7. mars 2022 - Greiningardeild
Vikan framundan
- Í dag birtir Icelandair flutningstölur fyrir febrúar.
- Á þriðjudag birtir Seðlabankinn útreikning á raungengi í febrúar.
- Á fimmtudag birtir Ferðamálastofa talningu á fjölda ferðamanna um Leifsstöð í febrúar og Vinnumálastofnun birtir skráð atvinnuleysi í febrúar. Síldarvinnslan birtir ársuppgjör þennan dag.
Mynd vikunnar
Samkvæmt fyrsta mati Hagstofunnar mældist 4,3% hagvöxtur árið 2021. Meðalmannfjöldi jókst um 1,8% milli ára og jókst því landsframleiðsla á mann um 2,5%. Landsframleiðslan á mann var um 8,7 milljónir króna 2021 sem er 6,2% lægra en 2019. Til samanburðar var landsframleiðsla á mann einungis 4,8 milljónir króna árið 1980 (á verðlagi ársins 2021).
Efnahagsmál
- Samkvæmt bráðabirgðamati Hagstofu Íslands mældist 4,3% hagvöxtur á síðasta ári, þar af 4,4% á fjórða ársfjórðungi. Þetta var þriðji ársfjórðungurinn í röð sem hagvöxtur mælist. Hagvöxturinn á fjórða fjórðungi var nokkuð minni en á öðrum og þriðja fjórðungi, þegar hann var 6,6% og 6,8%. Hlutur ferðaþjónustu í landsframleiðslu á síðasta ári var 5%.
- Á síðasta ári var 90 ma.kr. (2,8% af VLF) halli á viðskiptum við útlönd. Þetta var mun lakari niðurstaða en árið á undan þegar um 24 ma.kr. afgangur mældist. 2021 var fyrsta árið síðan árið 2012 sem halli mælist á viðskiptum við útlönd. Þrátt fyrir halla batnaði erlend staða þjóðarbúsins um 315 ma.kr. (9,4% af VLF) á árinu.
- Herdís Steingrímsdóttir var skipuð í peningastefnunefnd Seðlabanka Íslands.
- Heildaraflaverðmæti íslenskra fiskiskipa var 162 ma.kr. á síðasta ári sem er 13,8 ma. kr. (9%) aukning milli ára. Munar þar mest um aflaverðmæti loðnu sem var 10,8 ma. kr. á síðasta ári en ekki neitt árið áður.
- Hagstofan birti í vikunni:
Gistinætur í janúar
Fjöldi launagreiðenda í janúar
Tilraunatölfræði um launasummu í janúar - Seðlabankinn birti talnaefni um:
Lánasjóði ríkisins
Önnur fjármálafyrirtæki
Verðbréfa-, fjárfestingar- og fagfjárfestasjóði
Stöðu markaðsverðbréfa
Verðbréfafjárfestingu
Fjármálamarkaðir
- Við birtum mánaðarleg yfirlit yfir hlutabréfamarkaðinn, sértryggð skuldabréf og gjaldeyrismarkaðinn í febrúar.
- Íslandsbanki lauk útboði sértryggðra skuldabréfa, Árborg lauk skuldabréfaútboð og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.
13. nóv. 2025
Við spáum því að verðbólga standi óbreytt á milli mánaða og mælist 4,3% í nóvember. Flugfargjöld til útlanda verða til lækkunar á vísitölunni, en reiknuð húsaleiga og matarkarfan verða til hækkunar. Við búumst við aukinni verðbólgu á næstu mánuðum.
10. nóv. 2025
Raungengi krónunnar er mjög hátt í sögulegu samhengi en hefur gefið lítillega eftir á allra síðustu dögum. Horfur í álútflutningi eru dræmar eftir bilun hjá Norðuráli og aflaheimildir gefa fyrirheit um samdrátt í útflutningi sjávarafurða. Ferðaþjónusta hefur vaxið umfram væntingar það sem af er ári og telja má horfur á vexti í nýjustu útflutningsstoðum Íslands. Velta samkvæmt VSK-skýrslum hefur þróast með svipuðum hætti í útflutningsgeiranum og í innlenda hagkerfinu, en ávöxtun hlutabréfa félaga í kauphöllinni með tekjur í erlendri mynt er mun lakari en fyrirtækja með tekjur í íslenskum krónum.
10. nóv. 2025
Fáar áhugaverðar hagtölur voru birtar í síðustu viku, en í þessari viku birtir Vinnumálastofnun skráð atvinnuleysi og Ferðamálastofa birtir ferðamannatölur. Uppgjörstímabilið fyrir þriðja ársfjórðung er í fullum gangi.
6. nóv. 2025
Hátt vaxtastig og ströng lánþegaskilyrði hafa slegið verulega á verðhækkanir á íbúðamarkaði. Á sama tíma hefur fjöldinn allur af nýjum íbúðum risið og sölutími þeirra lengst til muna. Eftir að dómur Hæstaréttar í vaxtamálinu féll hafa viðskiptabankarnir tekið lánaframboð til endurskoðunar og það sama má segja um suma lífeyrissjóðina. Seðlabankinn ákvað í síðustu viku að slaka lítillega á lánþegaskilyrðum.
3. nóv. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. nóv. 2025
Verðbólga jókst umfram væntingar í október og mældist 4,3%. Svo mikil hefur verðbólga ekki verið síðan í febrúar síðastliðnum. Telja má áhyggjuefni að aukin verðbólga skýrist ekki af tilfallandi sveiflukenndum liðum heldur virðist undirliggjandi verðþrýstingur hafa aukist. Í þessari viku halda félög áfram að birta uppgjör og hugsanlega má búast við fleiri púslum í breytta mynd af framboði íbúðalána í kjölfar vaxtamálsins.
31. okt. 2025
Eftirspurn eftir vinnuafli hefur minnkað og dregið hefur úr hækkun launa. Atvinnuleysi hefur aukist smám saman og rólegri taktur í atvinnulífinu hefur endurspeglast í hægari fólksfjölgun. Kaupmáttur hefur aukist jafnt og þétt og við teljum að þótt hægi á launahækkunum komi kaupmáttur til með að aukast áfram á næstu árum. Mikill kraftur er í neyslu landsmanna, kortavelta eykst sífellt og Íslendingar hafa aldrei farið í fleiri utanlandsferðir.
30. okt. 2025
Vísitala neysluverðs hækkaði um 0,47% á milli mánaða í október og verðbólga jókst úr 4,1% í 4,3%. Vísitala neysluverðs hækkaði meira en við bjuggumst við, ekki síst reiknuð húsaleiga og verð á mat og drykk. Skammtímaspá okkar gerir nú ráð fyrir að verðbólga haldist í 4,3% út árið, en aukist svo í janúar og mælist 4,5%.