17. október 2022 - Greiningardeild
Vikan framundan
- Í dag birtir Hagstofan veltu samkvæmt virðisaukaskattsskýrslum fyrir júlí og ágúst.
- Á miðvikudag kynnum við hagspá til 2025 á morgunfundi í Hörpu. HMS birtir vísitölu íbúðaverðs, Seðlabankinn birtir fundargerð peningastefnunefndar og Hagar birta árshlutauppgjör.
- Á fimmtudag birta Icelandair og VÍS árshlutauppgjör.
- Á föstudag birtir Hagstofan launavísitöluna.
Mynd vikunnar
AGS birtir hagspá fyrir heimshagkerfið tvisvar á ári, í apríl og október. Óhætt er að segja að októberspáin, sem stofnunin birti í síðustu viku, hafi verið mun svartari en síðasta spá sem birtist í apríl á þessu ári. AGS gerir nú ráð fyrir mun meiri verðbólgu og mun minni hagvexti nær alls staðar í heiminum á næsta ári en sjóðurinn spáði í apríl.
Helsta frá vikunni sem leið
- Skráð atvinnuleysi var 2,8% í september og lækkaði um 0,3 prósentustig milli mánaða. Alls hefur atvinnuleysi lækkað um 8,8 prósentustig frá því það mældist hæst 11,6% í janúar 2021. Atvinnuleysi er sem fyrr mest á Suðurnesjum og á höfuðborgarsvæðinu og minnst á Norðurlandi vestra.
Í síðustu viku fóru fram verðmælingar vegna októbermælingar vísitölu neysluverðs. Við spáum því að verðbólgan hjaðni úr 9,3% í 9,0%. Gangi það eftir verður október þriðji mánuðurinn í röð sem verðbólga lækkar milli mánaða. Við teljum að hámarki verðbólgunnar sé þegar náð og að hún muni lækka áfram næstu mánuði. - Greiðslukortavelta heimilanna, sem er skammtímavísbending um einkaneyslu, jókst um 4% milli ára að raunvirði í september. Aukningin er nokkuð minni en á fyrri mánuðum ársins, en á fyrstu átta mánuðunum jókst kortavelta um tæplega 13% milli ára að meðaltali. Sem fyrr var aukningin nær eingöngu borin af veltu erlendis, en brottfarir Íslendinga í gegnum Leifsstöð voru 60 þúsund í september og hafa aldrei verið fleiri í septembermánuði.
- Erlendis bar birting á verðbólgutölum í Bandaríkjunum hæst í síðustu viku, en verðbólgan lækkaði úr 8,3% í 8,2%. Talan var hærri en búist var við og lækkuðu hlutabréfamarkaðir í Bandaríkjunum nokkuð í kjölfarið. Bandaríski seðlabankinn birti í vikunni fundargerð frá síðasta fundi peningastefnunefndar bankans þar sem kom fram að verðbólgan hefði komið bankanum nokkuð á óvart og nefndarmenn ítrekuðu á fundinum að vextir yrðu hækkaðir frekar þar til sæjust merki þess að verðbólgan færi hjaðnandi.
- Fimm skuldabréfaútboð fóru fram í síðustu viku: Landsbankinn hélt útboð á sértryggðum skuldabréfum, Síminn hélt útboð á víxlum, Reginn seldi skuldabréf í nýjum grænum skuldabréfaflokki, Alma íbúðafélag gaf út skuldabréf og Reykjavíkurborg hélt skuldabréfaútboð. Lánamál ríkisins birtu Markaðsupplýsingar.
- Af hlutabréfamarkaði var helst að frétta að Eimskip birti jákvæða afkomuviðvörun og Ölgerðin birti uppgjör fyrir 2F (fjárfestakynning).
Hagtölur og markaðsupplýsingar
Þú gætir einnig haft áhuga á
1. des. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. des. 2025
Óhætt er að segja að verðbólgumælingin í síðustu viku hafi komið á óvart. Verðbólga mældist 3,7% í nóvember og hefur ekki mælst minni í fimm ár. Hagstofan áætlar að landsframleiðsla hafi aukist um 1,2% á þriðja ársfjórðungi. Gistinóttum fjölgaði alls um 1,8% á milli ára í október.
28. nóv. 2025
Landsframleiðsla jókst um 1,2% á þriðja ársfjórðungi og um 1,5% á fyrstu níu mánuðum ársins. Hagvöxtur á þriðja ársfjórðungi var drifinn áfram af innlendri eftirspurn og þjóðarútgjöld jukust um heil 4,7%. Áfram er kraftur í einkaneyslu og fjárfestingu, en auknar birgðir hafa einnig sitt að segja. Innflutningur vegur þungt á móti og framlag utanríkisviðskipta er neikvætt, líkt og á síðustu fjórðungum.
27. nóv. 2025
Verðbólga hjaðnaði úr 4,3% í 3,7% í nóvember og hefur ekki verið minni frá því í desember 2020. Áhrif af afsláttardögum í nóvember komu mun skýrar fram í mælingu Hagstofunnar nú en síðustu ár og flugfargjöld til útlanda lækkuðu mun meira en við bjuggumst við.
24. nóv. 2025
Seðlabankinn lækkaði vexti í síðustu viku með það fyrir augum að stemma stigu við því aukna peningalega aðhaldi sem hefur hlotist af breyttu lánaframboði í kjölfar vaxtadómsins. Auk þess spáir Seðlabankinn nú auknum slaka í hagkerfinu, minni hagvexti og minni verðbólgu en í síðustu spá. Hagstofan birtir verðbólgumælingu nóvembermánaðar á fimmtudaginn og þjóðhagsreikninga fyrir þriðja ársfjórðung á föstudaginn.
21. nóv. 2025
Brottfarir erlendra ferðamanna frá Keflavíkurflugvelli voru 6,2% færri í október en í sama mánuði í fyrra og erlend kortavelta dróst þó nokkuð saman. Líklega hefur fall Play sett mark sitt á mánuðinn. Ef horft er yfir árið í heild hefur gangurinn í ferðaþjónustu verið mun meiri á þessu ári en því síðasta.
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.
13. nóv. 2025
Við spáum því að verðbólga standi óbreytt á milli mánaða og mælist 4,3% í nóvember. Flugfargjöld til útlanda verða til lækkunar á vísitölunni, en reiknuð húsaleiga og matarkarfan verða til hækkunar. Við búumst við aukinni verðbólgu á næstu mánuðum.
10. nóv. 2025
Raungengi krónunnar er mjög hátt í sögulegu samhengi en hefur gefið lítillega eftir á allra síðustu dögum. Horfur í álútflutningi eru dræmar eftir bilun hjá Norðuráli og aflaheimildir gefa fyrirheit um samdrátt í útflutningi sjávarafurða. Ferðaþjónusta hefur vaxið umfram væntingar það sem af er ári og telja má horfur á vexti í nýjustu útflutningsstoðum Íslands. Velta samkvæmt VSK-skýrslum hefur þróast með svipuðum hætti í útflutningsgeiranum og í innlenda hagkerfinu, en ávöxtun hlutabréfa félaga í kauphöllinni með tekjur í erlendri mynt er mun lakari en fyrirtækja með tekjur í íslenskum krónum.