Vikubyrjun 8. maí 2023
Heildarlaun fólks í fullu starfi voru að meðaltali 871 þúsund króna í fyrra. Jafn stórt hlutfall karla og kvenna voru með laun á bilinu 800 til 850 þúsund krónur á mánuði. Ef litið er til dreifingar á heildarlaunum eftir kyni sést að karlar eru í meirihluta á efri launastigum og konur á þeim lægri.
8. maí 2023
Vikan framundan
- Í dag birta Icelandair og Play flutningstölur fyrir apríl.
- Á miðvikudag birtir Vinnumálastofnun skráð atvinnuleysi í apríl og Ferðamálastofa birtir fjölda brottfara um Leifsstöð í apríl. Reginn og Sýn birta uppgjör fyrir 1. ársfjórðung.
- Á fimmtudag birtir Kvika banki uppgjör fyrir 1. ársfjórðung.
Mynd vikunnar
Heildarlaun fólks í fullu starfi voru að meðaltal 871 þúsund króna í fyrra. Jafn stórt hlutfall fullvinnandi karla og kvenna voru með laun á bilinu 800 til 850 þúsund krónur á mánuði. Hlutfallslega fleiri karlar (33%) voru þó með meira en milljón krónur á mánuði heldur en konur (18%) og rúmlega tvisvar sinnum fleiri karlar (8,5%) en konur (3,8%) voru með laun hærri en 1,5 milljón. Það var tvisvar sinnum algengara að konur (10%) væru með laun undir 500 þúsund á mánuði en karlar (5%). Þessi munur skýrist eflaust að hluta til af því að karlmenn unnu almennt fleiri vinnustundir. Að auki er munar á í hvaða atvinnugreinum karlar og konur unnu, en mun algengari er að konur vinna hjá hinu opinbera og einnig algengari að þær vinni við þjónustu og umönnun samkvæmt gögnum Hagstofunnar.
Helsta frá vikunni sem leið
- Uppgjörstímabilið er í fullum gangi, en Nova klúbburinn, Festi (fjárfestakynning), Marel (fjárfestakynning), Arion banki, Íslandsbanki, Landsbankinn og VÍS (fjárfestakynning) birtu öll uppgjör fyrir 1. ársfjórðung.
- Hagstofan birti samantekt á vinnumarkaðnum fyrir 1. ársfjórðung, þjónustujöfnuð fyrir janúar og laun og tekjur fyrir 2022.
- Alvotech tilkynnti að félagið hefði hafið klíníska rannsókn á nýrri líftæknilyfjahliðstæðu.
- Evrópski seðlabankinn og sá bandaríski hækkuðu vexti um 0,25 prósentustig.
- Lánasjóður sveitarfélaga hélt skuldabréfaútboð og Kvika gaf út skuldabréf í norskum og sænskum krónum.
- Vátryggingafélag Íslands og hluthafar Fossa undirrituðu samningu um kaup VÍS á öllu hlutafé í Fossum.
Hagtölur og markaðsupplýsingar
Fyrirvari
Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara. Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti. Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.Þú gætir einnig haft áhuga á
27. nóv. 2023
Fyrstu kaupendum á íbúðamarkaði fjölgaði verulega á þriðja fjórðungi ársins og voru 1.123 talsins, 33% allra kaupenda. Til samanburðar voru fyrstu kaupendur 789 talsins á öðrum fjórðungi, 26% allra kaupenda.
24. nóv. 2023
Vísitala íbúðaverðs hækkaði um 0,9% milli mánaða í október. Undirritaðir kaupsamningar á höfuðborgarsvæðinu voru 19% fleiri en í október í fyrra og fjölgaði einnig í september eftir að hafa fækkað viðstöðulaust milli ára frá miðju ári 2021. Vísitalan er hærri en við gerðum ráð fyrir við gerð verðbólguspár fyrir nóvembermánuð og því færum við hana örlítið upp og spáum nú 8,1% ársverðbólgu í stað 8,0%.
20. nóv. 2023
Í nýjustu könnun á væntingum markaðsaðila, sem fór fram fyrir um tveimur vikum, töldu fleiri svarendur að taumhald peningastefnu væri of þétt en of laust. Þetta er viðsnúningur frá því sem verið hefur, en allt frá janúar árið 2020 hafa fleiri talið taumhaldið of laust.
17. nóv. 2023
Við spáum því að peningastefnunefnd Seðlabanka Íslands haldi meginvöxtum bankans óbreyttum í 9,25% í næstu viku. Við teljum að óvissa og viðkvæm staða í tengslum við jarðhræringar á Reykjanesskaga spili stóran þátt í ákvörðuninni og vegi þyngra en vísbendingar um þrálátan verðbólguþrýsting og viðvarandi háar verðbólguvæntingar.
16. nóv. 2023
Við spáum því að vísitala neysluverðs hækki um 0,37% milli mánaða í nóvember og að ársverðbólga aukist úr 7,9% í 8,0%. Þeir liðir sem vega þyngst til hækkunar á vísitölunni eru reiknuð húsaleiga og verð á mat og drykkjarvöru, en flugfargjöld til útlanda vega þyngst til lækkunar. Við gerum ráð fyrir að verðbólga aukist svo lítillega í desember, í 8,1%, en hjaðni eftir áramót og verði 7,3% í janúar og 6,7% í febrúar.
14. nóv. 2023
Laun hafa hækkað langmest í veitinga- og gistigeiranum á síðustu árum og mest meðal verka- og þjónustufólks. Frá því rétt áður en lífskjarasamningarnir voru samþykktir árið 2019 hafa laun þjónustu-, sölu- og afgreiðslufólks hækkað um að meðaltali 48,5% og verkafólks um 48,2%. Laun stjórnenda hafa á sama tímabili hækkað um 27,4% og laun sérfræðinga um 33,4%. Kaupmáttur hefur aukist um að meðaltali 10% á tímabilinu, en þróunin er ólík eftir hópum.
13. nóv. 2023
Netverslun Íslendinga er að jafnaði langmest í nóvember. Það skýrist af stórum netútsöludögum í mánuðinum eins og makalausa deginum (e. Singles’ Day), svörtum föstudegi (e. Black Friday) og stafrænum mánudegi (e. Cyber Monday).
10. nóv. 2023
Um 205 þúsund erlendir ferðamenn fóru frá Keflavíkurflugvelli í október og hafa aldrei verið fleiri í mánuðinum. Alls hafa um 1.940 þúsund erlendir ferðamenn farið um Leifsstöð það sem af er ári, örlítið fleiri en árið 2017 og lítillega færri en metárið 2018.
6. nóv. 2023
Velta í byggingariðnaði dróst saman á milli ára í júlí og ágúst, samkvæmt gögnum Hagstofunnar sem byggja á virðisaukaskattsskýrslum. Þetta er í fyrsta skipti í rúm tvö ár sem veltan minnkar og til samanburðar jókst hún um rúm 15% milli ára á VSK-tímabilinu maí-júní.
2. nóv. 2023
Meðfylgjandi er mánaðarlegt yfirlit um sértryggð skuldabréf.