15. júní 2026
Vikan framundan
- Á morgun birtir Seðlabankinn gögn um greiðslumiðlun í maí. Sama dag birtir HMS vísitölu íbúðaverðs í maí.
- Á miðvikudag birtir HMS vísitölu leiguverðs í maí. Þá er vaxtaákvörðun hjá Seðlabanka Bandaríkjanna og verðbólgutölur verða birtar í Bretlandi.
- Á fimmtudag birtir HMS mánaðarskýrslu og Ölgerðin birtir afkomutilkynningu. Einnig er vaxtaákvörðun hjá Englandsbanka.
Mynd vikunnar
Um 164 þúsund erlendir ferðamenn fóru um Keflavíkurflugvöll í maí, eða 2,7% fleiri en á sama tíma í fyrra. Frá ársbyrjun hafa örlítið fleiri ferðamenn komið til landsins en á fyrstu fimm mánuðum síðasta árs, eða um 0,4% fleiri. Í maí fóru tæplega 59 þúsund Íslendingar til útlanda sem er 11% fækkun á milli ára. Það sem af er ári hefur utanlandsferðum Íslendinga fækkað um 14,5% frá sama tímabili í fyrra. Minna flugframboð um Keflavíkurflugvöll virðist því hafa lítil áhrif á komu ferðamanna til landsins, en kemur frekar fram sem samdráttur í tengifarþegum og færri utanlandsferðum Íslendinga. Þetta gefur til kynna að eftirspurnarteygni sé ólík eftir markhópum; minni hjá erlendum farþegum en Íslendingum.
Það helsta frá vikunni sem leið
- Við gáfum út verðbólguspá þar sem við gerum ráð fyrir því að verðbólga muni standa í stað á milli mánaða í júní og mælast 5,1%. Hagstofan birtir verðbólgumælinguna 26. júní.
- Skráð atvinnuleysi var 4,2% í maí, 0,5 prósentustigum hærra en á sama tíma í fyrra.
- Hafrannsóknarstofnun kynnti úttekt á ástandi nytjastofna og ráðgjöf fyrir fiskveiðiárið 2026/2027 þar sem mikil aukning er á ráðgjöf fyrir loðnu.
- Verðbólga í Bandaríkjunum jókst úr 3,8% í 4,2% í maí. Verðbólga hefur ekki mælst svo há þar í landi síðan í apríl 2023.
- Seðlabanki Evrópu ákvað að hækka stýrivexti um 0,25 prósentustig og standa þeir nú í 2,25%. Þetta er fyrsta vaxtahækkun bankans síðan 2023. Ákvörðunin var í takt við væntingar.
- Matvæla- og lyfjastofnun Bandaríkjanna tók til afgreiðslu umsókn Alvotech um markaðsleyfi fyrir AVT16, fyrirhugaða hliðstæðu við Entyvio. Icelandair birti farþegatölur.
- Festi og Alma íbúðafélag luku sölu á víxlum. Lánasjóður sveitarfélaga hélt skuldabréfaútboð. Lánamál ríkisins birti niðurstöðu út viðbótarútgáfu. Landsbankinn lauk sölu á sértryggðum skuldabréfum ásamt skiptiútboði. Orkuveita Reykjavíkur og Heimar luku sölu á grænum skuldabréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
12. júní 2026
Fjölgun sumarhúsa hér á landi hefur haldist nokkuð stöðug síðasta áratug, en rúmlega helmingur sumarhúsa landsins er staðsettur á Suðurlandi. Kaupsamningum hefur fækkað lítillega frá því í fyrra og verðhækkanir hafa verið hóflegar.
11. júní 2026
Við spáum því að verðbólga standi í stað í júní og mælist aftur 5,1%. Ferðaþjónustutengdir liðir hækka alla jafna í júní og mun verð á flugfargjöldum til útlanda hafa mest áhrif til hækkunar, gangi spáin eftir. Við gerum einnig ráð fyrir hækkun á hótelum og veitingastöðum í júnímælingunni. Við gerum ráð fyrir að verðbólga aukist næstu mánuði og teljum nánast öruggt að forsendur kjarasamninga bresti í ágúst.
8. júní 2026
Á fyrsta ársfjórðungi mældist minni halli á viðskiptum við útlönd en á sama tíma í fyrra. Í síðustu viku birti HMS fasteignamat fyrir 2027, en fasteignamat lækkaði að raunvirði á milli ára.
1. júní 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. júní 2026
Samkvæmt fyrsta mati Hagstofunnar mældist 2,7% hagvöxtur á fyrsta ársfjórðungi. Vísitala neysluverðs hækkaði um 0,07% á milli mánaða og verðbólga lækkaði því úr 5,2% í 5,1%.
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.