Vikubyrjun 23. febrúar 2026
Greiðslukortavelta heimilanna jókst alls um 5,4% á milli ára í janúar. Mánaðarbreyting vísitölu íbúðaverðs hefur ekki verið jafn mikil síðan í febrúar 2024, en hækkunin í janúar var drifin áfram af verðhækkunum á sérbýli. Vísitala leiguverðs lækkaði annan mánuðinn í röð.
23. febrúar 2026
Vikan framundan
- Í dag birtir Hagstofan vísitölu launa í janúar.
- Á morgun birtir Hagstofan veltu skv. VSK- skýrslum fyrir nóvember-desember. Sama dag birtir Iceland Seafood uppgjör.
- Á fimmtudag birtir Hagstofan vísitölu neysluverðs í febrúar og gistinætur í janúar. Þá birta einnig Brim, Nova og Sýn uppgjör.
- Á föstudag birtir Hagstofan þjóðhagsreikninga fyrir fjórða ársfjórðung, ásamt vöru- og þjónustuviðskipti fyrir sama fjórðung.
Mynd vikunnar
Á evrusvæðinu hafa verðbólguvæntingar til 5 ára verið tiltölulega stöðugar í kringum 2% markmiðið síðustu ár, þrátt fyrir veruleg áföll á borð við heimsfaraldur og stríðið í Úkraínu. Á Íslandi voru verðbólguvæntingar markaðsaðila nokkuð stöðugar í kringum 2,5% frá miðju ári 2017 og fram að faraldrinum, en tóku að hækka samhliða aukinni verðbólgu eftir 2021. Þótt langtímavæntingar hafi lækkað og nálgast markmið virðist sem nýleg aukning í verðbólgu hafi haft áhrif til hækkunar. Þegar skammtímasveiflur í verðbólgu hafa áhrif á langtímavæntingar bendir það til þess að kjölfesta þeirra sé veik.
Það helsta frá vikunni sem leið
- HMS birti vísitölu íbúðaverðs, vísitölu leiguverðs og mánaðarskýrslu. Vísitala íbúðaverðs hækkaði um 1,7% á milli mánaða í janúar. Árshækkun vísitölunnar mælist því 2,4%. Síðustu þrjá mánuði hafa íbúðaverðshækkanir á ársgrundvelli verið minni en hækkanir á almennu verðlagi. Vísitala íbúðaverðs hefur því lækkað um 2%, leiðrétt fyrir verðlagi. Vísitala leiguverðs lækkaði um 0,3% á milli mánaða í janúar. Þetta er annar mánuðurinn í röð þar sem vísitalan lækkar. Árshækkun vísitölunnar mælist nú 5%, þetta er í fyrsta skipti síðan í maí 2023 þar sem árshækkunin er minni en verðbólga.
- Seðlabankinn birti fundargerð peningastefnunefndar.
- Alls var greiðslukortavelta heimilanna um 112 ma. kr. í janúar og jókst um 5,4% á milli ára, að teknu tilliti til verðlags og gengis. Kortavelta erlendis jókst verulega eins og síðustu mánuði (+18,4% á milli ára) en einnig jókst kortavelta innanlands (+1,7% á milli ára).
- Verðbólga í Bretlandi lækkaði úr 3,4% í 3,0% í janúar. Mælingin var í takt við væntingar.
- Íslandsbanki og Skagi slitu samrunaviðræðum.
- Reitir, Síminn, Skagi, Fossar fjárfestingarbanki og Landsvirkjun birtu uppgjör.
- Kópavogsbær, Lánamál ríkisins og Ívera seldu á skuldabréf. Ölgerðin og Hagar seldu á víxla. Arion banki seldi sértryggð skuldabréf í evrum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
22. apríl 2026
Velta samkvæmt virðisaukaskattsskýrslum dróst saman um 5% að raunvirði í janúar og febrúar, samkvæmt nýbirtum gögnum Hagstofunnar. Þá sýna nýleg gögn um fjölda starfandi að verulega hefur dregið úr fjölgun starfa sem stóð í stað á milli ára í febrúar.
20. apríl 2026
Kortavelta jókst um 0,8% á milli ára í mars að raunvirði. Eins og síðustu mánuði jókst kortavelta erlendis talsvert en þetta var annar mánuðurinn í röð þar sem kortavelta innanlands dregst saman. Við spáum hægari vexti í einkaneyslu ásamt hóflegum launahækkunum á næstu árum.
20. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð, samkvæmt hagspá sem við birtum fyrir helgi. Við eigum von á hægfara hjöðnun verðbólgu og að stýrivextir haldi áfram að hækka á árinu.
17. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð. Við sjáum merki um slaka á vinnumarkaði með auknu atvinnuleysi og minni eftirspurn fyrirtækja eftir starfsfólki. Hærri stýrivextir munu valda því að sú staða vari lengur en ella.
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. mars 2026
Verðbólga jókst úr 5,2% í 5,4% í mars, svo há hefur verðbólga ekki mælst síðan í september 2024. Vísitala launa lækkaði um 0,1% á milli mánaða í febrúar. Í síðustu viku birti Seðlabankinn yfirlýsingu fjármálastöðugleikanefndar ásamt ritinu Fjármálastöðugleiki og fjármálaráðherra lagði fram fjármálaáætlun.
26. mars 2026
Vísitala neysluverðs hækkaði um 0,55% eins og við spáðum og mælist nú 5,4%. Svo mikil hefur verðbólga ekki mælst síðan í september 2024. Hækkun á verðbólgu á milli mánaða skýrist að langmestu leyti af hækkun á eldsneytisverði sem rekja má til átakanna við Persaflóa.
23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.