23. janúar 2023
Vikan framundan
- Á þriðjudag birtir Hagstofan vísitölu launa fyrir desember.
- Á miðvikudag birtir Hagstofan niðurstöður úr mánaðarlegri vinnumarkaðsrannsókn sinni.
Mynd vikunnar
Seðlabankinn brást við efnahagssamdrætti vegna heimsfaraldursins með því að lækka vexti. Meginvextir Seðlabanka Íslands voru 3% í upphafi faraldursins en fóru lægst í 0,75% í lok árs 2020. Á sama tímabili fóru lægstu óverðtryggðu vextir íbúðalána úr 5% niður í 3,3%. Vaxtalækkunin ýtti undir eftirspurn á fasteignamarkaði með þeim afleiðingum að verð tók að snarhækka. Frá upphafi ársins 2020 hefur fasteignaverð hækkað um 50% á meðan laun hafa hækkað um tæplega 25%, almennt verðlag hefur hækkað um rúmlega 15% og leiguverð á höfuðborgarsvæðinu hefur hækkar um rúmlega 10%. Eitthvað er þó að hægjast á fasteignamarkaðnum, en fasteignaverð hefur verið nokkuð stöðugt frá því síðasta sumar og í desember 2022 lækkaði vísitala íbúðaverðs á höfuðborgarsvæðinu um 0,7% milli mánaða.
Helsta frá vikunni sem leið
- Vísitala íbúðaverðs lækkaði um 0,7% milli mánaða í desember. Vísitalan lækkaði líka mánuðinn á undan, þá um 0,3%. Þetta bendir til þess að markaðurinn sé að róast eftir mjög miklar hækkanir síðustu ár. Talan var mun lægri en við áttum von á og því færðum við verðbólguspá okkar fyrir janúarmánuð niður, úr 9,4% í 9,3%.
- Kortavelta íslenskra heimila stóð í stað að raunvirði milli ára í desember. Á síðustu mánuðum hefur hægt verulega á vexti veltunnar, en aukningin fór hæst í 25% milli ára í apríl á síðasta ári. Þótt heildarkortaveltan hafi staðið í stað milli ára breyttist samsetningin: Íslendingar versluðu meira erlendis og minna innanlands.
- Ársverðbólgan í Bretlandi lækkaði úr 10,7% í 10,5% í desember. Þetta er annar mánuðurinn í röð sem ársverðbólgan lækkar milli mánaða þar í landi. Það sem veldur mestum áhyggjum eru miklar hækkanir á matvörum, en árshækkun matarkörfunnar í Bretlandi er 16,9%.
- Á skuldabréfamarkaði lauk Íslandsbanki útboði á sértryggðum skuldabréfum, Lánasjóður sveitarfélaga lauk skuldabréfaútboði, Hagar luku víxlaútboði og Lánamál ríkisins luku útboði ríkisbréfa.
- Á hlutabréfamarkaði birti Eimskip afkomuviðvörun, Alvotech var tilkynnt um fyrirhugaða úttekt bandaríska lyfjaeftirlitsins á framleiðsluaðstöðu og Alvotech seldi hlutabréf í lokuðu útboð til innlendra fagfjárfesta.
Hagtölur og markaðsupplýsingar
Þú gætir einnig haft áhuga á
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.
29. nóv. 2024
Skammtímaleiga í gegnum Airbnb hefur stóraukist eftir faraldurinn og framboð á íbúðum til langtímaleigu virðist hafa minnkað á móti. Þessi þróun gæti hafa átt þátt í að þrýsta upp leiguverðinu. Stærstur hluti Airbnb-íbúðanna er leigður út af leigusölum með fleiri en tvær íbúðir í útleigu.
28. nóv. 2024
Vísitala neysluverðs hækkaði um 0,09% á milli mánaða í nóvember, samkvæmt nýbirtum tölum Hagstofu Íslands. Ársverðbólga lækkar því úr 5,1% í 4,8%, eða um 0,3 prósentustig. Reiknuð húsaleiga hafði mest áhrif til hækkunar vísitölunnar og flugfargjöld til útlanda mest áhrif til lækkunar.
26. nóv. 2024
Nýjustu gögn af íbúðamarkaði benda til þess að lítillega hafi dregið úr eftirspurn. Grindavíkuráhrifin eru líklega tekin að fjara út og hugsanlega heldur fólk að sér höndum nú þegar vaxtalækkunarferlið er nýhafið og loks glittir í ódýrari fjármögnun. Verðið gæti tekið hratt við sér þegar vextir lækka af meiri alvöru.
25. nóv. 2024
Seðlabankinn lækkaði stýrivexti um 0,5 prósentustig í síðustu viku, í takt við væntingar. Í þessari viku birtir Hagstofan verðbólgumælingu nóvembermánaðar en við eigum von á að verðbólga hjaðni úr 5,1% í 4,5%. Á föstudag, þegar Hagstofan birtir þjóðhagsreikninga, kemur svo í ljós hvernig hagvöxtur þróaðist á þriðja ársfjórðungi.
19. nóv. 2024
Við spáum því að verðbólga lækki nokkuð hratt allra næstu mánuði og í nýlegri verðbólguspá gerum við ráð fyrir að verðbólga verði komin niður í 3,5% í febrúar, sem er talsverð hjöðnun frá núverandi gildum. Það er því ágætt að staldra við og skoða hvaða þættir munu skýra lækkunina, gangi spá okkar eftir.
18. nóv. 2024
Við gerum ráð fyrir því að peningastefnunefnd lækki vexti um 0,50 prósentustig á miðvikudaginn. Verðmælingar vegna nóvembermælingar vísitölu neysluverðs fóru fram í síðustu viku, en við spáum því að verðbólga hjaðni úr 5,1% niður í 4,5%. Tæplega 5% fleiri erlendir ferðamenn fóru um Keflavíkurflugvöll í október í ár en í fyrra og kortavelta þeirra hér á landi jókst um 5,4% miðað við fast verðlag. Kortavelta Íslendinga jókst um 6,8% að raunvirði á milli ára í október.