31. ágúst 2026
Vikan framundan
- Í dag birtir Hagstofan þjóðhagsreikninga fyrir annan ársfjórðung.
- Á morgun verða birtar verðbólgutölur á evrusvæðinu.
- Á miðvikudag birtir Seðlabankinn fundargerð peningastefnunefndar.
- Á fimmtudag birtir Seðlabankinn greiðslujöfnuð við útlönd.
- Á föstudag verða birtar atvinnuleysistölur í Bandaríkjunum.
Mynd vikunnar
Verðbólga mældist 5,6% í ágúst var þar með yfir viðmiðunarmörkum forsenduákvæða kjarasamninganna frá 2024. Launa- og forsendunefnd þarf því að meta stöðuna og náist ekki samkomulag um viðbrögð er samningsaðilum heimilt að segja samningunum upp. Viðbrögðin eiga að styðja við markmið samninganna um minni verðbólgu, verðbólguvæntingar, lægri vexti, bættan hag launafólks og aukna samkeppnishæfni. Þróun á launum og verðlagi frá því að skrifað var undir kjarasamningana í febrúar 2024 sýnir að laun hafa hækkað nokkuð umfram verðlag og kaupmáttur því aukist og hagur launafólks vænkast á þann mælikvarða. Heilt á litið hefur þó forskot launahækkana minnkað. Í júlí mældist árshækkun vísitölu launa 5,7% samanborið við 5,3% verðbólgu, en verðbólga jókst svo í 5,6% í ágúst.
Það helsta frá vikunni sem leið
- Verðbólgan jókst úr 5,3% í 5,6% í ágúst, lítillega umfram spá okkar um 5,5%. Áhrif sólmyrkvans voru minni en búist var við og verðhækkanir á breiðari grunni. Í september fellur úr gildi afsláttur af virðisaukaskatti á eldsneyti auk þess sem hækkun á komugjöldum á heilsugæslu koma inn í mælingar. Bráðabirgðaspá okkar nú gerir ráð fyrir því að verðbólga hækki í 5,7% í september.
- Samkvæmt nýjum VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Aukningin skýrist einna helst af hagfelldri þróun heimsmarkaðsverðs fremur en aukinni framleiðslu. Á sama tíma eru merki um kólnun í innlenda hagkerfinu, sérstaklega í greinum sem byggja á innlendri eftirspurn.
- Fjöldi gistinótta á hótelum í júlí var óbreyttur á milli ára.
- Á öðrum ársfjórðungi mældist 88 ma.kr. halli á vöru- og þjónustujöfnuði sem er 22 ma.kr. lakari niðurstaða en á sama ársfjórðungi í fyrra. Afgangur af þjónustuviðskiptum jókst á milli ára, sem skýrist helst af auknum útflutningi í fjarskipta-, tölvu- og upplýsingaþjónustu. Hallinn á vöruviðskiptum jókst lítillega á milli ára á fjórðungnum sem skýrist af áframhaldandi uppbyggingu gagnavera. Hluti hallans skýrist af viðskiptum sem ekki fylgdi flæði á gjaldeyri inn eða út úr landinu, sem skýrar að krónan var stöðug á ársfjórðungnum þrátt fyrir þennan halla.
- Alma íbúðafélag, Brim, Eimskip, Hampiðjan, Heimar, Iceland Seafood, Ísfélagið, Íslandshótel, Nóva klúbburinn, Reitir, Síldarvinnslan og Sýn birtu uppgjör.
- Hafnarfjarðarkaupstaður og Hagar héldu útboð á skuldabréfum. Kaldalón og Útgerðafélag Reykjavíkur gáfu út víxla. Lánamál ríkisins birtu niðurstöður viðbótarútgáfu. Reykjavíkurborg birti útgáfuáætlun.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.
18. ágúst 2026
Kortavelta Íslendinga, að teknu tillit til verðlags og gengis, jókst lítillega í júlí. Íslendingar eyddu þó minna innanlands en í fyrra en kortavelta erlendis jókst. Aldrei hefur hærra hlutfall af kortaveltu Íslendinga farið fram erlendis.
17. ágúst 2026
Á miðvikudag tilkynnir Seðlabankinn um vaxtaákvörðun og við spáum því að stýrivextir verði hækkaðir um 0,25 prósentustig. Um 3,1% færri ferðamenn komu til landsins í júlí en í sama mánuði í fyrra. Utanlandsferðum Íslendinga fjölgaði aftur á móti á milli ára í fyrsta sinn á árinu. Skráð atvinnuleysi mældist 4,0% í júlí.
13. ágúst 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga hefur reynst þrálát og verðbólguhorfur versnað. Á sama tíma hefur hagkerfið sýnt merki um kólnun, en þau eru að okkar mati ekki nægilega skýr til að koma í veg fyrir vaxtahækkun.
13. ágúst 2026
Við spáum því að verðbólga mælist 5,5% í ágúst. Heimsmarkaðsverð á olíu hefur hækkað aftur síðastliðinn mánuð og við gerum því ekki ráð fyrir lækkun á eldsneytisverði eins og áður. Við gerum jafnframt ráð fyrir að aukin eftirspurn í tengslum við sólmyrkvan hafi áhrif á flugfargjöld til útlanda, gistiþjónustu og á bílaleiguverð. Hækkun skráningargjalda í opinbera háskóla hefur einnig áhrif til hækkunar í mánuðinum.
10. ágúst 2026
Störfum í Bandaríkjunum fækkaði á milli mánaða í júlí. Í þessari viku verða meðal annars birtar tölur um brottfarir um Keflavíkurflugvöll og skráð atvinnuleysi í júlí. Þá munu nokkur félög einnig birta uppgjör.