Vikubyrjun 28. ágúst 2023
Í síðustu viku hækkaði Peningastefnunefnd vexti um 0,5 prósentustig. Auk þess birti SÍ Peningamál, HMS birti mánaðarskýrslu, Hagstofan birti veltu skv. VSK-skýrslum og vöru- og þjónustujöfnuð, auk þess sem nokkur uppgjör voru birt. Í þessari viku fáum við verðbólgutölur fyrir ágúst og þjóðhagsreikninga fyrir 2. ársfjórðung.
28. ágúst 2023
Vikan framundan
- Í dag birtir Sjóvá uppgjör.
- Á miðvikudag birtir Hagstofan ágústmælingu vísitölu neysluverðs. Við spáum því að ársverðbólgan lækki úr 7,6% í 7,5%. Reginn, Sýn og Iceland Seafood birta uppgjör.
- Á fimmtudag birtir Hagstofan þjóðhagsreikninga fyrir 2F 2023 ásamt uppfærðum tölum fyrir 2022. Alvotech og Hampiðjan birta uppgjör.
Mynd vikunnar
Fyrir helgi birti Hagstofan talnaefni um veltu út frá VSK-skýrslum fyrir VSK-tímabilið maí-júlí. Alls jókst velta í viðskiptahagkerfinu að undanskilinni lyfjaframleiðslu, fjármála- og vátryggingastarfsemi um rétt yfir 11% milli fyrstu sex mánaða 2022 og 2023. Það er lítið sem kemur á óvart í veltunni, en mesti uppgangurinn er í ferðaþjónustu og byggingariðnaði á meðan það er samdráttur í álframleiðslu, fiskeldi og sjávarútvegi.
Það helsta frá vikunni sem leið
- Peningastefnunefnd hækkaði vexti um 0,5 prósentustig. Meginvextir bankans, vextir á 7 daga bundnum innlánum, eru eftir ákvörðunina 9,25%. Tónninn í yfirlýsingu nefndarinnar var mildari en í þeirri síðustu. Í stað þess að taka fram að „horfur eru því á að hækka þurfi vexti enn meira til að tryggja betra jafnvægi í þjóðarbúskapnum og koma verðbólgu í markmið“ eins og síðast, stóð nú „vísbendingar eru um að áhrif vaxtahækkana undanfarin misseri séu að koma skýrar fram og mun peningastefnan á næstunni ráðast af þróun efnahagsumsvifa, verðbólgu og verðbólguvæntinga“. Nefndin heldur því þannig opnu hvert framhaldið verður og hagtölur næstu vikna hljóta að skera úr um það að miklu leyti. Næsta ákvörðun verður birt eftir sjö vikur, miðvikudaginn 4. október.
- Samhliða yfirlýsingu nefndarinnar gaf Seðlabankinn út ritið Peningamál með uppfærðri verðbólgu- og þjóðhagsspá. Bankinn gerir nú ráð fyrir minni hagvexti í ár, 3,5% milli ára í stað 4,8% eins og hann spáði í maí. Bankinn lækkaði verðbólguspá sína lítillega. Í stað þess að gera ráð fyrir 8,1% verðbólgu á 4F 2023 og 5,0% verðbólgu 2024 gerir hann nú ráð fyrir 7,5% verðbólgu á 4F 2023 og 4,6% verðbólgu árið 2024.
- Vöru- og þjónustujöfnuður var jákvæður um 3,6 milljarða á öðrum ársfjórðungi. Eins og verið hefur síðustu misseri var mikill halli af vöruskiptum, en að sama skapi ríflegur afgangur af þjónustuviðskiptum. Útflutningsverðmæti ferðaþjónustu jókst verulega á milli ára á meðan útflutningsverðmæti sjávarafurða og áls dróst saman.
- Hagdeild HMS birti mánaðarskýrslu fyrir ágúst.
- Brim, Nova klúbburinn, Reitir, Síldarvinnslan og Síminn birtu uppgjör.
- Landsbankinn hélt útboð á sértryggðum skuldabréfum, Lánamál ríkísins hélt útboð ríkisbréfa og Kaldalón seldi víxla.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.
14. apríl 2025
Í síðustu viku birtum við hagspá til næstu ára þar sem við spáum 1,4% hagvexti í ár og um 2% hagvexti næstu árin. Ferðamönnum fækkaði um 13,8% milli ára í mars. Skráð atvinnuleysi í mars var 0,4 prósentustigum hærra en í mars í fyrra. Þau tíðindi bárust einnig að skuldabréfaeigendur ÍL-sjóðs hefðu samþykkt að breyta skilmálum bréfanna sem heimilar útgefanda að gera upp bréfin. Í þessari viku birtir svo HMS vísitölu íbúðaverðs og leiguverðs.
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.