Vikubyrjun 2. mars 2026
Samkvæmt bráðabirgðatölum Hagstofunnar var hagvöxtur á síðasta ári 1,3%, en 0,6% samdráttur mældist á fjórða ársfjórðungi. Verðbólga hélst óbreytt á milli mánaða í febrúar og mælist 5,2%. Velta skv. VSK-skýrslum dróst saman á tímabilinu nóv-des í öllum þremur stóru útflutningsgeirunum.
2. mars 2026
Vikan framundan
- Á morgun birta Eimskip og Oculis uppgjör.
- Á miðvikudag birtir Kaldalón uppgjör.
- Á fimmtudag birtir Seðlabankinn greiðslujöfnuð við útlönd fyrir fjórða ársfjórðung. Sama dag birta Hampiðjan og Síldarvinnslan uppgjör.
- Á föstudag verða birtar atvinnuleysistölur í Bandaríkjunum.
Mynd vikunnar
Landsframleiðsla jókst um 1,3% á milli ára að raunvirði í fyrra, en dróst saman um 0,6% á fjórða ársfjórðungi. Einkaneysla var mjög sterk, en hún jókst um 5,5% á milli ára á ársfjórðungnum. Vöxtur var í flestum neysluvörum, að áfengi og tóbaki undanskildum. Samdráttur í fjármunamyndun á milli ára hefur mest áhrif á minni landsframleiðslu á fjórðungnum, en fjármunamyndun dróst saman um 12,5% á milli ára, sem skýrist að mestu af minni gagnaversfjárfestingu sem var mjög mikil á sama fjórðungi árið áður. Minni gagnaversfjárfesting skýrir einnig minni innflutning á fjórðungnum, sérstaklega á fjárfestingarvörum.
Það helsta frá vikunni sem leið
- Vísitala neysluverðs hélst óbreytt á milli mánaða og mældist 5,2% í febrúar. Mælingin var nokkuð yfir okkar spá. Það sem helst kom á óvart í mælingunni var að verð á mat og drykkjarvörum hækkaði mun meira en við gerðum ráð fyrir. Flugfargjöld hækkuðu einnig töluvert á milli mánaða, en við gerðum ráð fyrir örlítilli lækkun. Á móti var nokkuð minni hækkun á reiknaðri húsaleigu og Hagstofan leiðrétti mistök í verðmælingu á bensíni og dísel í janúar sem kemur fram sem lækkun í febrúar.
- Afgangur af vöru- og þjónustujöfnuði nam 24 milljörðum króna á fjórða ársfjórðungi 2025, samkvæmt bráðabirgðatölum Hagstofunnar. Afgangurinn var talsvert minni en á sama tímabili í fyrra þegar hann nam 44,2 milljörðum. Þjónustujöfnuður var jákvæður um 49,4 milljarða en vöruskiptajöfnuður neikvæður um 73,4 milljarða.
- Velta skv. VSK-skýrslum dróst saman á tímabilinu nóv-des í öllum þremur stóru útflutningsgeirunum, þ.e. ferðaþjónustu, sjávarútvegi og framleiðslu málma. Erlendum ferðamönnum fækkaði um 14% á milli ára í nóv-des sem rímar vel við tölurnar. Samdrátt í framleiðslu málma má rekja til bilunar í álveri Norðuráls. Þá jókst velta í sölu og viðhaldi á bifreiðum. Heild- og smásala fylgdi verðlagi og velta jókst í byggingarstarfsemi. Aukna veltu í tækni- og hugverkaiðnaði má rekja til gagnavera.
- Launavísitalan hækkaði um 3,4% í janúar, sem er í takt við kjarasamningshækkanir. Árshækkun vísitölunnar mælist nú 7,3%.
- Gistinóttum á hótelum fækkaði um 7% á milli ára í janúar og þar af fækkaði gistinóttum erlendra ferðamanna um 4,3% á milli ára.
- JBT Marel, Landsnet, HS Veitur, Brim, Iceland Seafood, Byggðastofnun og Sýn birtu uppgjör. Amaroq birti afkomuspá. Hampiðjan birti afkomuviðvörun.
- Lánamál ríkisins birti niðurstöðu úr viðbótarútgáfu. Kaldalón og Útgerðarfélag Reykjavíkur luku sölu á víxlum. Reykjavíkurborg lauk sölu á skuldabréfum. Eik fasteignafélag lauk skiptiútboði.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
27. feb. 2026
Landsframleiðsla jókst um 1,3% á milli ára að raunvirði í fyrra, en dróst saman um 0,6% á fjórða ársfjórðungi. Einkaneysla var mjög sterk bæði á árinu í heild og á fjórða ársfjórðungi. Fjármunamyndun og innflutningur litaðist af uppbyggingu á gagnaverum, sem var þó nokkur á fyrri hluta árs, en minnkaði á þriðja ársfjórðungi og var lítil á þeim fjórða.
26. feb. 2026
Verðbólga stóð í stað í febrúar og mælist áfram 5,2%. Vísitala neysluverðs hækkaði töluvert meira í febrúar en við spáðum. Mesta frávik frá okkar spá er vegna flugfargjalda til útlanda sem hækkuðu töluvert, en flestir liðir hækkuðu aðeins meira en við spáðum. Reiknuð húsaleiga hækkaði þó minna og Hagstofan leiðrétti verðmælingar á eldsneyti í janúar sem kemur til lækkunar nú, en hefði átt að þýða minni verðbólga í janúar.
24. feb. 2026
Hækkun vísitölu íbúðaverðs á milli mánaða í janúar hefur ekki verið meiri síðan í byrjun árs 2024. Á síðustu mánuðum hefur þó dregið talsvert úr verðhækkunum á íbúðamarkaði og raunverð hefur lækkað á milli ára þrjá mánuði í röð. Við gerum ráð fyrir raunverðslækkunum á milli ára á allra næstu mánuðum, þó nafnverðslækkanir séu ólíklegri.
23. feb. 2026
Greiðslukortavelta heimilanna jókst alls um 5,4% á milli ára í janúar. Mánaðarbreyting vísitölu íbúðaverðs hefur ekki verið jafn mikil síðan í febrúar 2024, en hækkunin í janúar var drifin áfram af verðhækkunum á sérbýli. Vísitala leiguverðs lækkaði annan mánuðinn í röð.
16. feb. 2026
Erlendum ferðamönnum fækkaði um 1,8% á milli ára í janúar. Skráð atvinnuleysi hækkaði um 0,7 prósentustig frá fyrra ári og mælist nú 4,2%. Lausum störfum í Bandaríkjunum fjölgaði umfram væntingar.
12. feb. 2026
Við spáum því að vísitala neysluverðs hækki um 0,64% á milli mánaða í febrúar. Gangi spáin eftir mun verðbólga hjaðna úr 5,2% í 4,9%. Útsölulok munu hafa mest áhrif til hækkunar í febrúar, gangi spáin eftir. Við gerum ráð fyrir að verðbólga hjaðni smám saman næstu mánuði og mælist 4,4% í maí.
11. feb. 2026
Töluverður vöxtur var í útflutningsverðmætum flestra vöruútflutningsgreina á fyrri hluta síðasta árs en heldur fór að halla undan fæti á seinni hluta ársins, eftir röð áfalla sem snertu útflutningsgreinar. Auknar loðnuheimildir koma því á besta tíma. Þrátt fyrir aukin verðmæti vöruútflutnings í fyrra stóð vöruútflutningur til Bandaríkjanna í stað.
9. feb. 2026
Peningastefnunefnd ákvað að halda stýrivöxtum óbreyttum í síðustu viku. Einnig héldu Seðlabanki Evrópu og Englandsbanki vöxtum óbreyttum. Í næstu viku fáum við ferðamannatölur og skráð atvinnuleysi í janúar. Einnig munu nokkur félög birta uppgjör.
2. feb. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. feb. 2026
Vísitala neysluverðs mældist 5,2% í janúar. Mælingin var aðeins hærri en við áttum von á, en að mestu leyti í takt við okkar spá. Við spáum að peningastefnunefnd hækki vexti á miðvikudaginn. Í síðustu viku birti Landsbankinn uppgjör.