22. janúar 2024
Vikan framundan
- Á miðvikudag birtir Hagstofan vísitölu launa fyrir desember.
- Á fimmtudag er vaxtaákvörðun hjá Seðlabanka Evrópu auk þess sem bráðabirgðaþjóðhagsreikningar verða birtir í Bandaríkjunum fyrir fjórða ársfjórðung síðasta árs.
Mynd vikunnar
Heildarútgjöld til rannsókna- og þróunarstarfs (R&Þ) á Íslandi árið 2022 námu 100 mö.kr., sem jafngildir um 2,7% af VLF samkvæmt tölum sem Hagstofa Íslands birti í síðustu viku. Af Vestur-Evrópuríkjum er hlutfallið hæst í Belgíu og næsthæst í Svíþjóð. Hlutfallið er einnig hærra í Finnlandi og Danmörku en hér á landi en lítillega hærra hér en í Evrópusambandinu.
Það helsta frá vikunni sem leið
- Vísitala íbúðaverðs hækkaði um 0,5% milli mánaða í desember. Árshækkun vísitölunnar mældist 4,5% og hefur árshækkunin aukist statt og stöðugt eftir að hafa náð lágmarki í 0,8% í júlí í fyrra. Auk vísitölu íbúðaverðs birti HMS vísitölu leiguverðs og mánaðarskýrslu um fasteignamarkaðinn í síðustu viku.
- Seðlabankinn birti kortaveltutölur fyrir desember. Alls nam greiðslukortavelta heimila 114 mö.kr. í desember og dróst saman um 1,5% á milli ára á föstu verðlagi. Þetta er níundi mánuðurinn í röð sem kortavelta heimila dregst saman á milli ára. Ekki er ólíklegt að einkaneysla hafi dregist saman á fjórða fjórðungi síðasta árs, eins og þeim þriðja, en Hagstofan birtir þjóðhagsreikninga fyrir 4. ársfjórðung 29. febrúar.
- Seðlabankinn birti yfirlitsfrétt um gjaldeyrismarkað, gengisþróun og gjaldeyrisforða á árinu 2023.
- Verðbólga í Bretlandi mældist 4,0% í desember. Talan var hærri en búist var við og hækkaði árstakturinn á milli mánaða í fyrsta sinn síðan í febrúar 2023.
- Á hlutabréfamarkaði birti Sjóvá afkomuviðvörun, Marel barst uppfærða viljayfirlýsing frá JBT varðandi mögulegt tilboð í öll hlutabréf í félaginu, SKEL fjárfestingarfélag og Samkaup undirrituðu yfirlýsing undirrituð um könnunarviðræður vegna samruna Samkaupa, Heimkaupa og Orkunnar og Alvotech birti upplýsingar um stöðu umsókna um markaðsleyfi fyrir AVT02 og AVT04 í Bandaríkjunum.
- Á skuldabréfmarkaði hélt Reitir skuldabréfaútboð, Ölgerðin seldi víxla og Lánasjóður sveitarfélaga hætti við fyrirhugað skuldabréfaútboð.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.