Vikubyrjun 30. október 2023
Í dag birtir Hagstofan októbermælingu vísitölu neysluverðs. Að öðru leyti er mesta athyglin á uppgjör. Í síðustu viku birtu Arion banki, Festi, Íslandsbanki, Landsbankinn, Marel, Play, Sjóvá og Skel fjárfestingarfélag uppgjör. Í þessari viku birta Kvika banki og Síminn uppgjör.
30. október 2023
Vikan framundan
- Í dag birtir Hagstofan verðbólgutölur fyrir október.
- Á þriðjudag birtir Síminn uppgjör.
- Á miðvikudag er vaxtaákvörðun í Bandaríkjum.
- Á fimmtudag birtir Kvika banki uppgjör. Englandsbanki tilkynnir um vaxtabreytingu.
Mynd vikunnar
Þegar vextir voru hvað lægstir voru ný íbúðalán bankanna að mestu leyti óverðtryggð á breytilegum vöxtum. Þegar vextir tóku að hækka fór fólk í auknum mæli að taka óverðtryggð lán með föstum vöxtum. Nú þegar stýrivextir eru komnir upp í 9,25% og vextir á óverðtryggðum íbúðalánum eru um eða yfir 10% liggur straumurinn aftur í verðtryggð íbúðalán, enda afborganir af verðtryggðum lánum hækkað til muna. Flest heimili taka nú verðtryggð lán með breytilegum vöxtum frekar en föstum, enda eru breytilegir vextir aðeins lægri en þeir föstu.
Það helsta frá vikunni sem leið
- Hagstofan birti talnaefni um veltu samkvæmt VSK-skýrslum fyrir tímabilið júlí-ágúst. Veltan jókst nokkuð á milli ára í öllum helstu atvinnugreinum nema í framleiðslu málma. Mesta aukning milli ára var í fasteignaviðskiptum og húsaleigu, rekstri gististaða, leigu á bifreiðum og hugbúnaðargerð.
- Hagdeild HMS birti mánaðarskýrslu um fasteignamarkaðinn. Nýjum byggingarverkefnum hefur fækkað til muna. Milli síðustu tveggja íbúðatalninga HMS hófst bygging á aðeins 768 nýjum íbúðum, en þær voru 2575 á sama tíma í fyrra.
- Seðlabanki Evrópu hélt vöxtum óbreyttum. Þetta er í kjölfar tíu vaxtahækkana í röð. Meginvextir bankans, vextir á innlánum, verða áfram 4,0%, en þeir fóru lægst í -0,5% áður en vaxtahækkunarferlið hófst.
- Arion banki, Festi (fjárfestakynning), Íslandsbanki, Landsbankinn, Marel (fjárfestakynning), Play, Sjóvá og Skel fjárfestingarfélag birtu uppgjör.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.