Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
12. febrúar 2024
Vikan framundan
- Í dag birtir Reitir uppgjör.
- Á þriðjudag birtir Eimskip uppgjör. Einnig verða birtar verðbólgutölur í Bandaríkjunum.
- Á miðvikudag birtir Reginn uppgjör. Einnig verða birtar verðbólgutölur fyrir Bretland.
- Á fimmtudag birta Eik og Kvika banki uppgjör.
- Á föstudag birtir Seðlabankinn tölur um greiðslumiðlun fyrir janúar.
- Í vikunni fara fram verðmælingar vegna vísitölu neysluverðs, en Hagstofan birtir hana 28. febrúar.
Mynd vikunnar
Á fjórða ársfjórðungi síðasta árs voru laus störf á Íslandi um það bil 2.700 færri en þeir sem voru skráðir á atvinnuleysisskrá. Verulega hefur slaknað á spennunni á vinnumarkaði frá því hún náði hámarki um mitt ár 2022. Þá var fjöldi atvinnulausra langt frá því að geta fyllt upp í laus störf. Slík spenna eykur launaþrýsting; fyrirtæki vilja bæta við sig starfsfólki en framboð af vinnuafli er ófullnægjandi. Því keppa fyrirtæki um starfsfólk og þurfa að bjóða góð kjör. Með hækkandi vaxtastigi hefur dregið úr spennu á vinnumarkaði og ekki ólíklegt að áhrifin komi skýrar fram á allra næstu mánuðum.
Það helsta frá vikunni sem leið
- Peningastefnunefnd ákvað að halda vöxtum óbreyttum í síðustu viku. Meginvextir bankans, vextir á 7 daga bundnum innlánum, eru því áfram 9,25%. Ákvörðunin er í samræmi við væntingar en við, eins og flestir greinendur, höfðum spáð óbreyttum vöxtum. Framsýn leiðsögn var lítil sem engin og í yfirlýsingunni sagði að mótun peningastefnunnar myndi „ráðast af þróun efnahagsumsvifa, verðbólgu og verðbólguvæntinga“.
- Samhliða vaxtaákvörðuninni birti SÍ Peningamál með uppfærðri þjóðhagsspá. Bankinn gerir nú ráð fyrir aðeins minni hagvexti í ár, eða 1,9% í stað 2,6% í nóvember, og að spenna í þjóðarbúinu muni snúast í slaka undir lok árs. Verðbólguhorfur hafa því einnig batnað aðeins og gerir bankinn nú ráð fyrir 5,0% verðbólgu í ár í stað 5,7% í nóvember. Samkvæmt spánni ætti verðbólgan að vera 4,0% í lok árs.
- Alls fóru 131 þúsund erlendir ferðamenn um Leifsstöð í janúar, nokkuð fleiri en í sama mánuði í fyrra þegar 121 þúsund ferðamenn fóru um flugvöllinn. Íslendingar fóru þó í færri utanlandsferðir í janúar í ár en í fyrra. Brottfarirnar voru 37 þúsund nú í janúar en tæp 42 þúsund í janúar í fyrra.
- Skráð atvinnuleysi var 3,8% í janúar, sem var 0,1 prósentustig meira en sama mánuð árið áður.
- Arion banki, Festi (fjárfestakynning) Íslandsbanki, Marel (fjárfestakynning) Sjóvá, Play og SKEL fjárfestingarfélag birtu uppgjör.
- Icelandair og Play birtu flutningstölur.
- Kaldalón hélt skuldabréfaútboð, Lánamál ríkisins héldu útboð ríkisbréfa og Arion banki hélt útboð á sértryggðum skuldabréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á ytri vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra sem finna má á vef Landsbankans.Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti Fjármálaeftirlits Seðlabanka Íslands (www.fme.is).
Þú gætir einnig haft áhuga á
24. apríl 2024
Vísitala neysluverðs hækkaði um 0,55% milli mánaða í apríl og við það lækkaði ársverðbólga úr 6,8% í 6,0%. Í þetta sinn höfðu tveir undirliðir langmest áhrif á mælinguna, reiknuð húsaleiga og flugfargjöld til útlanda. Þessir tveir undirliðir skýra 95% af hækkun vísitölunnar milli mánaða. Við teljum að verðbólgan haldist í kringum 6% næstu þrjá mánuði.
22. apríl 2024
Nafnverð íbúða hefur hækkað um 5,2% á síðustu 12 mánuðum, samkvæmt nýrri vísitölu íbúðaverðs,og raunverð íbúða er lítillega hærra en á sama tíma í fyrra.
15. apríl 2024
Verðbólga hjaðnar þó nokkuð í apríl, úr 6,8% í 6,1%, en breytist lítið næstu mánuði þar á eftir og verður 5,9% í júlí, samkvæmt okkar nýjustu verðbólguspá. Þótt vaxtahækkanir hafi slegið nokkuð á eftirspurn má enn greina kraft í hagkerfinu og spennu á vinnumarkaði. Þá mælast verðbólguvæntingar enn vel yfir markmiði.
11. apríl 2024
Við spáum því að vísitala neysluverðs hækki um 0,61% á milli mánaða í apríl og að ársverðbólgalækki töluvert, eða úr 6,8% í 6,1%. Mest áhrif til hækkunar í spá okkar hafa reiknuð húsaleiga, flugfargjöld til útlanda og matarkarfan. Apríl í fyrra var stór hækkunarmánuður og þar sem við gerum ráð fyrir töluvert minni mánaðarhækkun nú lækkar ársverðbólga töluvert. Á móti gerum við ekki ráð fyrir því að verðbólga lækki mikið næstu mánuði þar á eftir og búumst við því að hún verði 5,9% í júlí.
8. apríl 2024
Um 14% fleiri ferðamenn fóru um Keflavíkurflugvöll í febrúar síðastliðnum en í febrúar í fyrra. Ferðamenn gistu þó skemur en áður, því skráðum gistinóttum fækkaði um 2,7% á milli ára í febrúar.
3. apríl 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. apríl 2024
Um 30% fyrirtækja vilja fjölga starfsfólki á næstu sex mánuðum, samkvæmt nýjustu könnun Gallup meðal 400 stærstu fyrirtækja landsins sem var framkvæmd í mars. Hlutfallið eykst úr 23% frá síðustu könnun sem var gerð í desember.
26. mars 2024
Vísitala neysluverðs hækkaði um 0,8% milli mánaða í mars og við það jókst ársverðbólga úr 6,6% í 6,8%. Langmest áhrif til hækkunar í mælingunni má rekja til hækkunar á íbúðaverði, og þá sérstaklega utan höfuðborgarsvæðisins. Verð á nýjum bílum hafði mest áhrif til lækkunar í mars.
25. mars 2024
Peningastefnunefnd Seðlabankans tilkynnti á miðvikudag að stýrivöxtum yrði haldið óbreyttum í 9,25%. Ákvörðunin var í samræmi við spá okkar, en tónninn í yfirlýsingunni var harðari en við bjuggumst við.
18. mars 2024
Gögn síðasta árs benda til þess að þeir ferðamenn sem hingað komu hafi að meðaltali dvalið skemur en árið á undan en aftur á móti eytt meiru á dag.