Vikubyrjun 24. júlí 2023
Vaxtahækkanir virðast vera farnar að hafa þó nokkur áhrif á eftirspurn í hagkerfinu og ársverðbólgan fór úr 8,9% í 7,6% í júlí. Í síðustu viku bárust nýjar tölur af fasteignamarkaði og greiðslumiðlun sem benda til þess að verulega sé tekið að hægja á. Heildarkortavelta íslenskra heimila dróst saman þriðja mánuðinn í röð og vísitala íbúðaverðs lækkaði um 1,1%.
24. júlí 2023
Vikan framundan
- Á þriðjudag birtir Össur uppgjör.
- Á miðvikudag birta Arion, Festi og Marel uppgjör.
- Á fimmtudag birta Íslandsbanki og Play uppgjör.
Mynd vikunnar
Kortavelta íslenskra heimila hefur dregist saman þrjá mánuði í röð, sé hún borin saman við sömu mánuði í fyrra. Í júní nam kortaveltan 106 mö.kr. og var 7,5% minni að raunvirði en í júní í fyrra. Innanlands dróst hún saman um 8,4% og erlendis um 4,1%. Einkaneysla og kortavelta fylgjast gjarnan nokkurn veginn að og því má gera ráð fyrir að hægt hafi þó nokkuð á einkaneyslu á öðrum ársfjórðungi. Kaupmáttur jókst í júní, þar sem launavísitalan hækkaði meira en vísitala neysluverðs, um 1,1%.
Það helsta frá vikunni sem leið
- Vísitala neysluverðs hækkaði um 0,03% milli mánaða í júlí og við það fór ársverðbólgan úr 8,9% í 7,6%, örlítið undir okkar spá um 7,7% ársverðbólgu. Framlag þjónustu og húsnæðisverðs dróst saman og útsölur höfðu meiri áhrif til lækkunar á vísitölunni en í fyrra. Allar kjarnavísitölur verðbólgunnar lækkuðu milli mánaða sem er merki um að dregið hafi úr undirliggjandi verðbólguþrýstingi.
- Launavísitalan hækkaði um 1,1% milli mánaða í júní, samkvæmt tölum sem Hagstofan birti á föstudag. Hækkunina má líklega helst rekja til kjarasamningsbundinna hækkana félaga BSRB, en hluti þeirra undirritaði kjarasamninga í mánuðinum. Kaupmáttur jókst um 0,3% í júní og um 1,8% á síðustu 12 mánuðum, mun meira en á síðustu mánuðum þegar árskaupmáttur hefur gjarnan ýmist dregist saman eða staðið í stað.
- Kortavelta íslenskra heimila hélt áfram að dragast saman í júní, samkvæmt tölum sem Seðlabankinn birti á mánudag. Ef kortavelta hvers mánaðar er borin saman við kortaveltu í sama mánuði í fyrra hefur hún í heildina dregist saman þrjá mánuði í röð, um 7,5% í júní. Innanlands hefur hún minnkað fjóra mánuði í röð, um 8,4% í júní. Nú í júní dróst hún einnig saman erlendis, í fyrsta sinn síðan í febrúar 2021, um 4,1%.
- Vísitala íbúðaverðs lækkaði um 1,1% milli mánaða í júní, samkvæmt nýjum tölum HMS, eftir samfellda hækkun síðustu fjóra mánuði. Í hagsjá Hagfræðideildar kemur meðal annars fram að vísitalan hafi ekki lækkað jafnmikið síðan í desember 2010. Árshækkun vísitölunnar fór úr 6,1% í 2,7% og hefur ekki verið jafnlítil síðan í janúar 2020.
- Icelandair og Landsbankinn birtu uppgjör.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.