22. febrúar 2021 - Hagfræðideild
Vikan framundan
- Á miðvikudag birta Festi, Iceland Seafood og Sýn ársuppgjör.
- Á fimmtudag birtir Hagstofan febrúarmælingu vísitölu neysluverðs og vöru- og þjónustuviðskipti fyrir 4F 2020. Brim, Eimskip og VÍS birta ársuppgjör.
- Á föstudag birtir Hagstofan þjóðhagsreikninga fyrir 2020..
Mynd vikunnar
Óhætt er að segja að það gangi mishratt að bólusetja gegn Covid-19 í helstu viðskiptalöndum okkar. Bólusetning gengur hraðast fyrir sig í Bretlandi og Bandaríkjunum, en mun hægar í Evrópusambandinu, Danmörku, Noregi og Svíþjóð. Á myndinni sést fjöldi stakra bólusetninga, en yfirleitt þarf fleiri en einn skammt af bóluefni til að einstaklingur teljist bólusettur. Samkvæmt nýjustu tölum á vef landlæknis (uppfært 19. febrúar) er bólusetning hafin hjá 5.570 manns hér á landi og 10.074 eru fullbólusettir. Þetta samsvarar um 7 skömmtum á hverja 100 manns sem er nokkuð meira en í Evrópusambandinu í heild, en aðeins minna en í Danmörku.
Það helsta frá vikunni sem leið
- Reitir, Kvika banki, TM, Lykill og Síminn birtu ársuppgjör.
- Atvinnuleysi jókst minna í janúar en reikna mátti með, en er samt mest á Íslandi af Norðurlöndunum.
- Íbúðaverð hækkaði nokkuð minna milli mánaða í janúar en á fyrri mánuðum, eða aðeins um 0,1%.
- Leiguverð á höfuðborgarsvæðinu lækkaði annan mánuðinn í röð í janúar.
- Allir nefndarmenn peningastefnunefndar voru sammála um að halda vöxtum bankans óbreyttum og að halda óbreyttri stefnu varðandi önnur stjórntæki á fundi nefndarinnar 1. og 2. febrúar.
- Landsvirkjun, Landsnet og HS Veitur birtu ársreikninga.
- Landsbankinn, Lánasjóður sveitarfélaga og Lánamál ríkisins luku skuldabréfaútboðum. Auk þessara útboða tilkynnti Lánasjóður sveitarfélaga um sölu skuldabréfa.
- Arion banki birti útgáfuáætlun fyrir árið 2021.
- Landsbankinn seldi græn skuldabréf í evrum.
Hagtölur og markaðsupplýsingar
Hagtölur 22. febrúar 2021 (PDF)
Innlendar markaðsupplýsingar 22. febrúar 2021 (PDF)
Þú gætir einnig haft áhuga á
25. sept. 2023
Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.
20. sept. 2023
Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.
18. sept. 2023
Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.
18. sept. 2023
Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.
15. sept. 2023
Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.
14. sept. 2023
Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.
11. sept. 2023
Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.
4. sept. 2023
Meðfylgjandi er mánaðarlegt yfirlit um sértryggð skuldabréf.
4. sept. 2023
Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.
31. ágúst 2023
Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.