20. febrúar 2023
Vikan framundan
- Á þriðjudaginn birtir HMS vísitölu íbúðaverðs á höfuðborgarsvæðinu.
- Á miðvikudag birtir Seðlabankinn fundargerð peningastefnunefndar, Hagstofan birtir launavísitöluna og niðurstöður úr vinnumarkaðsrannsókn sinni og Iceland Seafood birtir ársuppgjör.
- Á fimmtudag birta Brim og VÍS ársuppgjör.
- Á föstudag birtir Hagstofan vöru- og þjónustujöfnuð.
Mynd vikunnar
Einkaneysla hér á landi hefur verið mjög kröftug síðan takmarkanir vegna faraldursins voru afnumdar. Einkaneysla jókst um tæp 11% milli ára að raunvirði á fyrstu níu mánuðum ársins 2022. Velta greiðslukorta heimila bendir þó til þess að hægt hafi á aukningunni á síðustu þremur mánuðum ársins 2022, en að hún hafi farið aftur á flug í janúar í ár. Athygli vekur að í janúar var aukningin bæði komin til vegna aukinnar veltu innanland og erlendis, en á síðustu mánuðum hefur aukninguna nær einungis mátt rekja til aukinnar neyslu erlendis. Nýlega umsamdar launahækkanir gætu verið ein skýring aukinnar neyslu og ferðagleði landsmanna í janúar en stór hluti launafólks á almennum vinnumarkaði fékk launahækkun afturvirkt frá 1. nóvember. Sem fyrr er þó varasamt að lesa mikið í einstaka mælingar - næstu mánuðir munu leiða í ljós hver þróunin verður.
Helsta frá vikunni sem leið
- Við eigum von á að verðbólgan lækki úr 9,9% í 9,6% í febrúar, en Hagstofan birtir febrúarmælingu vísitölu neysluverðs mánudaginn 27. febrúar. Spá okkar til næstu mánaða gerir ráð fyrir örlítið meiri verðbólgu en í síðustu spá sem við birtum í lok janúar. Við teljum engu að síður að verðbólgan hjaðni á næstu mánuðum og verði komin niður í 8,2% í júní.
- Þó ferðamenn hafi verið nokkuð færri í janúar í ár en í janúarmánuðum fyrir faraldur, eyðir hver ferðamaður að jafnaði meiru núna en þá.
- Uppgjörstímabil stendur nú yfir, en Eimskip, Reitir, Síminn, Kvika banki, Fly Play, SKEL fjárfestingarfélag og Sýn birtu ársuppgjör.
- Á skuldabréfamarkaði hélt Lánasjóður sveitarfélaga skuldabréfaútboð, Landsbankinn hélt útboð á sértryggðum skuldabréfum og Lánamál ríkisins héldu útboð ríkisbréfa.
Hagtölur og markaðsupplýsingar
Þú gætir einnig haft áhuga á
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.