Öryggi í bankaviðskiptum

Q: SecureID appið

1. Sæktu appið SecureID app fyrir iPhone (App Store) SecureID app fyrir Android (Google Play) 2. Virkjaðu appið Leiðbeiningar fyrir iPhone Leiðbeiningar fyrir Android

Q: RSA auðkennislykill

1. Sæktu RSA auðkennislykil Þú getur sótt RSA auðkennislykil í næsta útibú. Útibúanet Landsbankans 2. Virkjaðu RSA auðkennislykil Leiðbeiningar um virkjun RSA auðkennislykla

Verum örugg á netinu

Öryggiskerfi Landsbankans fyrir netbanka hámarkar öryggi þitt, eykur þægindi við notkun og minnkar líkur á fjársvikum og annarri misnotkun.

Netbanki einstaklinga

Öryggiskerfið lærir að þekkja hegðun þína við innskráningu og biður um staðfestingu á auðkenni, t.d. með því að svara öryggisspurningu eða símtali úr kerfinu, ef brugðið er út af hefðbundinni notkun. Að öllu jöfnu finnur þú þó ekki fyrir kerfinu.

Örugg innskráning

Þegar þú opnar netbankann af heimasíðu Landsbankans sendir vafrinn notandanafn þitt og lykilorð yfir netið frá þinni tölvu til netþjóns okkar með EV SSL-tækninni (Extended Validation Secure Sockets Layer). EV SSL dulkóðar þessar upplýsingar áður en þær leggja af stað frá tölvunni þinni, og tryggir þannig að enginn annar en vefþjónn Landsbankans geti lesið þær.

EV SSL öryggisskírteini veita notendum og rekstraraðilum vefsvæða aukna vernd með því að krefjast þess að útgefendur öryggisskírteina (CA) þriðja aðila fylgi ströngum útgáfu- og rekstrarferlum, sem skilgreindir eru af CA/Browser Forum.

Kostir EV SSL öryggisskírteinisins

Vafrinn ber kennsl á vefsvæðið og eiganda þess og því sjá notendur með skýrum hætti við hvern þeir eru að skipta.

Vafrinn sýnir að vefurinn hefur verið staðfestur af áreiðanlegum, löggiltum útgefanda EV skírteina með birtingu nafns útgefanda öryggisskírteinisins.

Notendur sjá strax ef þeir flytjast af staðfestu EV vefsvæði og lenda á fölsku vefsvæði, þar sem vafrinn mun þá ekki lengur birta staðfestingu á því að um öruggt vefsvæði sé að ræða.

Eyða út skráðu tæki

Stundum þarf að eyða tækjum sem hafa heimild til innskráningar í appið með lífkennum (andliti eða fingrafari). Það getur t.d. verið í tengslum við svikamál þar sem óprúttnir aðilar blekkja fólk til að samþykkja svikatæki til innskráningar.

Nánari upplýsingar

Netbanki fyrirtækja

RSA öryggiskerfi Landsbankans sameinar áhættugreiningu og notkun auðkennislykla til þess að hámarka öryggi og koma í veg fyrir fjársvik í netbanka fyrirtækja. Öryggiskerfið lærir að þekkja hegðun viðskiptavinar og biður um staðfestingu á auðkenni í símtali ef brugðið er út af hefðbundinni notkun. Viðskiptavinir finna þó sjaldan eða aldrei fyrir kerfinu. Sumar aðgerðir í netbanka fyrirtækja krefjast þess að auðkennisnúmer sé framkallað við innskráningu.

Tvær leiðir til að framkalla auðkennisnúmer

1. Sæktu appið

SecureID app fyrir iPhone (App Store)

SecureID app fyrir Android (Google Play)

2. Virkjaðu appið

Leiðbeiningar fyrir iPhone

Leiðbeiningar fyrir Android

1. Sæktu RSA auðkennislykil

Þú getur sótt RSA auðkennislykil í næsta útibú.

Útibúanet Landsbankans

2. Virkjaðu RSA auðkennislykil

Leiðbeiningar um virkjun RSA auðkennislykla

Góð ráð

Landsbankinn leggur sig fram um að tryggja öryggi þitt á netinu. Við hvetjum þig þó til að gera það sem í þínu valdi stendur til að stuðla að enn frekara öryggi í bankaviðskiptum þínum.

Við mælum með að allir noti vírusvörn en viljum jafnframt benda á að engin vírusvörn veitir fullkomið öryggi. Hér að neðan er upptalning og tenglar á fremstu vírusvarnir samkvæmt AV-Comparatives.

Hugbúnaðarvaktari (e. Software Inspector) er hugbúnaður sem greinir veikleika í þeim forritum sem eru uppsett á tölvunni þinni. Ýmis forrit geta gert tölvuna berskjaldaða fyrir árásum sem vírusvarnir ráða ekki við. Vaktarinn skannar tölvuna og tilgreinir hvaða forrit þarfnast öryggisuppfærslu. Hér að neðan eru dæmi um slík forrit.

Ein tegund spilliforrita á netinu er svokölluð þriðja kynslóð Trojuhesta (e. man-in-the-browser Trojan) sem hefur valdið usla víða um heim. Þessi tegund spilliforrita sækir aðgangsupplýsingar netbankanotenda í þeim tilgangi að misnota þær.

Samtök fjármálafyrirtækja (SFF) hafa þegar varaði við þessari tegund spilliforrita. Við viljum ítreka mikilvægi þess að tölvur netnotenda hafi viðurkennda vírusvörn og að stýrikerfi og önnur forrit séu ávallt með nýjustu uppfærslum.

Dæmi um forrit sem 3. kynslóð Trojuhesta hafa notað sem smitleið eru Adobe Acrobat, Apple Quick Time, Real Player og Java og því mikilvægt að uppfæra slík forrit þegar nýjar uppfærslur berast.

Leiðbeiningar um samningu svara við öryggisspurningum

Að svara svonefndum öryggisspurningum til að komast á læsta vefsíðu á borð við netbanka er ein tegund auðkenningar. Rétta svarið má vissulega ekki vera hægt að finna á netinu. Þess vegna ber að semja svörin á þann veg að svarið byggi á upplifun eða tilfinningu. Hér að neðan eru góð ráð um samningu svara og gilda þau jafnt um netbanka sem aðrar læstar þjónustuveitur.

Hvert er vandamálið?

Við auðkenningu er gjarnan spurt um uppáhalds leikara eða fallegasta blómið en ekki nafnið á fyrsta skólanum. En jafnvel það er ekki nóg. Fólk tjáir skoðun sína á eftirlætis ljóðskáldi eða mest pirrandi leikara á netinu eða öðrum opnum vettvangi – og það hamlar notkun öryggisspurninga. Fyrir vikið eru öryggisspurningar ekki fyrsti valkostur þjónustuveitenda, þeim er sjaldnast beitt nema í algjörri neyð, þegar aðrar leiðir þrýtur.

Frumleg svör eru málið

Lausnin á vandanum er að semja svar sem hefur nákvæmlega ekkert með spurninguna að gera. Ímyndum okkur spurninguna Hvar fékkstu fyrsta kossinn? sem er klassísk. Þá má svarið vera til dæmis Vá ég get flogið!. Enginn er að fara að giska á svarið eða finna það á netinu – því að það er úr algjöru samhengi við spurninguna. Veitum athygli að í huga notandans er svarið að vissu leyti satt og rétt, honum kannski raunverulega leið eins og hann gæti flogið við þennan minnisstæða atburð. Slík hugrenningatengsl hjálpa okkur að muna “rétta” svarið.

Bjóði þjónustuveitandi ekki uppá tilfinningatengdar spurningar eða býður einfaldlega uppá fáar spurningar, skaltu samt semja samhengislaust svar. Þú getur notað sama svarið við öllum spurningum, svo fremi að svarið sé ómögulegt að giska á.

Víða hefur myndast sú áhugaverða menning að nota frasa úr bíómyndum sem er óráðlegt. Meira að segja á Íslandi er fyrirsjáanlegt að notendur myndu velja eitthvað á borð við: Þungur hnífur, Dúfnahólar 10, Fru Stella jeg tharf ekki sjuss og svo framvegis.

Gjarnan nota þjónustuveitendur öryggisspurningar í símasamskiptum við notandann. Þá gildir einu hvort hvort notuð eru sértákn eins og upphrópunar- og spurningamerki. Að öðru leyti er galdurinn fólginn í því að velja samhengislaust svar, setningarbrot eða stutta setningu sem auðvelt er að muna – og auðvitað, ef aðstæður leyfa, að hagnýta okkar hjartfólgnu og ylhýru séríslensku stafi.