6. september 2021 - Greiningardeild
Vikan framundan
- Á miðvikudag birtir Seðlabankinn fundargerð peningastefnunefndar.
- Á fimmtudag birta Lánamál ríkisins markaðsupplýsingar.
- Á föstudag birtir Ferðamálastofa brottfarir um Leifsstöð og Vinnumálastofnun birtir tölur um skráð atvinnuleysi.
Mynd vikunnar
Erlend staða þjóðarbúsins hefur batnað mikið síðustu ár. Í lok árs 2016 var verðmæti erlendra skulda og erlendra eigna svipað. Í lok annars ársfjórðungs í ár voru erlendar eignir metnar á 1.120 ma. kr. umfram erlendar skuldir. Afgangur af viðskiptum við útlönd á þessu tímabili var rúmlega 360 ma. kr. sem skýrir því ekki bætta stöðu nema að hluta til. Erlendar skuldir eru að miklu leyti skuldabréf á meðan hlutabréf vega þyngra í erlendum eignum. Lágir alþjóðlegir vextir og almennar hækkanir á hlutabréfamörkuðum úti í heimi hafa því væntanlega einnig hjálpað til.
Efnahagsmál
- Vísitala neysluverðs hækkaði um 0,46% milli mánaða og mælist verðbólga 4,3% þriðja mánuðinn í röð. Mest áhrif til hækkunar hafði kostnaður við að búa í eigin húsnæði, húsgögn og heimilisbúnaður og hótel og veitingastaðir. Mestu áhrif til lækkunar höfðu flugfargjöld til útlanda.
- Samkvæmt fyrsta mati Hagstofu Íslands mældist 7,3% hagvöxtur á 2. ársfjórðungi. Hagvöxturinn var borinn af aukningu í einkaneyslu, fjármunamyndun og útflutningi, en aukinn innflutningur kom til frádráttar. Hagvöxtur á fyrstu sex mánuðum ársins mældist 3,5%, en samhliða birtingu talna fyrir 2. ársfjórðung endurskoðaði Hagstofan samdráttinn á 1. ársfjórðungi úr 1,7% í 0,2%.
- Á öðrum ársfjórðungi var 31,1 ma. kr. halli á viðskiptajöfnuði. Halli var á vöruskiptajöfnuði og rekstrarframlögum, en afgangur mældist á þjónustujöfnuði og frumþáttatekjum.
- Tveir af hverjum fimm erlendum ferðamönnum sem fóru um Leifsstöð í ágúst voru Bandaríkjamenn.
- Hagstofan birti aflaverðmæti á fyrri hluta ársins, vöruskiptajöfnuð í júlí, gistinætur í júlí og staðgreiðsluskyldar greiðslur í júní.
- Seðlabankinn birti talnaefni um lánasjóð ríkisins og stöðu markaðsverðbréfa.
Fjármálamarkaðir
- Síminn og Sýn birtu hálfsársuppgjör.
- Eftirfarandi útgefendur skráðra skuldabréfa birtu hálfsársuppgjör: Félagsbústaðir, RARIK, ÍL-sjóður og Alma íbúðafélag.
- Við birtum mánaðaryfirlit yfir sértryggð skuldabréf.
- Krónan veiktist í ágúst.
- Stjórn Skeljungs ákvað að ganga til viðræðna um sölu á P/F Magn.
- Lánamál ríkisins luku útboði ríkisvíxla og útboði ríkisbréfa.
Hagtölur og markaðsupplýsingar
Þú gætir einnig haft áhuga á
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.
14. apríl 2025
Í síðustu viku birtum við hagspá til næstu ára þar sem við spáum 1,4% hagvexti í ár og um 2% hagvexti næstu árin. Ferðamönnum fækkaði um 13,8% milli ára í mars. Skráð atvinnuleysi í mars var 0,4 prósentustigum hærra en í mars í fyrra. Þau tíðindi bárust einnig að skuldabréfaeigendur ÍL-sjóðs hefðu samþykkt að breyta skilmálum bréfanna sem heimilar útgefanda að gera upp bréfin. Í þessari viku birtir svo HMS vísitölu íbúðaverðs og leiguverðs.
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.