9. febrúar 2026
Vikan framundan
- Á þriðjudag birtir Ferðamálastofa brottfarir um Keflavíkurflugvöll í janúar. Sama dag birtir Vinnumálastofnun skráð atvinnuleysi í janúar.
- Á miðvikudag birta Arion banki og Kvika banki uppgjör. Einnig verða verðbólgutölur birtar í Bandaríkjunum.
- Á fimmtudag birta Heimar, Íslandsbanki, Kaldalón og Sjóvá uppgjör.
Mynd vikunnar
Skýr merki eru um aukinn slaka á vinnumarkaði. Fjölgun starfandi náði hámarki um mitt ár 2022 en síðan hefur takturinn verið hægari. Í desember fækkaði svo fjölda starfandi á milli ára, í fyrsta sinn síðan í apríl árið 2021. Einnig hefur dregið verulega úr ráðningaráformum fyrirtækja, samkvæmt niðurstöðum úr nýjustu könnun Gallup meðal stjórnenda 400 stærstu fyrirtækja landsins. Það er því líklegt að slaki á vinnumarkaðnum aukist áfram næstu misseri.
Það helsta frá vikunni sem leið
- Peningastefnunefnd ákvað í síðustu viku að halda vöxtum bankans óbreyttum. Meginvextir bankans, vextir á 7 daga bundnum innlánum, eru því áfram 7,25%. Samhliða ákvörðuninni komu Peningamál út.
- Verðbólga á evrusvæðinu lækkaði úr 2,0% í 1,7% í janúar. Mælingin var í takt við væntingar.
- Seðlabanki Evrópu hélt stýrivöxtum óbreyttum í 2%, í samræmi við væntingar. Einnig ákvað Englandsbanki að halda stýrivöxtum óbreyttum í 3,75%. Fjórir af níu nefndarmönnum vildu lækka vexti, en hinir fimm vildu halda óbreyttum vöxtum.
- Iceland Seafood sendi frá sér afkomuviðvörun. Kvika - Fjarskiptainnviðir, Veðskuld III, Fjárfestingarsjóðurinn ÍSH, Eik fasteignafélag, Skel fjárfestingarfélag, Festi og Icelandair (uppgjörskynning) birtu uppgjör. Síldarvinnslan birti drög að stjórnendauppgjöri. Icelandair birti einnig flutningstölur.
- Kaldalón lauk sölu á grænum skuldabréfum. Arion banki lauk sölu á sértryggðum skuldabréfum ásamt skiptiútboði. Lánamál ríkisins lauk sölu á ríkisbréfum.
- Alvotech gerði samninga um markaðssetningu á fyrirhuguðum hliðstæðum í Kanada, Ástralíu og Nýja- Sjálandi. Alvotech kynnti einnig jákvæða niðurstöðu rannsóknar á lyfjahvörfum AVT80, fyrirhugaðrar hliðstæðu við líftæknilyfið Entyvio.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
29. apríl 2026
Vísitala neysluverðs hækkaði um 0,81% og lækkar verðbólga við það úr 5,4% í 5,2%. Við höfðum spáð því að verðbólga myndi hækka í 5,5%. Mestu munaði að flugfargjöld hækkuðu nokkuð minna í apríl en við höfðum spáð. Eldsneytisverð hefur áfram mest áhrif til hækkunar á milli mánaða. Mælingin eykur líkur á því að Seðlabankinn taki minna hækkunarskref í maí.
27. apríl 2026
Hátt vaxtastig, ströng lánþegaskilyrði og breytt lánaframboð hafa dregið úr verðhækkunum á íbúðamarkaði. Raunverð íbúða hefur nú lækkað nokkra mánuði í röð og við gerum ráð fyrir að sú þróun haldi áfram. Framboð íbúða til sölu hefur aukist hratt og birgðatími hefur lengst, sérstaklega á nýjum íbúðum.
27. apríl 2026
Árshækkun vísitölu íbúðaverðs mældist 2,6% og vísitölu leiguverðs 6,3% í mars. Velta skv. VSK-skýrslum dróst saman að raunvirði á milli ára á VSK-tímabilinu jan-feb. Á miðvikudag birtir Hagstofan aprílmælingu vísitölu neysluverðs. Við spáum því að verðbólga hækki úr 5,4% í 5,5%.
22. apríl 2026
Velta samkvæmt virðisaukaskattsskýrslum dróst saman um 5% að raunvirði í janúar og febrúar, samkvæmt nýbirtum gögnum Hagstofunnar. Þá sýna nýleg gögn um fjölda starfandi að verulega hefur dregið úr fjölgun starfa sem stóð í stað á milli ára í febrúar.
20. apríl 2026
Kortavelta jókst um 0,8% á milli ára í mars að raunvirði. Eins og síðustu mánuði jókst kortavelta erlendis talsvert en þetta var annar mánuðurinn í röð þar sem kortavelta innanlands dregst saman. Við spáum hægari vexti í einkaneyslu ásamt hóflegum launahækkunum á næstu árum.
20. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð, samkvæmt hagspá sem við birtum fyrir helgi. Við eigum von á hægfara hjöðnun verðbólgu og að stýrivextir haldi áfram að hækka á árinu.
17. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð. Við sjáum merki um slaka á vinnumarkaði með auknu atvinnuleysi og minni eftirspurn fyrirtækja eftir starfsfólki. Hærri stýrivextir munu valda því að sú staða vari lengur en ella.
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.