27. desember 2021 - Greiningardeild
Vikan framundan
- Á fimmtudag birta Lánamál ríkisins ársáætlun fyrir 2022 og ársfjórðungsáætlun fyrir 1. ársfjórðung sama árs.
Mynd vikunnar
Þrjú mest streymdu lögin hér á landi á Spotify á aðfangadag voru All I want for Christmas is you með Mariah Carey, Last Chrismas með Wham! og It's beginning to look a lot like Christmas með Michael Bublé. Þar á eftir koma 6 íslensk jólalög, Snjókorn falla með Ladda er mest streymda íslenska jólalagið og jafnframt fjórða mest streymda lagið.
Efnahagsmál
- Vísitala neysluverðs hækkaði um 0,45% milli mánaða í desember og mælist verðbólgan 5,1% samanborið við 4,8% í nóvember. Þetta var meiri hækkun milli mánaða en við áttum von á, en við höfðum spáð 0,3% milli mánaða. Verðbólgan er nú 1,5 prósentustig hærri en í desember 2020.
- Vísitala íbúðaverðs hækkaði um 0,7% milli mánaða í nóvember og er árshækkun vísitölunnar 17%. Þetta er er minnsta hækkun milli mánaða síðan í júlí. Fjölbýli hækkaði um 1% milli mánaða í nóvember og sérbýli lækkaði um 0,5%. Vísitala leiguverðs hækkaði um 1,2% milli mánaða og er árshækkun leiguverðs mun lægri en árshækkun íbúðaverðs, eða 3,4%.
- Launavísitalan hækkaði um 0,3% milli mánaða í nóvember samkvæmt tölum Hagstofu Íslands. Síðustu 12 mánuði hefur launavísitalan hækkað um 7,5%, sem er svipaður árstaktur og verið hefur síðustu mánuði.
- Heildarfjöldi greiddra gistinótta í nóvember var 362.000 sem er 24% minna en í nóvember 2019. Tæplega 70% greiddra gistinótta í nóvember voru á hótelum. Um fjórðungur gistinótta var vegna Íslendinga.
- Seðlabanki Íslands birti Hagvísa í síðustu viku.
- Hagstofan birti einnig: mannfjöldaspá til 2070, veltu samkvæmt virðisaukaskattskýrslum fyrir tímabilið sept.-okt., vísitölu byggingarkostnaðar í janúar 2022 og niðurstöður vinnumarkaðsrannsóknar fyrir nóvember.
Fjármálamarkaðir
- Lánamál ríkisins hættu við fyrirhugað útboð ríkisvíxla í síðustu viku.
- Skeljungur samþykkti skilmálaskjal og viljayfirlýsingar vegna sölu fasteigna.
- Kvika banki tilkynnti um nýtingu afskriftaréttinda og hækkun hlutafjár.
- Eimskip birti afkomuviðvörun.
Hagtölur og markaðsupplýsingar
Þú gætir einnig haft áhuga á
11. des. 2025
Við spáum því að vísitala neysluverðs hækki um 0,56% á milli mánaða í desember. Gangi spáin eftir mun verðbólga hækka úr 3,7% í 3,9% í desember. Flugfargjöld til útlanda, reiknuð húsaleiga og lok tilboðsdaga í nóvember verða til hækkunar en bensínverð til lækkunar. Við gerum ráð fyrir að verðbólga verði á bilinu 3,9% til 4,0% næstu mánuði.
8. des. 2025
Talsvert minni afgangur mældist af viðskiptum við útlönd á þriðja ársfjórðungi þessa árs en þess síðasta. Í síðustu viku gaf Seðlabankinn út yfirlýsingu fjármálastöðugleikanefndar og fundargerð peningastefnunefndar. Í þessari viku verða birtar ferðamannatölur og skráð atvinnuleysi fyrir nóvembermánuð.
1. des. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. des. 2025
Óhætt er að segja að verðbólgumælingin í síðustu viku hafi komið á óvart. Verðbólga mældist 3,7% í nóvember og hefur ekki mælst minni í fimm ár. Hagstofan áætlar að landsframleiðsla hafi aukist um 1,2% á þriðja ársfjórðungi. Gistinóttum fjölgaði alls um 1,8% á milli ára í október.
28. nóv. 2025
Landsframleiðsla jókst um 1,2% á þriðja ársfjórðungi og um 1,5% á fyrstu níu mánuðum ársins. Hagvöxtur á þriðja ársfjórðungi var drifinn áfram af innlendri eftirspurn og þjóðarútgjöld jukust um heil 4,7%. Áfram er kraftur í einkaneyslu og fjárfestingu, en auknar birgðir hafa einnig sitt að segja. Innflutningur vegur þungt á móti og framlag utanríkisviðskipta er neikvætt, líkt og á síðustu fjórðungum.
27. nóv. 2025
Verðbólga hjaðnaði úr 4,3% í 3,7% í nóvember og hefur ekki verið minni frá því í desember 2020. Áhrif af afsláttardögum í nóvember komu mun skýrar fram í mælingu Hagstofunnar nú en síðustu ár og flugfargjöld til útlanda lækkuðu mun meira en við bjuggumst við.
24. nóv. 2025
Seðlabankinn lækkaði vexti í síðustu viku með það fyrir augum að stemma stigu við því aukna peningalega aðhaldi sem hefur hlotist af breyttu lánaframboði í kjölfar vaxtadómsins. Auk þess spáir Seðlabankinn nú auknum slaka í hagkerfinu, minni hagvexti og minni verðbólgu en í síðustu spá. Hagstofan birtir verðbólgumælingu nóvembermánaðar á fimmtudaginn og þjóðhagsreikninga fyrir þriðja ársfjórðung á föstudaginn.
21. nóv. 2025
Brottfarir erlendra ferðamanna frá Keflavíkurflugvelli voru 6,2% færri í október en í sama mánuði í fyrra og erlend kortavelta dróst þó nokkuð saman. Líklega hefur fall Play sett mark sitt á mánuðinn. Ef horft er yfir árið í heild hefur gangurinn í ferðaþjónustu verið mun meiri á þessu ári en því síðasta.
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.