25. maí 2021 - Greiningardeild
Vikan framundan
- Á miðvikudag birtir Hagstofan vöru- og þjónustujöfnuð við útlönd.
- Á fimmtudag birtir Hagstofan maímælingu vísitölu neysluverðs og við spáum 4,3% verðbólgu. Kvika banki og TM birta uppgjör.
Mynd vikunnar
Í nýbirtri þjóðhags- og verðbólguspá okkar gerum við ráð fyrir að böndum verði komið á heimsfaraldur Covid-19 á seinni hluta ársins og að um 800 þúsund erlendir ferðamenn komi til landsins í ár. Við eigum von á að landsframleiðslan hér á landi aukist um 4,9% á árinu. Spáin gerir ráð fyrir að verðbólgan nái hámarki á öðrum ársfjórðungi og verði töluvert yfir markmiði út þetta ár en verði komin í markmið um mitt næsta ár. Við gerum ráð fyrir að meginvextir Seðlabanka Íslands verði hækkaðir alls um 0,75 prósentustig í ár og verði 1,5% í árslok.
Það helsta frá síðustu viku
- Við birtum þjóðhags- og verðbólguspá.
- Peningastefnunefnd hækkaði vexti um 0,25 prósentustig.
- Samhliða ákvörðuninni birti SÍ maíhefti Peningamála.
- Brim, Iceland Seafood, Reitir og Landsvirkjun birtu uppgjör.
- Veruleg aukning var í kortanotkun Íslendinga í apríl.
- Samkvæmt tölum sem Þjóðskrá birti í vikunni er mun meiri kraftur í íbúðamarkaði höfuðborgarsvæðisins en áður birtar tölur Þjóðskrár gáfu til kynna.
- Á fyrsta ársfjórðungi 2020 voru bæði atvinnuþátttaka og hlutfall starfandi af mannfjölda með því lægsta sem mælst hefur í vinnumarkaðsrannsókn Hagstofu Íslands.
- Hagdeild HMS birti mánaðarskýrslu.
- Verð íslenskra sjávarafurða heldur áfram að gefa eftir.
- Hagstofan birti vísitölu byggingarkostnaðar og skammtímavísa í ferðaþjónustu.
- Reykjavíkurborg birti útgáfuáætlun fyrir seinni hluta ársins.
- Lánasjóður sveitarfélaga lauk skuldabréfaútboði, Kvika banki gaf út skuldabréf, Reitir luku skuldabréfaútboði, Lánamál ríkisins luku útboð ríkisbréfa og Eik fasteignafélag stækkaði skuldabréfaflokk.
Hagtölur og markaðsupplýsingar
Þú gætir einnig haft áhuga á
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.