Verðbólga jókst úr 5,3% í 5,6% í ágúst og mælist nú yfir 5% áttunda mánuðinn í röð. Áhrif sólmyrkvans á verðlag reyndust hóflegri en búist var við og verðhækkanir voru á breiðari grunni. Það er einnig ljóst að forsenduákvæði kjarasamninga virkjast við þessa mælingu.
Í þættinum er meðal annars fjallað um hvað heldur verðbólgunni uppi, stöðu kjarasamninga og hvers vegna vextir voru hækkaðir þrátt fyrir skýr merki um kólnun í hagkerfinu. Þá er rætt um þróun húsnæðismarkaðarins og hvenær verðbólga og vextir gætu byrjað að lækka.
Una Jónsdóttir og Hjalti Óskarsson, hagfræðingar hjá Greiningardeild Landsbankans, ræða stöðu efnahagsmála og framtíðarhorfurnar við Kristínu Gunnarsdóttur í nýjasta þætti Umræðunnar.
Hlusta og gerast áskrifandi að hlaðvarpinu á streymisveitu
Um hlaðvarpið
Umræðan: hlaðvarp er vettvangur þar sem sérfræðingar í Landsbankanum ræða um efnahagsmál og annað sem tengist starfsemi bankans frá ýmsum hliðum og á mannamáli. Tilgangurinn er að auka áhuga og umræðu um efnahagsmál og bankastarfsemi.
