Sjálfbærar vörur
Sjálfbærar vörur
Landsbankinn býður upp á fjölbreytt úrval sjálfbærra vara, allt frá sjálfbærum leiðum ávöxtunar til grænna bílalána.
Fjölbreytt úrval
Hér að neðan má sjá sjálfbærar vörur bankans, sem ná bæði til einstaklinga og fyrirtækja.
Sjálfbær sparnaður
Með sjálfbærum sparnaði getum við ávaxtað peningana okkar á sama tíma og við stuðlum að sjálfbærri þróun. Þegar viðskiptavinir leggja peninga inn á sjálfbæran sparireikning eyrnamerkjum við þá upphæð til sjálfbærra útlána, sem þýðir að þeir fara í að fjármagna sjálfbær verkefni og fjárfestingar. Bílalán fyrir rafmagnsbílum eru dæmi um sjálfbær útlán.
Eignadreifing sjálfbær
Eignadreifing sjálfbær hefur að markmiði að ná fram ávöxtun og dreifingu áhættu með sjálfbærni að leiðarljósi. Sjóðurinn fjárfestir eingöngu í fjármálagerningum, svo sem hlutabréfum, skuldabréfum og hlutdeildarskírteinum útgefanda sem skara fram úr á sviði sjálfbærni.
Græn bílalán
Landsbankinn vill styðja við orkuskiptin. Rafmagnsbílar eru mikilvægur hluti af ferlinu þar sem þeir valda minni losun og eru hagkvæmari í rekstri, sér í lagi á Íslandi. Á árinu felldum við niður lántökugjald á rafmagnsbílum og bjóðum upp á 0,6 prósentustiga afslátt við fjármögnun þeirra.
Sjálfbær fjármögnun og sjálfbærnimerkið
Við bjóðum upp á sjálfbæra fjármögnun fyrirtækja. Sjálfbærnimerki Landsbankans er veitt þeim fyrirtækjum sem uppfylla skilyrði um sjálfbærni sem sett eru fram í sjálfbærri fjármálaumgjörð bankans og standast strangar kröfur um umhverfisvæn verkefni.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.