5. júní 2023
Vikan framundan
- Á miðvikudag birtir Seðlabankinn fundargerð peningastefnunefndar og yfirlýsingu fjármálastöðugleikanefndar.
- Á föstudaginn birtir Vinnumálastofnun tölur um skráð atvinnuleysi og Ferðamálastofa birtir tölur um brottfarir um Leifsstöð.
Mynd vikunnar
Vísitala neysluverðs hækkaði minna á milli mánaða í síðustu verðmælingu Hagstofunnar en við höfðum spáð. Verðbólgan lækkaði úr 9,9% í 9,5%. Þó ekki megi draga of miklar ályktanir af hreyfingum á milli mánaða var örlitlar jákvæðar vísbendingar að finna í þessari vísitölumælingu. Ein af þeim er að allar kjarnavísitölurnar sem Hagstofan birtir lækkuðu á milli mánaða í maí, en það hefur ekki gerst síðan í nóvember í fyrra. Hagstofan reiknar og birtir fjórar mismunandi kjarnavísitölur þar sem búið er að fjarlægja sveiflukennda liði til að betur sé hægt að meta undirliggjandi verðbólgu. Önnur jákvæð vísbending var að undirliðum vísitölunnar sem hafa hækkað um meira en 5% á síðustu 12 mánuðum fækkaði á milli mánaða í maí. Verðbólgan hefur reynst þrálátari en við gerðum ráð fyrir, en við bindum vonir við að toppnum hafi verið náð og að verðbólgan dragist hægt og rólega saman á næstu mánuðum.
Það helsta frá vikunni sem leið
- Hagstofa Íslands gaf út þjóðhagsreikninga fyrir fyrsta ársfjórðung ársins 2023. Hagvöxtur mældist 7% á milli ára, mun meiri en á fjórða ársfjórðungi 2022, þegar mældist 3,1% hagvöxtur. Einkaneysla og utanríkisviðskipti áttu stærstan þátt í auknum hagvexti á fjórðungnum. Einkaneysla jókst um 4,9% á milli ára sem skýrist líklega fyrst og fremst af launahækkunum samkvæmt nýjum kjarasamningum. Þjónustuútflutningur bar aukinn útflutningsvöxt uppi, þar sem ferðaþjónustan vegur mest.
- Alls var 10,1 ma.kr. halli af viðskiptum við útlönd á fyrsta ársfjórðungi. Þetta var rúmlega 20 ma.kr. betri niðurstaða en á fyrsta ársfjórðungi 2022. Þetta skýrist af því að afgangur af þjónustuviðskiptum jókst samhliða fjölgun erlendra ferðamann og í stað halla á frumþáttatekjum í fyrra mældist afgangur nú í ár vegna verri afkomu fyrirtækja í erlendri eigu.
- Húsnæðis- og mannvirkjastofnun gaf út fasteignamat fyrir 2024 Heildarmat fasteigna á Íslandi hækkar um 11,7% og þar af hækkar fasteignamat íbúða um 13,7% á milli ára. Fasteignamatið hækkaði meira á landsbyggðinni, um 16,1%, en á höfuðborgarsvæðinu þar sem það hækkaði um 13,1%.
- Hagdeild HMS mánaðarskýrslu fyrir maí.
- Lánamál ríkisins hélt útboð ríkisbréfa og Iceland Seafood hélt víxlaútboð.
- Sjóvá birti uppgjör 1. ársfjórðungs.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram.Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára.Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
30. maí 2025
2,6% hagvöxtur mældist á fyrsta ársfjórðungi þessa árs, samkvæmt fyrsta mati Hagstofunnar sem var birt í morgun. Samkvæmt endurskoðuðum þjóðhagsreikningum mældist 0,7% samdráttur á síðasta ári en ekki 0,5% hagvöxtur eins og áður var áætlað.
28. maí 2025
Verðbólga mældist 3,8% í maí og hjaðnar úr 4,2% frá því í apríl. Verðbólga var örlítið undir okkar spá, einkum vegna þess að flugfargjöld til útlanda lækkuðu nokkuð á milli mánaða. Við eigum von á að verðbólga fari lægst í 3,6% í júlí, en hækki síðan aftur upp í 3,8% í ágúst.
27. maí 2025
Á síðustu mánuðum hefur smám saman hægt á hækkunartakti launa eftir ríflegar launahækkanir síðustu ár. Launahækkanir eru þó enn langt umfram verðbólgu og gera má ráð fyrir að kaupmáttur haldi áfram að aukast næstu misseri. Óvissa um launaþróun minnkaði eftir að langtímakjarasamningar náðust á stærstum hluta vinnumarkaðar, en líkt og í kjarasamningum síðustu ára eru hækkanir mismiklar eftir hópum.
26. maí 2025
Peningastefnunefnd Seðlabanka Íslands lækkaði vexti um 0,25 prósentur í síðustu viku. HMS birti vísitölu íbúðaverðs, en árshækkun vísitölunnar lækkaði úr 8,0% í 7,6%. Í þessari viku birtir Hagstofan verðbólgumælingu fyrir maí, en við spáum því að verðbólgan hjaðni úr 4,2% í 3,9%.
22. maí 2025
Vísitala íbúðaverðs hækkaði um 0,45% á milli mánaða í apríl. Árshækkun vísitölu íbúðaverðs hefur lækkað síðustu þrjá mánuði og mælist nú 7,6%. Raunverð íbúða er töluvert hærra núna en fyrir ári síðan. Undirrituðum kaupsamningum hefur fækkað á milli ára síðustu þrjá mánuði, eftir að hafa fjölgað sífellt frá september 2023, ef frá er talinn desember síðastliðinn.
19. maí 2025
Kortavelta Íslendinga jókst verulega í apríl, sérstaklega erlendis þar sem hún var 32,8% meiri en í apríl í fyrra að raunvirði. Íslendingar hafa aldrei farið í jafnmargar utanlandsferðir í einum mánuði og í apríl síðastliðnum. Nýlegar vísbendingar um aukinn eftirspurnarþrýsting draga enn frekar úr líkum á vaxtalækkun á miðvikudaginn, en við spáum því að vöxtum verði haldið óbreyttum fram í ágúst.
16. maí 2025
Kortavelta jókst um 9,4% á milli ára í apríl að raunvirði og erlendis jókst hún um 32,8%. Íslendingar hafa aldrei farið í fleiri utanlandsferðir í einum mánuði en í apríl síðastliðnum, samkvæmt gögnum Ferðamálastofu. Nýbirtar kortaveltutölur renna enn frekari stoðum undir spá um að stýrivöxtum verði haldið óbreyttum í næstu viku. Neysla landsmanna hefur haldið dampi þrátt fyrir hátt vaxtastig og við teljum horfur á að einkaneysla aukist smám saman á næstu árum.
15. maí 2025
Við spáum því að verðbólga lækki úr 4,2% í 3,9% í maí. Horfur eru á að verðbólga hjaðni lítillega í sumar en aukist aftur með haustinu þegar einskiptisliðir vegna skólagjalda og skólamáltíða detta úr 12 mánaða taktinum. Við gerum ráð fyrir 4,0% verðbólgu í árslok.
15. maí 2025
Við spáum því að peningastefnunefnd geri hlé á vaxtalækkunarferlinu og haldi stýrivöxtum óbreyttum í næstu viku. Verðbólga jókst umfram væntingar í apríl og verðbólguvæntingar hafa haldist tiltölulega stöðugar. Þá virðist hagkerfið þola vaxtastigið vel, kortavelta hefur aukist sífellt síðustu mánuði og enn er þó nokkur velta á íbúðamarkaði. Peningalegt taumhald losnaði með aukinni verðbólgu í apríl og við teljum ólíklegt að peningastefnunefnd þyki tímabært að lækka raunstýrivexti enn frekar.
12. maí 2025
Brottfarir um Keflavíkurflugvöll hafa aldrei verið jafnmargar í aprílmánuði eins og í apríl síðastliðnum og erlendir ferðamenn voru 6,5% fleiri en í apríl í fyrra. Skráð atvinnuleysi var 3,9% í apríl og minnkaði um 0,3 prósentustig frá því í mars. Seðlabanki Bandaríkjanna hélt stýrivöxtum óbreyttum en Englandsbanki lækkaði stýrivexti um 0,25 prósentustig. Báðar ákvarðanir voru í takt við væntingar.