréfum bankans í evrum og Lánamál ríkisins tilkynntu um endurkaupatilboð á skuldabréfum ríkissjóðs í evrum.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram.Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára.Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
7. maí 2025
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.
5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.
2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. maí 2025
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð.
29. apríl 2025
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.
28. apríl 2025
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.
28. apríl 2025
Hagstofan birtir verðbólgutölur fyrir aprílmánuð á morgun og við búumst við að verðbólga hækki tímabundið upp í 4%. Í vikunni fáum við fyrstu uppgjör fyrir fyrsta ársfjórðung og fyrsta mat á hagvexti í Bandaríkjunum og á evrusvæðinu á fyrsta ársfjórðungi.
23. apríl 2025
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021.
22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.