Í ágúst hækkaði peningastefnunefnd Seðlabanka Íslands vexti um 0,25 prósentustig. Hækkunin var í takt við væntingar flestra og hefur nefndin nú hækkað vexti þrjá fundi í röð, um samtals 0,75 prósentustig. Meginvextir Seðlabankans eru 8% eftir ákvörðunina. Samhliða vaxtaákvörðuninni birti bankinn Peningamál með nýrri verðbólgu- og hagvaxtarspá. Bankinn gerir nú ráð fyrir meiri verðbólgu á seinni hluta árs en hann spáði í maí, en mjög svipaðri þróun næstu ár. Hagvaxtarspá bankans fyrir árið í ár var lækkuð, meðal annars vegna þess að einkaneysla virðist hafa gefið meira eftir en bankinn gerði ráð fyrir í maí.
Verðbólga mældist 5,6% í ágúst, en þetta er áttundi mánuðurinn í röð sem verðbólga mælist yfir 5%. Áhrif sólmyrkvans á verðmælingar í ágúst voru hóflegri en við höfðum gert ráð fyrir. Aukin verðbólga skýrist því af öðrum verðhækkunum sem voru á breiðari grunni en við höfðum spáð. Ljóst er að forsenduákvæði kjarasamninga virkjast við þessa mælingu.
Nýjustu hagtölur benda áfram til þess að það hægist á umsvifum í hagkerfinu. Skráð atvinnuleysi skv. Vinnumálastofnun mældist 4,0% í júlí og er 0,6 prósentustigum meira en fyrir ári síðan, í takt við þróun síðustu mánaða. Íbúðaverð stóð nánast í stað á milli mánaða í júlí og raunverð íbúða hefur nú lækkað á milli ára níu mánuði í röð. Ferðaþjónustan hefur einnig gefið lítillega eftir, en ferðamönnum um Keflavíkurflugvöll fækkaði á milli ára í júlí. Það sem af er ári hafa örlítið færri ferðamenn komið til landsins en á sama tímabili í fyrra. Hagstofan birti í lok ágúst gögn um landsframleiðslu á öðrum ársfjórðungi sem sýndi 1,1% samdrátt sem má að miklu leyti skýra með minni útflutningi af áli og sjávarafurðum.
Lesa fréttabréfið í heild:
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
