18. desember 2023
Vikan framundan
- Á þriðjudag birtir HMS vísitölu íbúðaverðs á höfuðborgarsvæðinu.
- Á fimmtudag birtir Hagstofan verðbólgutölur fyrir desember, við eigum von á að hún hækki úr 8,0% í 8,1%, en lækki síðan í 7,3% í janúar, 6,8% í febrúar og 6,7% í mars.
- Á föstudag birtir Seðlabankinn ársfjórðungslega Hagvísa.
Mynd vikunnar
Á þriðja ársfjórðungi voru ráðstöfunartekjur um 443 þúsund krónur á mann á mánuði og hefur hækkað um 54% frá árinu 2016, sem verður að teljast nokkuð ríflegt. Þessi aukning hefur þó ekki skilað sér að öllu leyti inn í bætt lífskjör ef tekið er tillit til verðbólgu. Vísitala neysluverðs hækkaði um 37% á sama tímabili. Ef leiðrétt er fyrir verðbólgu hefur kaupmáttur ráðstöfunartekna yfir sama tímabil aukist um 12%.
Það helsta frá vikunni sem leið
- 150 þúsund erlendir ferðamenn fóru um Leifsstöð í nóvember. Uppsafnaður fjöldi það sem af er ári er 2.087 þúsund ferðamenn og er nokkuð líklegt að heildarfjöldinn í ár verði 2,2 milljónir ferðamanna, aðeins færri en metárið 2018 þegar 2,3 milljónir ferðamanna fóru um Leifsstöð.
- Greiðslukortavelta heimila dróst saman um 2,0% á milli ára á föstu verðlagi í nóvember. Innanlands dróst kortavelta íslenskra heimila saman um 2,7% að raunvirði í nóvember en á móti jókst hún erlendis um 0,7%, á föstu gengi. Til kortaveltu erlendis telst líka netverslun, sem hefur aukist nokkuð í nóvembermánuði síðustu ár vegna tilboðsdaga sem tengjast netverslun. Þetta er áttundi mánuðurinn í röð sem kortavelta heimila dregst saman milli ára.
- Ráðstöfunartekjur heimilanna í heild jukust um 8% milli ára á þriðja ársfjórðungi. Ef við tökum tillit til verðbólgu og mannfjöldaaukningu dróst kaupmáttur ráðstöfunartekna á mann saman um 2,7% á milli ára.
- Seðlabanki Bandaríkjanna, Seðlabanki Evrópu og Englandsbanki héldu vöxtum óbreyttum í síðustu viku. Seðlabankastjóri Bandaríkjanna, Jerome Powell, gaf til kynna að ekki yrðu frekari hækkanir á vöxtum og ýjaði að lækkun á næsta ári og tók hlutabréfamarkaður hressilega við sér í kjölfarið. Verðbólga í Bandaríkjunum mældist 3,1% í nóvember.
- Marel tilkynnti til Kauphallarinnar að félaginu hafi borist uppfærð óskuldbindandi viljayfirlýsing frá John Bean Technologies Corporation varðandi mögulegt tilboð í öll hlutabréf í félaginu. Fyrri viljayfirlýsingu frá sama félagi var hafnað.
- Seinasta vika var nokkuð fjörug á skuldabréfamarkaði en Landsbankinn, Orkuveita Reykjavíkur, Lánasjóður sveitarfélaga, Íslandsbanki og Lánamál ríkisins héldu útboð. Íslandsbanki keypti til baka bréf í flokknum ISB CBI 24 sem er á gjalddaga í mars á næsta ári, Arion banki tilkynnti að Moody’s hafi veitt sértryggðum skuldabréfum bankans í evrum Aa2 lánshæfismat og Lánasjóður sveitarfélaga birti útgáfuáætlun fyrir 2024.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
12. mars 2026
Við spáum því að í næstu viku muni peningastefnunefnd Seðlabanka Íslands hækka vexti um 0,25 prósentustig. Verðbólga hefur aukist meira en spár gerðu ráð fyrir og verðbólguvæntingar hafa einnig aukist. Ólga hefur aukist á alþjóðlegum mörkuðum vegnastríðsátaka í Mið-Austurlöndum sem eykur verðbólguþrýsting.
12. mars 2026
Við spáum því að vísitala neysluverðs hækki um 0,55% á milli mánaða í mars. Gangi spáin eftir mun verðbólga hækka úr 5,2% í 5,4%. Hærra eldsneytisverð, sem rekja má til átakanna í Mið-Austurlöndum, skýrir að stærstum hluta þá hækkun verðbólgu á milli mánaða sem við spáum. Óljóst er hversu lengi átökin munu standa yfir og hversu langvinn áhrifin á verðbólgu hér á landi verða. Mikið er undir verðbólgumælingum næstu mánaða en forsendur í kjarasamingum á almennum vinnumarkaði byggja á að verðbólga mælist undir 4,7% í ágúst, eða að hún mælist að meðaltali undir 4,4% sex mánuði þar á undan. Auknar líkur eru á því að þær forsendur haldi ekki.
9. mars 2026
Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.
9. mars 2026
Talsvert minni halli var á viðskiptum við útlönd á fyrsta ársfjórðungi ársins en á sama fjórðungi árið áður. Í vikunni fáum við ferðamannatölur og skráð atvinnuleysi.
6. mars 2026
Atvinnuleysi mjakast upp, störfum er hætt að fjölga og minni eftirspurn er eftir vinnuafli en áður. Aukið atvinnuleysi síðustu mánuði má þó nánast eingöngu rekja til erlends vinnuafls. Atvinnuleysi hefur lítið breyst meðal Íslendinga og er lítið í alþjóðlegum samanburði. Þrátt fyrir kólnun á vinnumarkaði hefur kaupmáttur launa aukist og einkaneysla haldist sterk, en það hefur stutt við eftirspurn og viðhaldið verðbólguþrýstingi.
2. mars 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. mars 2026
Samkvæmt bráðabirgðatölum Hagstofunnar var hagvöxtur á síðasta ári 1,3%, en 0,6% samdráttur mældist á fjórða ársfjórðungi. Verðbólga hélst óbreytt á milli mánaða í febrúar og mælist 5,2%. Velta skv. VSK-skýrslum dróst saman á tímabilinu nóv-des í öllum þremur stóru útflutningsgeirunum.
27. feb. 2026
Landsframleiðsla jókst um 1,3% á milli ára að raunvirði í fyrra, en dróst saman um 0,6% á fjórða ársfjórðungi. Einkaneysla var mjög sterk bæði á árinu í heild og á fjórða ársfjórðungi. Fjármunamyndun og innflutningur litaðist af uppbyggingu á gagnaverum, sem var þó nokkur á fyrri hluta árs, en minnkaði á þriðja ársfjórðungi og var lítil á þeim fjórða.
26. feb. 2026
Verðbólga stóð í stað í febrúar og mælist áfram 5,2%. Vísitala neysluverðs hækkaði töluvert meira í febrúar en við spáðum. Mesta frávik frá okkar spá er vegna flugfargjalda til útlanda sem hækkuðu töluvert, en flestir liðir hækkuðu aðeins meira en við spáðum. Reiknuð húsaleiga hækkaði þó minna og Hagstofan leiðrétti verðmælingar á eldsneyti í janúar sem kemur til lækkunar nú, en hefði átt að þýða minni verðbólga í janúar.
24. feb. 2026
Hækkun vísitölu íbúðaverðs á milli mánaða í janúar hefur ekki verið meiri síðan í byrjun árs 2024. Á síðustu mánuðum hefur þó dregið talsvert úr verðhækkunum á íbúðamarkaði og raunverð hefur lækkað á milli ára þrjá mánuði í röð. Við gerum ráð fyrir raunverðslækkunum á milli ára á allra næstu mánuðum, þó nafnverðslækkanir séu ólíklegri.