27. nóvember 2023
Vikan framundan
- Á miðvikudag birtir Hagstofa Íslands vísitölu neysluverðs fyrir nóvember. Við uppfærðum verðbólguspá eftir birtingu vísitölu íbúðaverðs og spáum 0,47% hækkun vísitölunnar í nóvember og að verðbólgan verði 8,1% í stað 8,0%. Alvotech birtir árshlutauppgjör.
- Á fimmtudag birtir Hagstofa Íslands þjóðhagsreikninga fyrir þriðja ársfjórðung.
- Á föstudag birtir Seðlabanki Íslands tölur um greiðslujöfnuð á þriðja ársfjórðungi.
Mynd vikunnar
Fyrstu kaupendum á íbúðamarkaði fjölgaði verulega á þriðja fjórðungi ársins, og voru 1.123 talsins, 33% allra kaupenda. Til samanburðar voru fyrstu kaupendur 789 talsins á öðrum fjórðungi, 26% allra kaupenda. Hlutfallið á þriðja fjórðungi er svipað og það var á tímum heimsfaraldursins, þegar vextir voru hvað lægstir og stór hópur sá hag í því að koma inn á íbúðamarkað. Aukin eftirspurn meðal fyrstu kaupenda kann að skýrast að hluta til af útvíkkun á hlutdeildarlánaúrræði HMS sem gerir fleirum kleift að nýta það. Þá má einnig vera að óbreytt stýrivaxtastig auki bjartsýni á íbúðamarkaði og auk þess kann kaupmáttaraukning á seinni hluta árs að hafa áhrif.
Það helsta frá vikunni sem leið
- Á þriðjudaginn birti HMS vísitölu íbúðaverðs á höfuðborgarsvæðinu sem hækkaði um 0,9% á milli mánaða, sem var minni hækkun en í síðasta mánuði, þegar vísitalan hækkaði um 1,4%. Vísitalan hefur hækkað þrjá mánuði í röð og nemur hækkun síðustu þriggja mánaða 3,1%. Fjölbýlishluti vísitölunnar hækkaði um 0,5%, töluvert minna en í síðasta mánuði, þegar hún hækkaði um 1,4%. Sérbýlishlutinn hækkaði aftur á móti um 2,5% milli mánaða, en hækkaði um 1,6% í síðasta mánuði.
- Á miðvikudaginn tilkynnti peningastefnunefnd Seðlabanka Íslands að stýrivöxtum yrði haldið óbreyttum. Þetta er önnur ákvörðunin í röð þar sem vöxtum er haldið óbreyttum. Í tilkynningu nefndarinnar kom þó fram að verðbólguhorfur hefðu versnað nokkuð og verðbólguvæntingar væru enn háar, en vegna óvissu í tengslum við jarðhræringar á Reykjanesskaga yrði vaxtastiginu ekki breytt í bili. Tónninn var harðari en í síðustu yfirlýsingum og fram kom að hugsanlega þyrfti að herða taumhaldið síðar.
- Á miðvikudaginn gaf Seðlabanki Íslands einnig út ný Peningamál með uppfærðri verðbólgu- og hagspá. Bankinn telur, eins og við, að verðbólga breytist lítið það sem eftir lifir árs og að hún hjaðni hægar á næsta ári en áður var talið.
- Á fimmtudaginn birtu Hampiðjan og Síldarvinnslan uppgjör.
- Kaldalón hélt útboð á víxlum og Lánamál ríkisins héldu viðbótarútboð ríkisbréfa.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
7. maí 2025
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.
5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.
2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. maí 2025
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð.
29. apríl 2025
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.
28. apríl 2025
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.
28. apríl 2025
Hagstofan birtir verðbólgutölur fyrir aprílmánuð á morgun og við búumst við að verðbólga hækki tímabundið upp í 4%. Í vikunni fáum við fyrstu uppgjör fyrir fyrsta ársfjórðung og fyrsta mat á hagvexti í Bandaríkjunum og á evrusvæðinu á fyrsta ársfjórðungi.
23. apríl 2025
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021.
22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.