9. nóvember 2026
Vikan framundan
- Á morgun birtir Ferðamálastofa brottfarir um Keflavíkurflugvöll í október og Vinnumálastofnun birtir skráð atvinnuleysi. Sama dag birtir Eimskip uppgjör og verðbólgutölur verða birtar í Bandaríkjunum. Hlutafjárútboð Bláa Lónsins hf. hefst.
- Á miðvikudag birtir Seðlabankinn niðurstöður úr könnun á væntingum markaðsaðila og Alvotech birtir uppgjör.
- Á fimmtudag birtir Amaroq uppgjör.
- Á föstudag lýkur verðkönnunarviku Hagstofunnar.
Mynd vikunnar
Frá árslokum 2024 hefur orðið töluverð aukning á innflutningi á fjárfestingarvörum. Mjög stóran hluta af þessari aukningu má rekja til innflutnings á tölvubúnaði fyrir gagnaver. Í október nam innflutningur fjárfestingarvara tæplega 80 milljörðum króna og hefur aldrei mælst meiri, en til samanburðar var allur vöruútflutningur í mánuðinum um 95 milljarðar króna. Hagstofan áætlar að þriðjungur alls vöruinnflutnings í október hafi verið tölvubúnaður fyrir gagnaver. Þessi mikli innflutningur á tölvubúnaði síðustu ár hefur því haft töluverð áhrif á vöruskiptajöfnuð. Á móti hefur þó orðið mikil aukning í þjónustuútflutningi í tengslum við tölvuþjónustu og gera má ráð fyrir frekari vexti á næstu misserum.
Það helsta frá vikunni sem leið
- Fjöldi starfandi hélst óbreyttur á milli ára í september, störfum á almenna markaðnum fækkaði á milli ára í september á meðan störfum hjá hinu opinbera fjölgaði á sama tíma.
- Verðbólga á evrusvæðinu jókst úr 3,8% í 4,0% og hefur ekki mælst hærri í þrjú ár. Búist er við frekari vaxtahækkunum hjá Seðlabanka Evrópu í desember.
- Englandsbanki hækkaði vexti um 0,25 prósentustig og hækkuðu stýrivextir bankans því úr 3,75% upp í 4,0%. Þetta er fyrsta vaxtahækkun bankans í þrjú ár.
- Atvinnuleysi í Bandaríkjunum mældist 4,1% í október. Störfum fjölgaði um 165 þúsund, sem er töluvert meiri fjölgun en hefur sést síðustu mánuði.
- Reitir, JBT Marel, Eik fasteignafélag, Oculis, Heimar og Sýn birtu uppgjör. Icelandair birti farþegatölur.
- Festi lauk sölu á víxlum. Styrkás, Reykjastræti og Útgerðarfélag Reykjavíkur luku sölu á skuldabréfum. Lánamál ríkisins lauk sölu á ríkisbréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
5. nóv. 2026
Eftirspurn eftir vinnuafli hefur minnkað, atvinnuleysi hefur aukist og vinnumarkaðurinn sýnir skýr merki kólnunar. Kólnun í hagkerfinu hefur dregið úr hækkunartakti launa og í nýlegri hagspá gerum við ráð fyrir hóflegri launahækkunum næstu árin. Þrátt fyrir það teljum við að kaupmáttur aukist áfram, samhliða minni verðbólgu og meiri uppgangi í atvinnulífinu á síðari hluta spátímans.
4. nóv. 2026
Útflutningsmagn sjávarafurða hefur dregist saman undanfarin ár, en hátt afurðaverð hefur að miklu leyti vegið upp samdráttinn. Í fyrra jukust útflutningsverðmæti sjávarafurða þrátt fyrir að útflutningsmagnið hefði minnkað. Í nýlegri hagspá gerum við ráð fyrir áframhaldandi samdrætti í útflutningi sjávarafurða í ár og á næsta ári. Ef lokaráðgjöf fyrir loðnu verður nær upphafsráðgjöfinni gæti samdráttur þó snúist í vöxt og hagvaxtarhorfur batnað.
2. nóv. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. nóv. 2026
Verðbólga hélst óbreytt í 5,9% í október, í samræmi við væntingar. Mikil hækkun á eldsneyti er áfram helsti drifkraftur verðbólgunnar. Gistinóttum erlendra ferðamanna fjölgaði á milli ára í september.
29. okt. 2026
Vísitala neysluverðs hækkaði um 0,44% á milli mánaða í október og verðbólga mælist áfram 5,9%, í takt við okkar spá. Verðbólga án húsnæðis mælist nú einnig 5,9%. Mikil hækkun á eldsneyti er áfram helsti drifkraftur verðbólgunnar.
26. okt. 2026
Íbúðaverð hækkaði um rúmlega 1% og leiguverð lækkaði um tæplega 1% á milli mánaða í september. Í næstu viku birtir Hagstofan verðbólgumælingu októbermánaðar og ýmis félög birta uppgjör.
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.