Vikubyrjun 7. febrúar 2022
Seðlabankinn framkvæmir fjórum sinnum á ári könnun á væntingum markaðsaðila á ýmsum hagstærðum. Samkvæmt nýjustu könnun, sem var framkvæmd 24.-26. janúar búast markaðsaðilar við að Peningastefnunefnd hækki vexti um 0,5 prósentustig í næstu viku og að meginvextir Seðlabankans verði komnir í 3,25% í lok árs.
7. febrúar 2022 - Hagfræðideild
Vikan framundan
- Á þriðjudag birtir Skeljungur ársuppgjör.
- Á miðvikudag er vaxtaákvörðun hjá Seðlabankanum, við spáum 0,75 prósentustiga hækkun. Arion banki og Festi birta uppgjör þennan dag.
- Á fimmtudag birtir Ferðamálastofa talningu á brottförum um Leifsstöð og Vinnumálastofnun birtir skráð atvinnuleysi. Íslandsbanki, Reginn og Sjóvá birta uppgjör. Við fáum síðan verðbólgutölur frá Bandaríkjunum þennan dag.
- Í vikunni fara fram verðmælingar vegna febrúarmælingu vísitölu neysluverðs, en Hagstofan birtir hana föstudaginn 25. febrúar.
Mynd vikunnar
Í könnun meðal markaðsaðila sem var framkvæmd í janúar 2021 gerðu markaðsaðilar almennt ráð fyrir að Peningastefnunefnd myndi halda vöxtum bankans óbreyttum út árið. Samhliða aukinni verðbólgu, versnandi verðbólguhorfum og hækkun vaxta hafa markaðsaðilar hækkað spár sínar. Samkvæmt nýjustu könnun, sem var framkvæmd 24.-26. Janúar, búast markaðsaðilar við að Peningastefnunefnd hækki vexti um 0,5 prósentustig í næstu viku og að meginvextir Seðlabankans verði komnir í 3,25% í lok árs. Þess ber að geta að nýjasta könnun var gerð áður en janúarmæling vísitölu neysluverðs var birt, en sú mæling var mun hærri en búist var við.
Efnahagsmál
- Hagstofan birti gistinætur í desember, tilraunatölfræði um staðgreiðsluskyldar greiðslur í desember, þjónustujöfnuð í október, samantekt úr vinnumarkaðsrannsókn sinni fyrir 4. ársfjórðung og gjaldþrot og fyrri virkni fyrirtækja í desember.
- Ferðamálastofa birti skiptingu brottfarafarþega í janúar eftir þjóðerni, mánaðarlega Ferðaþjónustan í tölum samantekt sína og greiningu á fjárhagslegri stöðu íslenskrar ferðaþjónustu.
- Seðlabankinn birti talnaefni um lífeyrissjóði og stöðu markaðsverðbréfa.
Fjármálamarkaðir
- Icelandair (fjárfestakynning), Landsbankinn, Marel (fjárfestakynning) og Origo birtu ársuppgjör.
- VÍS birti afkomuviðvörun.
- Töluverðar lækkanir urðu á hlutabréfamörkuðum flestra stærstu viðskiptalanda Íslands í janúar.
- Íslenska krónan styrktist á móti gjaldmiðlum helstu viðskiptalanda okkar í janúar. Seðlabankinn greip tvisvar inn í markaðinn í janúar og keypti í bæði skiptin evrur til þess að vinna á móti styrkingu krónunnar.
- Við birtum mánaðarlegt yfirlit yfir sértryggð skuldabréf.
- Lánamál ríkisins luku útboði ríkisbréfa. Kvika banki gaf út skuldabréf í evrum.
Hagtölur og markaðsupplýsingar
Þú gætir einnig haft áhuga á
25. sept. 2023
Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.
20. sept. 2023
Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.
18. sept. 2023
Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.
18. sept. 2023
Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.
15. sept. 2023
Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.
14. sept. 2023
Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.
11. sept. 2023
Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.
4. sept. 2023
Meðfylgjandi er mánaðarlegt yfirlit um sértryggð skuldabréf.
4. sept. 2023
Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.
31. ágúst 2023
Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.