Fjöldi ferða­manna í júní jafn­ar fyrra met

Um 233 þúsund erlendir ferðamenn fóru um Keflavíkurflugvöll í júní, nánast sami fjöldi og árið 2018. Ferðir Íslendinga til útlanda í júní voru 55 þúsund, töluvert færri en í fyrra.
Flugvél á flugvelli
10. júlí 2023

Brottfarir erlendra ferðamanna voru um 233 þúsund í júní og fjöldinn því nánast sá sami og árið 2018 þegar brottfarir voru 234 þúsund. Í síðasta mánuði voru brottfarirnar um 158 þúsund. Í nýjustu Þjóðhags- og verðbólguspá Hagfræðideildar frá því í apríl spáðum við því að hingað kæmu 2,1 milljón ferðamenn og renna þessar tölur frekari stoðum undir að fjöldinn gæti orðið nokkuð yfir þeirri spá.

Bandaríkjamenn langfjölmennastir

Töluverður fjöldi Bandaríkjamanna kom til Íslands í júní en Ferðamálastofa taldi 101 þúsund brottfarir. Bandaríkjamenn áttu því 43% brottfara í mánuðinum. Þar á eftir komu Þjóðverjar með tæplega 18 þúsund brottfarir. Pólverjar voru þar á eftir með 16 þúsund brottfarir, en ætla má að stór hluti þeirra sé búsettur á Íslandi. Bretar og Frakkar voru þar á eftir, báðar þjóðir með um 10 þúsund brottfarir. Þessar tölur eru þó bara um brottfarir frá Keflavíkurflugvelli og telja því ekki alla ferðamenn, til dæmis frá skemmtiferðaskipum.

Utanlandsferðir Íslendinga færri

Utanlandsferðir Íslendinga í júní voru 55 þúsund og eru nokkuð færri en í júní í fyrra þegar brottfarir voru 66 þúsund. Að árunum 2020 og 2021 undanskildum hafa utanlandsferðir Íslendinga í júnímánuði ekki verið færri síðan 2015. Eitthvað hefur því dregið úr utanlandsferðum Íslendinga og gæti þetta verið önnur vísbending um tekið hafi að hægja á einkaneyslu. Kortavelta Íslendinga innanlands dróst saman í maí, þriðja mánuðinn í röð, en kortavelta erlendis jókst um 4,5% milli mánaða. Fjöldi utanlandsferða Íslendinga stóð í stað milli ára í maí og það verður því fróðlegt að sjá hvernig kortaveltutölurnar fyrir júní munu líta út.

Fjöldi gistinátta í maí aldrei fleiri

Samkvæmt nýlega birtum tölum Hagstofunnar hefur uppsafnaður fjöldi gistinátta aldrei verið meiri en í maí. Mestu munaði um aukningu í fjölda gistinótta Íslendinga sem hefur aukist hlutfallslega meira fjöldi gistinótta útlendinga.

Fjölmargir bílaleigubílar í umferð

Bílaleigubílum í umferð heldur áfram að fjölga og í júní voru rúmlega 28 þúsund bílar í umferð. Það gerir einn bílaleigubíl á hverja 8 ferðamenn sem fóru um Keflavíkurflugvöll í júní.

Fyrirvari
Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara.

Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti.

Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.
Þú gætir einnig haft áhuga á
Bananar í verslun
28. feb. 2024
Verðbólga 6,6% og hjaðnar mun minna en búist var við
Vísitala neysluverðs hækkaði um 1,33% milli mánaða í febrúar og við það hjaðnaði ársverðbólga lítillega, úr 6,7% í 6,6%. Janúarútsölur gengu hraðar til baka en oft áður og gjaldskrárhækkanir fyrir sorphirðu, holræsi og kalt vatn höfðu meiri áhrif til hækkunar en við höfðum spáð. Reiknuð húsaleiga hækkaði minna en við gerðum ráð fyrir, en flugfargjöld til útlanda hækkuðu þvert á spá okkar um lækkun á milli mánaða.
Vöruhótel
26. feb. 2024
Vikubyrjun 26. febrúar 2024
Á árunum 2010 til 2019 var samfelldur afgangur af vöru- og þjónustuviðskiptum við útlönd. Nokkur halli var árin 2020 og 2021 á meðan heimsfaraldurinn geisaði, en síðan hafa utanríkisviðskipti verið nokkurn veginn í jafnvægi.
Gata í Reykjavík
22. feb. 2024
Vísitala íbúðaverðs hækkar áfram örlítið milli mánaða
Vísitala íbúðaverðs hækkaði um 0,4% á milli mánaða í janúar. Sérbýli hækkaði um 0,1% og fjölbýli um 0,4%. Raunverð íbúða er nokkurn veginn það sama og fyrir einu ári. Undirrituðum kaupsamningum á höfuðborgarsvæðinu fjölgaði á milli ára síðustu fjóra mánuði eftir að hafa fækkað sífellt frá miðju ári 2021.
Bátur
19. feb. 2024
Vikubyrjun 19. febrúar 2024
Nokkur breyting hefur orðið á samsetningu vinnumarkaðarins hér á landi frá árinu 1991. Stjórnendum, sérfræðingum, sérmenntuðu starfsfólki, þjónustu- og verslunarfólki hefur fjölgað verulega á sama tíma og skrifstofufólki, bændum og fiskveiðifólki hefur fækkað.
Peningaseðlar
15. feb. 2024
Spáum áframhaldandi hjöðnun í febrúar: Úr 6,7% í 6,1%
Við spáum því að vísitala neysluverðs hækki um 0,89% milli mánaða í febrúar og að ársverðbólga hjaðni úr 6,7% í 6,1%. Útsölulok munu hafa mest áhrif til hækkunar á milli mánaða í febrúar, samkvæmt spánni. Þá koma gjaldskrárhækkanir á sorphirðu, fráveitu og köldu vatni inn í mælingar nú í febrúar. Lægri flugfargjöld til útlanda vega þyngst á móti hækkunum, gangi spáin eftir.
Flugvél
12. feb. 2024
Ferðamenn dvelja skemur og eyða færri krónum
Um 131 þúsund erlendir ferðamenn fóru um Keflavíkurflugvöll í janúar. Þeir voru fleiri en í janúar í fyrra en færri en árin fyrir faraldur. Fjórði ársfjórðungur síðasta árs var sá fjölmennasti frá upphafi.
Smiður
12. feb. 2024
Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
Hús í Reykjavík
9. feb. 2024
Meirihluti útistandandi íbúðalána nú verðtryggður
Hátt vaxtastig hefur breytt samsetningu íbúðalána til heimila. Meirihluti útistandandi íbúðalána heimila er nú verðtryggður, en heimili hafa frá byrjun síðasta árs í auknum mæli fært sig úr óverðtryggðum lánum yfir í verðtryggð. Hrein ný íbúðalán banka og lífeyrissjóða hafa aukist frá miðju síðasta ári en drógust nú saman milli mánaða í desember.
5. feb. 2024
Mánaðaryfirlit yfir sértryggð skuldabréf - janúar 2024
Meðfylgjandi er mánaðarlegt yfirlit sértryggðra skuldabréfa.
Mynt 100 kr.
5. feb. 2024
Vikubyrjun 5. febrúar 2024
Verðbólga hefur hjaðnað síðustu mánuði, en auk þess hefur hlutfall undirliða sem hafa hækkað um meira en 10% á undanförnum 12 mánuðum fækkað.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur