Vikubyrjun 24. október 2022
Við birtum nýja þjóðhags- og verðbólguspá þann 19. október sem ber yfirskriftina „Kröftugur hagvöxtur en kaupmáttur dregst aftur úr“. Við spáum 6,5% hagvexti hér á landi á þessu ári, þeim mesta frá árinu 2007, en að svo hægi töluvert á. Samkvæmt spánni hjaðnar verðbólga smám saman en fer þó ekki undir 4% fyrr en árið 2025. Við búumst við að stýrivextir byrji að lækka á seinni hluta næsta árs og að vegna mikillar verðbólgu aukist kaupmáttur mun hægar en undanfarin ár.
24. október 2022 - Greiningardeild
Vikan framundan
- Á þriðjudag birtir Síminn árshlutauppgjör.
- Á miðvikudag birta Arion banki og Festi árshlutauppgjör.
- Á fimmtudag birtir Hagstofan vísitölu neysluverðs fyrir október. Við spáum því að hún hækki um 0,44% milli mánaða og verðbólga mælist 9,2%.
- Á fimmtudag birta Eik, Íslandsbanki, Landsbankinn, Origo, Sjóvá og Skeljungur árshlutauppgjör.
Mynd vikunnar
Kraftmikill vöxtur útflutningsgreina og mikil innlend eftirspurn hafa drifið áfram myndarlegan vöxt landsframleiðslu undanfarið ár og mun að öllum líkindum leiða til meiri hagvaxtar en við gerðum ráð fyrir í hagspá okkar í maí. Þá spáðum við 5,1% hagvexti á þessu ári, en nú 6,5%. Við spáum því að hagvöxtur verði 2,1% á næsta ári, 3% árið 2024 og 1,9% árið 2025. Verðbólga hefur náð hámarki að okkar mati og mun mælast 6,5% á næsta ári. Við gerum ráð fyrir að vaxtahækkunarferli Seðlabankans sé lokið, að núverandi vaxtastigi verði haldið næstu misseri og vaxtalækkunarferli hefjist ekki fyrr en á þriðja fjórðungi næsta árs.
Það helsta frá vikunni sem leið
- Þjóðhags- og verðbólguspá Hagfræðideildar Landsbankans var birt á miðvikudaginn og kynnt á opnum fundi í Hörpu.
- Hagfræðideild Landsbankans gaf út nýtt hlaðvarp um þjóðhagsspána. Farið er yfir atburði síðustu mánaða og hvernig má búast við að hagkerfið þróist á næstu árum.
- Húsnæðis- og mannvirkjastofnun birti vísitölu íbúðaverðs í september og Hagfræðideildin gaf út hagsjá um þróun íbúðaverðs. Íbúðaverð hækkaði um 0,8% og hækkunin skýrist alfarið af verðhækkun á sérbýli, um 4,8%. Verð á fjölbýli lækkaði aftur á móti í fyrsta sinn síðan í júní 2020, um 0,1%. Þetta var meiri hækkun en við gerðum ráð fyrir og hækkuðum við verðbólguspá okkar fyrir október úr 9,0% í 9,2%.
- Hagstofan birti á föstudag launavísitölu fyrir septembermánuð. Vísitalan hækkaði um 0,8% í september. Það felur í sér að árshækkun vísitölunnar hækkar úr 8% upp í 8,1%. Launaskriðið, þ.e. launahækkanir umfram umsamin laun, skýrist af spennu á vinnumarkaði. Það voru engar samningsbundnar hækkanir í mánuðinum, enda komið að lokum samningstímabils.
- Peningastefnunefnd Seðlabankans birti fundargerð frá fundi 5. október þar sem nefndin tók þá ákvörðun að hækka stýrivexti um 0,25 prósentustig, upp í 5,75%. Í fundargerðinni kemur fram að allir nefndarmenn hafi stutt tillögu seðlabankastjóra um 0,25 prósentustiga hækkun. „Rökin sem komu fram fyrir því að hækka vexti voru þau að þótt verðbólga hefði hjaðnað á milli funda væri hún enn vel yfir markmiði auk þess sem undirliggjandi verðbólga hefði aukist. Þá væru langtímaverðbólguvæntingar einnig yfir markmiði. Verðbólguhorfur hefðu þar að auki versnað í viðskiptalöndum. Hættan á annarrar umferðar áhrifum á innlenda verðbólgu myndi að sama skapi aukast ef fyrirtæki hleypa auknum aðfangakostnaði út í innlent verðlag,“ er meðal þess sem segir í fundargerðinni.
- Fjármála- og efnahagsráðuneytið gaf út skýrslu um stöðu ÍL-sjóðs.
- Lánasjóður sveitarfélaga hélt skuldabréfaútboð og Lánamál ríkisins héldu útboð ríkisbréfa.
- Af hlutabréfamarkaði var helst að frétta að Hagar (fjárfestakynning), Icelandair (fjárfestakynning) og VÍS (fjárfestakynning) birtu árshlutauppgjör í vikunni.
Hagtölur og markaðsupplýsingar
Þú gætir einnig haft áhuga á
11. des. 2025
Við spáum því að vísitala neysluverðs hækki um 0,56% á milli mánaða í desember. Gangi spáin eftir mun verðbólga hækka úr 3,7% í 3,9% í desember. Flugfargjöld til útlanda, reiknuð húsaleiga og lok tilboðsdaga í nóvember verða til hækkunar en bensínverð til lækkunar. Við gerum ráð fyrir að verðbólga verði á bilinu 3,9% til 4,0% næstu mánuði.
8. des. 2025
Talsvert minni afgangur mældist af viðskiptum við útlönd á þriðja ársfjórðungi þessa árs en þess síðasta. Í síðustu viku gaf Seðlabankinn út yfirlýsingu fjármálastöðugleikanefndar og fundargerð peningastefnunefndar. Í þessari viku verða birtar ferðamannatölur og skráð atvinnuleysi fyrir nóvembermánuð.
1. des. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. des. 2025
Óhætt er að segja að verðbólgumælingin í síðustu viku hafi komið á óvart. Verðbólga mældist 3,7% í nóvember og hefur ekki mælst minni í fimm ár. Hagstofan áætlar að landsframleiðsla hafi aukist um 1,2% á þriðja ársfjórðungi. Gistinóttum fjölgaði alls um 1,8% á milli ára í október.
28. nóv. 2025
Landsframleiðsla jókst um 1,2% á þriðja ársfjórðungi og um 1,5% á fyrstu níu mánuðum ársins. Hagvöxtur á þriðja ársfjórðungi var drifinn áfram af innlendri eftirspurn og þjóðarútgjöld jukust um heil 4,7%. Áfram er kraftur í einkaneyslu og fjárfestingu, en auknar birgðir hafa einnig sitt að segja. Innflutningur vegur þungt á móti og framlag utanríkisviðskipta er neikvætt, líkt og á síðustu fjórðungum.
27. nóv. 2025
Verðbólga hjaðnaði úr 4,3% í 3,7% í nóvember og hefur ekki verið minni frá því í desember 2020. Áhrif af afsláttardögum í nóvember komu mun skýrar fram í mælingu Hagstofunnar nú en síðustu ár og flugfargjöld til útlanda lækkuðu mun meira en við bjuggumst við.
24. nóv. 2025
Seðlabankinn lækkaði vexti í síðustu viku með það fyrir augum að stemma stigu við því aukna peningalega aðhaldi sem hefur hlotist af breyttu lánaframboði í kjölfar vaxtadómsins. Auk þess spáir Seðlabankinn nú auknum slaka í hagkerfinu, minni hagvexti og minni verðbólgu en í síðustu spá. Hagstofan birtir verðbólgumælingu nóvembermánaðar á fimmtudaginn og þjóðhagsreikninga fyrir þriðja ársfjórðung á föstudaginn.
21. nóv. 2025
Brottfarir erlendra ferðamanna frá Keflavíkurflugvelli voru 6,2% færri í október en í sama mánuði í fyrra og erlend kortavelta dróst þó nokkuð saman. Líklega hefur fall Play sett mark sitt á mánuðinn. Ef horft er yfir árið í heild hefur gangurinn í ferðaþjónustu verið mun meiri á þessu ári en því síðasta.
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.