Vikubyrjun 23. september 2024
Í vikunni birtir Seðlabankinn yfirlýsingu fjármálastöðugleikanefndar og fjármálastöðugleikaskýrslu. Þá gefur Hagstofan út verðbólgumælingu fyrir septembermánuð á föstudag. Í síðustu viku gaf HMS út vísitölu íbúðaverðs sem hækkaði talsvert á milli mánaða og vísitölu leiguverðs sem lækkaði á milli mánaða. Kortaveltugögn sem Seðlabankinn birti í síðustu viku benda til þess að þó nokkur kraftur sé í innlendri eftirspurn eftir vörum og þjónustu.
23. september 2024
Vikan framundan
- Á miðvikudag birtir Seðlabankinn yfirlýsingu fjármálastöðugleikanefndar og seinni fjármálastöðugleikaskýrslu ársins.
- Á föstudag birtir Hagstofan verðbólgutölur fyrir september og Seðlabankinn birtir ársfjórðungslega Hagvísa.
Mynd vikunnar
Í síðustu viku lækkaði Seðlabanki Bandaríkjanna vexti um 0,5 prósentustig. Að jafnaði tekur bankinn 0,25 prósentustiga skref í einu, en bankinn lækkaði síðast vexti um 0,5 prósentustig árið 2008, í miðri alþjóðlegri efnahagskreppu. Sífellt fleiri seðlabankar hafa hafið vaxtalækkunarferli, en auk Seðlabanka Bandaríkjanna hafa seðlabankar Evrópu, Svíþjóðar, Sviss og Englandsbanki lækkað vexti á þessu ári. Norski seðlabankinn hefur enn ekki hafið vaxtalækkunarferlið ekki frekar en sá íslenski. Japan sker sig úr, en Seðlabanki Japans hækkaði vexti í byrjun ágúst.
Það helsta frá vikunni sem leið
- HMS birti vísitölu íbúðaverðs, vístölu leiguverðs og mánaðarskýrslu. Vísitala íbúðaverðs hækkaði um 1,4% á milli mánaða í ágúst og er hækkunin sú sjöunda í röð. Þrátt fyrir þessa hækkun á milli mánaða lækkaði árstakturinn úr 11,0% í 10,8%. Að þessu sinni var það sérbýli á höfuðborgarsvæðinu sem hækkaði mest á milli mánaða. Ólíkt íbúðaverði lækkaði vísitala leiguverðs um 1,1% á milli mánaða í ágúst. Þrátt fyrir þessa lækkun er árshækkun vísitölu leiguverðs meiri en vísitölu íbúðaverðs, eða 12,2%.
- Samkvæmt tölum um greiðslumiðlun, sem Seðlabankinn birti í síðustu viku, jókst greiðslukortavelta íslenskra heimila um 6,5% á milli ára í ágúst, að teknu tilliti til verðlags og gengis. Aukningin innanlands var 3,7% á milli ára og 19,3% erlendis. Þetta bendir til þess að áfram sé þó nokkur kraftur í eftirspurn heimila eftir vörum og þjónustu, þrátt fyrir háa vexti. Kortavelta ferðamanna jókst um 3,5% á föstu gengi á milli ára í ágúst. Ferðamönnum fjölgaði um 0,3% frá fyrra ári og jókst kortavelta á hvern ferðamann því um alls 3,3% á milli ára.
- Seðlabanki Bandaríkjanna lækkaði vexti um 0,5 prósentustig og Englandsbanki hélt vöxtum óbreyttum. Verðbólga í Bretlandi var óbreytt í 2,2% á milli mánaða.
- Moody‘s hækkaði lánshæfiseinkun ríkissjóðs.
- Lánamál ríkisins héldu útboð ríkisvíxla en hættu við fyrirhugað útboð ríkisbréfa. Heimar stækkuðu áður útgefinn skuldabréfaflokk, Arion banki gaf út skuldabréf í Bandaríkjadölum sem teljast til viðbótar eiginfjárþáttar 1, Hagar héldu víxlaútboð, Reykjavíkurborg hélt skuldabréfaútboð og Landsbankinn hélt útboð á sértryggðum skuldabréfum ásamt skiptiútboði.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
22. ágúst 2025
Á síðustu misserum hefur dregið töluvert úr verðhækkunum á íbúðamarkaði. Vísitala íbúðaverðs hefur hækkað um 4,2% á síðustu 12 mánuðum, aðeins örlítið umfram almennt verðlag, og ársbreytingin hefur ekki verið minni frá því í byrjun árs 2024. Þótt kaupsamningar hafi verið færri á fyrstu sjö mánuðum þessa árs en á sama tíma í fyrra er enn talsverð velta á markaðnum.
19. ágúst 2025
Vöruútflutningur frá Íslandi hefur aukist frá því í fyrra en samt hefur vöruskiptahalli aldrei verið meiri en nú. Þetta skýrist af stórauknum vöruinnflutningi, einkum á tölvubúnaði í tengslum við uppbyggingu gagnavera. Ferðaþjónustan hefur skilað auknum tekjum í ár en á móti hefur utanlandsferðum Íslendinga fjölgað og uppsafnaður kortaveltujöfnuður við útlönd var enn neikvæður í lok júlí.
18. ágúst 2025
Við búumst við að peningastefnunefnd Seðlabankans haldi stýrivöxtum óbreyttum á miðvikudag. Auk vaxtaákvörðunarinnar fáum við vísitölu íbúðaverðs í vikunni og nokkur uppgjör. Metfjöldi erlendra ferðamanna fór frá landinu í júlí, atvinnuleysi var óbreytt á milli mánaða og áfram var nokkur kraftur í greiðslukortaveltu heimila.
15. ágúst 2025
Við spáum því að peningastefnunefnd geri hlé á vaxtalækkunarferlinu og haldi stýrivöxtum óbreyttum í næstu viku. Verðbólga jókst umfram væntingar í apríl og verðbólguvæntingar hafa haldist tiltölulega stöðugar. Þá virðist hagkerfið þola vaxtastigið vel, kortavelta hefur aukist sífellt síðustu mánuði og enn er þó nokkur velta á íbúðamarkaði. Peningalegt taumhald losnaði með aukinni verðbólgu í apríl og við teljum ólíklegt að peningastefnunefnd þyki tímabært að lækka raunstýrivexti enn frekar.
14. ágúst 2025
Við spáum því að verðbólga standi í stað í ágúst og mælist 4,0%. Eins og alla jafna í ágústmánuði má búast við að sumarútsölur gangi til baka að hluta. Einnig má gera ráð fyrir lækkandi flugfargjöldum. Næstu mánuði gerum við ráð fyrir að verðbólga aukist lítillega en hjaðni svo undir lok árs, og mælist 4,0% í desember.
13. ágúst 2025
Neysla landsmanna virðist halda áfram að aukast og utanlandsferðir hafa verið þó nokkuð fleiri á þessu ári en á sama tíma í fyrra. Launavísitalan hefur enda hækkað um 8,1% á síðustu tólf mánuðum og kaupmáttur haldið áfram að aukast. Atvinnuleysi hefur haldist nokkuð hóflegt. Það er þó lítillega meira en á sama tíma í fyrra og merki eru um að spenna á vinnumarkaði fari smám saman dvínandi.
11. ágúst 2025
Í síðustu viku tóku gildi nýir tollar á innflutning til Bandaríkjanna. Nokkrar áhugaverðar hagtölur koma í þessari viku: brottfarir um Keflavíkurflugvöll, skráð atvinnuleysi, væntingakönnun markaðsaðila og greiðslumiðlun. Í vikunni fara fram verðmælingar vegna vísitölu neysluverðs og uppgjörstímabil í Kauphöllinni heldur áfram með sex uppgjörum.
5. ágúst 2025
Gistinóttum á landinu fjölgaði alls um 8,4% á milli ára í júní. Verðbólga á evrusvæðinu hélst óbreytt á milli mánaða og Seðlabanki Bandaríkjanna hélt stýrivöxtum óbreyttum.
1. ágúst 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
28. júlí 2025
Verðbólga hjaðnaði úr 4,2% í 4,0% í júlí. Við teljum ekki horfur á að verðbólga fari aftur niður fyrir efri vikmörk verðbólgumarkmiðs Seðlabanka Íslands í ár, heldur haldist á bilinu 4,0% til 4,3% út árið.