17. júlí 2023
Vikan framundan
- Í dag birtir Seðlabankinn greiðslumiðlun fyrir júní.
- Á þriðjudag birtir HMS vísitölu íbúðaverðs á höfuðborgarsvæðinu.
- Á fimmtudag birta Icelandair og Landsbankinn uppgjör.
- Á föstudag birtir Hagstofan vísitölu neysluverðs, við spáum að vísitalan hækki um 0,24% milli mánaða í júlí og að ársverðbólga fari í 7,9% úr 8,9%.
Mynd vikunnar
Heildarvelta erlendra greiðslukorta í verslun í fyrra var 42 ma.kr. og samsvar það 7,3% af heildarveltu greiðslukorta, þ.e. bæði innlendra og erlendra, í verslun. Þetta hlutfall er nokkuð misjafnt eftir tegundum verslana, en í fyrra var það 5,6% í stórmörkuðum og dagvöru og 16,6% í fataverslunum. Þetta hlutfall sveiflast nokkuð innan ársins, eins og við er að búast, og fór hlutfallið í fataverslun hæst í um 30% í ágúst í fyrra.
Það helsta frá vikunni sem leið
- Brottfarir erlendra ferðamanna voru um 233 þúsund í júní og var fjöldinn nánast sá sami og á met ferðamannaárinu 2018 þegar 234 þúsund erlendir ferðamenn fóru um Leifsstöð í júní. Utanlandsferðum Íslendinga fækkaði milli ára, þær voru 55 þúsund í júní í ár en 66 þúsund í júní í fyrra. Í nýjustu Þjóðhags- og verðbólguspá Hagfræðideildar frá því í apríl spáðum við því að hingað kæmu 2,1 milljón ferðamanna í ár og renna þessar tölur frekari stoðum undir að fjöldinn gæti orðið nokkuð yfir þeirri spá.
- Vöruskiptajöfnuður var neikvæður um 43 milljarð króna í júní. Uppsafnaður hallinn á fyrstu 6 mánuðum ársins er 166 milljarðar króna. Það var viðbúið að mikill halli yrði af vöruviðskiptum í ár, en að sama skapi nokkur ríflegur afgangur af þjónustuviðskiptum. Við teljum ennþá að afgangurinn að þjónustuviðskiptum, keyrður áfram af sterku ferðamannasumri, muni ná að vega upp á móti hallanum á vöruviðskiptum fyrir árið í heild og að viðskipti við útlönd verði í jafnvægi. Íslenska krónan hefur styrkst um 4,2% frá áramótum, ef miðað er við viðskiptavog þröng
- Atvinnuleysi í júní mældist 2,9% og fór þar með niður fyrir 3% í fyrsta sinn síðan lok árs 2018. Atvinnuleysi er alla jafnaði lægst um hásumarið og gæti talan farið niður í 2,7% eða 2,8% næstu mánuði vegna þess. Við teljum ólíklegt að atvinnuleysi eigi eftir að fara mikið lægra en þetta þar sem að umframþörf eftir vinnuafl verður áfram mætt með aðfluttu vinnuafli.
- Verðbólga í Bandaríkjunum mældist 3,0% í júní og lækkaði úr 4,0% milli mánaða. Verðbólgan í BNA hefur ekki mælst lægri síðan í mars 2021, en verðbólgan fór hæst í 9,1% í júní í fyrra. Talan var aðeins lægri en búist var við.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.
27. sept. 2024
Ýmis merki eru um nokkuð kröftuga eftirspurn í hagkerfinu þótt verðbólga sé á niðurleið og landsframleiðsla hafi dregist saman það sem af er ári. Kortavelta eykst statt og stöðugt á milli ára, íbúðaverð er á hraðri uppleið, velta á íbúðamarkaði er meiri en í fyrra og atvinnuleysi hefur ekki aukist að ráði. Við teljum að peningastefnunefnd haldi stýrivöxtum áfram óbreyttum í 9,25% í næstu viku, sjöunda skiptið í röð.
23. sept. 2024
Í vikunni birtir Seðlabankinn yfirlýsingu fjármálastöðugleikanefndar og fjármálastöðugleikaskýrslu. Þá gefur Hagstofan út verðbólgumælingu fyrir septembermánuð á föstudag. Í síðustu viku gaf HMS út vísitölu íbúðaverðs sem hækkaði talsvert á milli mánaða og vísitölu leiguverðs sem lækkaði á milli mánaða. Kortaveltugögn sem Seðlabankinn birti í síðustu viku benda til þess að þó nokkur kraftur sé í innlendri eftirspurn eftir vörum og þjónustu.
16. sept. 2024
Í vikunni birtist meðal annars vísitala íbúðaverðs, vísitala leiguverðs og tölur um veltu greiðslukorta í ágúst. Í síðustu viku birtust tölur um fjölda ferðamanna sem hingað komu í ágúst, en þeir voru svipað margir og í ágúst í fyrra. Atvinnuleysi jókst lítillega á milli mánaða í ágúst. Fjárlög fyrir 2025 voru kynnt.
12. sept. 2024
Við spáum því að vísitala neysluverðs hækki um 0,08% á milli mánaða í september og að verðbólga lækki úr 6,0% niður í 5,7%. Við eigum von á áframhaldandi lækkun næstu mánuði og að ársverðbólga verði komin niður í 4,9% í lok árs.
9. sept. 2024
Í þessari viku ber hæst útgáfa á tölum um fjölda ferðamanna í ágúst og skráð atvinnuleysi á morgun. Í síðustu viku birtist fundargerð peningastefnunefndar þar sem fram kom að allir nefndarmenn voru sammála um að halda vöxtum óbreyttum á síðasta fundi, ólíkt því sem var síðustu þrjá fundi þar áður þar sem einn nefndarmaður vildi lækka vexti um 0,25 prósentustig.