Vikubyrjun 19. maí 2025
Kortavelta Íslendinga jókst verulega í apríl, sérstaklega erlendis þar sem hún var 32,8% meiri en í apríl í fyrra að raunvirði. Íslendingar hafa aldrei farið í jafnmargar utanlandsferðir í einum mánuði og í apríl síðastliðnum. Nýlegar vísbendingar um aukinn eftirspurnarþrýsting draga enn frekar úr líkum á vaxtalækkun á miðvikudaginn, en við spáum því að vöxtum verði haldið óbreyttum fram í ágúst.
19. maí 2025
Vikan framundan
- Á morgun birtir HMS vísitölu íbúðaverðs í apríl.
- Á miðvikudag er vaxtaákvörðun hjá Seðlabanka Íslands. Við spáum því að nefndin haldi vöxtum óbreyttum. Samhliða vaxtaákvörðuninni gefur Seðlabankinn út Peningamál. Sama dag birtir HMS vísitölu leiguverðs í apríl og verðbólgutölur verða birtar í Bretlandi.
- Á fimmtudag birtir HMS mánaðarskýrslu og Hagstofan birtir vísitölu launa í apríl. Þá birtir Síldarvinnslan uppgjör.
Mynd vikunnar
Um 64% markaðsaðila álíta taumhald peningastefnu of þétt um þessar mundir, töluvert færri en í janúar, þegar hlutfallið var um 80%. Þetta má lesa úr niðurstöðum ársfjórðungslegrar væntingakönnunar Seðlabankans á meðal markaðsaðila. Enginn þátttakandi taldi taumhaldið of laust. Hlutfallslega telja nú fleiri en í janúar að taumhaldið sé hæfilegt, 36% í stað 20%. Taumhaldið er svipað og eftir síðustu vaxtaákvörðun og við teljum ólíklegt að vextir verði lækkaðir að svo stöddu.
Það helsta frá vikunni sem leið
- Í síðustu viku fór fram útboð á hlutbréfum ríkissjóðs í Íslandsbanka (helstu niðurstöður, sundurliðun tilboðsbóka). Heildareftirspurn var 190 ma.kr., þar af 88 ma.kr. í tilboðsbók A. Ákveðið var að stækka útboðið og bjóða út allan hlut ríkisins, alls 45,2% útistandandi hluta. Útboðsgengi tilboðsbókar B og C var það sama og tilboðsbókar A, 106,5 krónur á hlut. Heildarvirði útboðsins nemur því 91 ma.kr.
- Greiðslukortavelta íslenskra heimila nam 114,1 ma.kr. í apríl og jókst um 9,4% á milli ára, að teknu tilliti til verðlags og gengis. Hlutfallslega jókst kortavelta Íslendinga mun meira í útlöndum en hér á landi og hefur aldrei verið meiri erlendis í einum mánuði en nú í apríl. Kortavelta erlendra greiðslukorta hér á landi jókst um 5,6% á föstu verðlagi (VNV) á milli ára í apríl og um 15,5% á föstu gengi. Erlendum ferðamönnum um Keflavík fjölgaði um 6,5% á milli ára í apríl. Kortavelta á hvern ferðamann var álíka mikil og í apríl í fyrra.
- Seðlabankinn birti í vikunni niðurstöður úr könnun á væntingum markaðsaðila sem fór fram í byrjun maí. Út frá miðgildi svara má ætla að markaðsaðilar búist við að peningastefnunefnd lækki vexti um 0,25 prósentustig á miðvikudaginn.
- Verðbólga í Bandaríkjunum hjaðnaði úr 2,4% í 2,3% í apríl og var lítillega undir væntingum.
- Heimar, Eimskip, Amaroq Minerals, Reitir og Sjóvá birtu uppgjör.
- Landsbankinn hélt útboð á sértryggðum skuldabréfum, Alma lauk sölu á skuldabréfum, Hafnarfjarðarkaupstaður lauk skuldabréfaútboði og Landsvirkjun gaf út skuldabréf á Bandaríkjamarkaði.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
16. maí 2025
Kortavelta jókst um 9,4% á milli ára í apríl að raunvirði og erlendis jókst hún um 32,8%. Íslendingar hafa aldrei farið í fleiri utanlandsferðir í einum mánuði en í apríl síðastliðnum, samkvæmt gögnum Ferðamálastofu. Nýbirtar kortaveltutölur renna enn frekari stoðum undir spá um að stýrivöxtum verði haldið óbreyttum í næstu viku. Neysla landsmanna hefur haldið dampi þrátt fyrir hátt vaxtastig og við teljum horfur á að einkaneysla aukist smám saman á næstu árum.
15. maí 2025
Við spáum því að verðbólga lækki úr 4,2% í 3,9% í maí. Horfur eru á að verðbólga hjaðni lítillega í sumar en aukist aftur með haustinu þegar einskiptisliðir vegna skólagjalda og skólamáltíða detta úr 12 mánaða taktinum. Við gerum ráð fyrir 4,0% verðbólgu í árslok.
15. maí 2025
Við spáum því að peningastefnunefnd geri hlé á vaxtalækkunarferlinu og haldi stýrivöxtum óbreyttum í næstu viku. Verðbólga jókst umfram væntingar í apríl og verðbólguvæntingar hafa haldist tiltölulega stöðugar. Þá virðist hagkerfið þola vaxtastigið vel, kortavelta hefur aukist sífellt síðustu mánuði og enn er þó nokkur velta á íbúðamarkaði. Peningalegt taumhald losnaði með aukinni verðbólgu í apríl og við teljum ólíklegt að peningastefnunefnd þyki tímabært að lækka raunstýrivexti enn frekar.
12. maí 2025
Brottfarir um Keflavíkurflugvöll hafa aldrei verið jafnmargar í aprílmánuði eins og í apríl síðastliðnum og erlendir ferðamenn voru 6,5% fleiri en í apríl í fyrra. Skráð atvinnuleysi var 3,9% í apríl og minnkaði um 0,3 prósentustig frá því í mars. Seðlabanki Bandaríkjanna hélt stýrivöxtum óbreyttum en Englandsbanki lækkaði stýrivexti um 0,25 prósentustig. Báðar ákvarðanir voru í takt við væntingar.
7. maí 2025
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.
5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.
2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. maí 2025
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð.
29. apríl 2025
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.
28. apríl 2025
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.